11.58C Vancouver 11.58C VancouverOct 15, 2020 10:34 PM -
ਕੈਲਗਰੀ ਦੇ ਇੱਕ 12 ਸਾਲਾ ਲੜਕੇ ਨੇ ਇੱਕ ਯੁਵਾ ਡਾਇਨਾਸੌਰ ਦਾ ਫੌਸਿਲ ਲੱਭਿਆ ਹੈ।
ਪੈਲੇਐਂਟੋਲੋਜਿਸਟਸ ਦਾ ਕਹਿਣਾ ਹੈ ਕਿ ਇਸ ਖੋਜ ਦੇ ਆਸਰੇ ਉਹ ਡਾਇਨਾਸੌਰ ਐਵੋਲਿਊਸ਼ਨ ਸੰਬੰਧੀ ਅਹਿਮ ਜਾਣਕਾਰੀ ਹਾਸਿਲ ਕਰ ਸਕਣਗੇ।
ਨਾਥਨ ਰੁਸ਼ਕਿਨ ਆਪਣੇ ਪਿਤਾ ਦੇ ਨਾਲ ਐਲਬਰਟਾ ਦੇ ਇੱਕ ਇਲਾਕੇ 'ਚ ਹਾਈਕਿੰਗ ਕਰ ਰਿਹਾ ਸੀ, ਜਦ ਇਸ ਹੈਡਰੋਸੌਰ ਡਾਇਨਾਸੌਰ ਫੌਸਿਲ ਦੀ ਭਾਲ ਹੋਈ।
ਉਸ ਵੇਲੇ ਤੋਂ ਪੈਲੇ-ਐਂਟੋਲੋ-ਜਿਸਟਸ ਨੇ 'ਕੈਨਯਨ ਵੌਲ' 'ਚ 30 ਤੋਂ 50 ਹੱਡੀਆਂ ਦੀ ਭਾਲ ਕਰ ਲਈ ਹੈ।
ਕੈਲਗਰੀ ਦੇ ਇੱਕ ਮਾਹਿਰ, ਫ੍ਰਾਂਸੂਆ ਥੈਰੀਐਨ ਦਾ ਕਹਿਣਾ ਹੈ ਕਿ ਇਸ ਖੋਜ ਤੋਂ ਬਾਅਦ ਵਾਤਾਵਰਨ 'ਚ ਤਬਦੀਲੀ ਤੋਂ ਬਾਅਦ ਡਾਇਨਾਸੌਰਸ 'ਤੇ ਪਏ ਪ੍ਰਭਾਵ ਅਤੇ ਉਨ੍ਹਾਂ ਦੇ ਜੀਵਨ ਬਾਰੇ ਪਤਾ ਕੀਤਾ ਜਾ ਸਕੇਗਾ।
ਰਾਇਲ ਟੀਰੈਲ ਮਿਊਜ਼ੀਅਮ ਨਾਲ ਬਤੌਰ ਪੈਲੇਐਂਟੋਲੋਜਿਸਟ ਕੰਮ ਕਰਨ ਵਾਲੇ ਥੈਰੀਐਨ ਦਾ ਕਹਿਣਾ ਹੈ ਕਿ ਇਹ ਡਾਇਨਾਸੌਰ ਐਲਬਰਟਾ 'ਚ 69 ਮਿਲੀਅਨ ਸਾਲ ਪਹਿਲਾਂ ਘੁੰਮ ਰਿਹਾ ਸੀ, ਅਤੇ ਮਾਹਿਰਾਂ ਨੂੰ ਇਸ ਜ਼ਮਾਨੇ ਦੇ ਡਾਇਨਾਸੌਰਸ ਬਾਰੇ ਬਹੁਤੀ ਜਾਣਕਾਰੀ ਨਹੀਂ ਸੀ, ਪਰ ਹੁਣ ਇਸ ਖੋਜ ਤੋਂ ਬਾਅਦ ਉਹ ਜਾਣਕਾਰੀਆਂ ਮਿਲ ਸਕਣਗੀਆਂ।
