8.92C Vancouver 8.92C VancouverJul 13, 2021 10:10 AM -
ਸਿਹਤ ਮੰਤਰੀ ਸਤਿੰਦਰ ਜੈਨ ਨੇ ਅੱਜ ਮੰਗਲਵਾਰ ਨੂੰ ਜਾਣਕਾਰੀ ਦਿੰਦਿਆਂ ਆਖਿਆ ਕਿ ਬੀਤੇ 24 ਘੰਟਿਆਂ ਵਿੱਚ ਦਿੱਲੀ ਵਿੱਚ ਬੀਤੇ ਡੇਢ ਸਾਲ ਵਿੱਚ ਕੋਰੋਨਾ ਦੇ ਸਭ ਤੋਂ ਘੱਟ, 45 ਨਵੇਂ ਮਾਮਲੇ ਮਿਲੇ ਹਨ।
ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ, ਜੈਨ ਨੇ ਅੱਗੇ ਦੱਸਿਆ ਕਿ ਸਕਾਰਾਤਮਕਤਾ ਦਰ 0.1 ਫ਼ੀਸਦ ਤੋਂ ਜ਼ਰਾ ਜਿੰਨੀ ਕ ਘੱਟ ਹੈ ਅਤੇ ਰਾਜਧਾਨੀ ਵਿੱਚ ਇਸ ਵੇਲੇ ਕੁਲ 693 ਸਰਗਰਮ ਮਾਮਲੇ ਹੀ ਹਨ।
"ਕੱਲ ਦਿੱਲੀ ਵਿੱਚ ਕੋਵਿਡ ਦੇ 45 ਪੌਜ਼ਿਟਿਵ ਮਾਮਲੇ ਸਨ, ਜੋ ਇਕ ਬੀਤੇ ਡੇਢ ਸਾਲ ਵਿੱਚ ਸਭ ਤੋਂ ਘੱਟ ਸਨ। ਪੌਜ਼ਿਟਿਵਿਟੀ ਦਰ ਇੱਕ ਫ਼ੀਸਦ ਤੋਂ ਜ਼ਰਾ ਜਿੰਨੀ ਕ ਘੱਟ ਹੈ ਅਤੇ ਕੁਲ 693 ਸਰਗਰਮ ਮਾਮਲੇ ਹਨ,"ਜੈਨ ਨੇ ਲੋਕਾਂ ਨੂੰ ਕੋਵਿਡ ਲਈ ਪਰਹੇਜ਼ ਰੱਖਣ ਦੀ ਅਪੀਲ ਕਰਦਿਆਂ ਆਖਿਆ।
ਦੱਸਣਯੋਗ ਹੈ ਕਿ ਦਿੱਲੀ ਵਿੱਚ ਇਸ ਸਾਲ ਦੇ ਸ਼ੁਰੂਆਤ ਵਿੱਚ ਕੋਵਿਡ-19 ਦੀ ਦੂਜੀ ਲਹਿਰ ਨੇ ਭਿਆਨਕ ਤਬਾਹੀ ਮਚਾਈ ਸੀ, ਜਦੋਂ ਅਪ੍ਰੈਲ ਵਿੱਚ ਮਾਮਲੇ 28,000 ਤੋਂ ਵੀ ਵੱਧ, ਸਿਖ਼ਰ 'ਤੇ ਸਨ।
ਹੁਣ ਰੋਜ਼ਾਨਾ ਦੇ ਤਾਜ਼ਾ ਮਾਮਲੇ ਲਗਾਤਾਰ ਦੋ ਹਫ਼ਤਿਆਂ ਤੋਂ 100 ਤੋਂ ਵੀ ਹੇਠਾਂ ਹਨ।
ਸ਼ਹਿਰ ਵਿੱਚ ਟੀਕਾਕਰਨ ਸਹੂਲੀਅਤ ਅਤੇ ਟੀਕਾ ਕੇਂਦਰਾਂ ਬਾਰੇ ਪੁੱਛੇ ਜਾਣ 'ਤੇ, ਜੋ ਬੀਤੇ ਕੁਝ ਦਿਨਾਂ ਤੋਂ ਬੰਦ ਪਏ ਹਨ, ਜੈਨ ਨੇ ਆਖਿਆ ਕਿ ਬੀਤੀ ਰਾਤ ਡੇਢ ਲੱਖ ਖੁਰਾਕਾਂ ਮਿਲੀਆਂ ਸਨ ਅਤੇ ਇੱਕ ਜਾਂ ਦੋ ਦਿਨਾਂ ਤੱਕ ਇਨ੍ਹਾਂ ਦੇ ਰਹਿਣ ਦੀ ਉਮੀਦ ਹੈ।
ਉਹਨਾਂ ਆਖਿਆ,"ਬੀਤੇ ਕੱਲ ਕਈ ਸੈਂਟਰ ਕੋਵਿਡ-19 ਦੇ ਟੀਕੇ ਨਾ ਹੋਣ ਕਰਕੇ ਬੰਦ ਸਨ। ਬੀਤੀ ਰਾਤ ਸਾਨੂੰ ਕੋਵਿਸ਼ੀਲਡ ਦੀਆਂ ਡੇਢ ਲੱਖ ਖੁਰਾਕਾਂ ਮਿਲੀਆਂ ਹਨ। ਇਨ੍ਹਾਂ ਦੇ ਇੱਕ ਜਾਂ ਦੋ ਦਿਨਾਂ ਤੱਕ ਚੱਲਣ ਦੀ ਉਮੀਦ ਹੈ। ਸਾਡੇ ਕੋਲ ਇੱਕ ਦਿਨ ਵਿੱਚ ਟੀਕੇ ਦੀਆਂ 3-4 ਲੱਖ ਖੁਰਾਕਾਂ ਦਾ ਪ੍ਰਬੰਧ ਕਰਨ ਦੀ ਸਮਰੱਥਾ ਹੈ।"
ਜੈਨ ਨੇ ਅੱਗੇ ਆਖਿਆ ਕਿ ਆਉਣ ਵਾਲੀ ਤੀਜੀ ਲਹਿਰ ਨੂੰ ਰੋਕਿਆ ਜਾਂ ਸਕਦਾ ਹੈ, ਜੇਕਰ ਲੋਕ ਕੋਵਿਡ-19 ਦੇ ਨਿਯਮਾਂ ਦੀ ਸਖ਼ਤੀ ਨਾਲ ਪਾਲਣਾ ਕਰਨ ਅਤੇ ਲਾਪਰਵਾਹ ਨਾ ਬਣਨ।
ਕੇਂਦਰੀ ਸਿਹਤ ਮੰਤਰੀ ਮੁਤਾਬਕ, ਦਿੱਲੀ ਵਿੱਚ ਟੀਕਿਆਂ ਦੀਆਂ 89,37,940 ਖ਼ੁਰਾਕਾਂ ਲਾਈਆਂ ਜਾਂ ਚੁੱਕੀਆਂ ਹਨ, ਜਿਸ ਵਿੱਚ 98,43,441 ਪਹਿਲੀ ਖ਼ੁਰਾਕ ਅਤੇ 20,94,499 ਦੂਜੀ ਖ਼ੁਰਾਕ ਹਨ।
ਗਵਾਂਢੀ ਮੁਲਕ ਹਰਿਆਣਾ ਨਾਲ ਚੱਲ ਰਹੀ ਪਾਣੀ ਨਾਲ ਸਬੰਧਿਤ ਤਕਰਾਰ ਬਾਰੇ ਅਤੇ ਦਿੱਲੀ ਸਰਕਾਰ ਦੇ ਪਾਣੀ ਦੀ ਸਪਲਾਈ ਦੇ ਪ੍ਰਬੰਧ ਸਹੀ ਢੰਗ ਨਾਲ ਨਾ ਕਰਨ ਦੇ ਇਲਜ਼ਾਮਾਂ ਬਾਰੇ ਜੈਨ ਨੇ ਆਖਿਆ,"ਉਹਨਾਂ ਨੂੰ ਸਾਨੂੰ ਆਪਣੇ ਹਿੱਸੇ ਦਾ ਪਾਣੀ ਦੇਣਾ ਚਾਹੀਦਾ ਹੈ, ਉਸ ਤੋਂ ਬਾਅਦ ਹੀ ਅਸੀਂ ਕੋਈ ਪ੍ਰਬੰਧ ਕਰ ਸਕਦੇ ਹਾਂ।"
