21.82C Vancouver 21.82C VancouverJan 15, 2021 10:24 PM -
ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਨੇ ਬ੍ਰਿਟਿਸ਼ ਕੋਲੰਬੀਆ ਦੀ ਸ਼ਲਾਘਾ ਕੀਤੀ ਹੈ।
ਉਨ੍ਹਾਂ ਕਿਹਾ ਕਿ ਬੀ.ਸੀ. ਨੇ ਬਾਕੀ ਦੇ ਕੈਨੇਡਾ ਲਈ ਇੱਕ ਚੰਗੀ ਉਦਾਹਰਣ ਪੇਸ਼ ਕਰਦਿਆਂ ਇੰਟਰ-ਪ੍ਰੋਵਿੰਸ਼ੀਅਲ ਯਾਤਰਾ 'ਤੇ ਪਬੰਦੀ ਲਾਉਣ ਲਈ ਰਸਤੇ ਤਲਾਸ਼ਣ ਦੀ ਕੋਸ਼ਿਸ਼ ਕੀਤੀ ਹੈ।
ਡਾ. ਟੈਮ ਨੇ ਕਿਹਾ ਕਿ ਇਹ ਸਮਾਂ ਨਹੀਂ ਹੈ ਕਿ ਛੁੱਟੀਆਂ ਦਾ ਅਨੰਦ ਲੈਣ ਲਈ ਯਾਤਰਾ ਦੀ ਪਲੈਨਿੰਗ ਕੀਤੀ ਜਾਵੇ।
ਉਨ੍ਹਾਂ ਕਿਹਾ ਕਿ ਦੇਸ਼ ਵਿਚਾਲੇ ਜਾਂ ਕਿਸੇ ਵੀ ਯਾਤਰਾ ਤੋਂ ਬਚਾਅ ਕਰਨ ਦੀ ਲੋੜ ਹੈ।
ਉਨ੍ਹਾਂ ਕਿਹਾ ਕਿ ਇੰਟਰ-ਪ੍ਰੋਵਿੰਸ਼ੀਅਲ ਯਾਤਰਾ ਦੀ ਪਬੰਦੀ ਮੁਸ਼ਕਿਲ ਫੈਸਲਾ ਹੋਵੇਗਾ ਪਰ ਇਸ ਨਾਲ ਵਾਇਰਸ ਦੇ ਫੈਲਾਅ 'ਤੇ ਕਾਬੂ ਪਾਉਣ 'ਚ ਮਦਦ ਮਿਲ ਸਕਦੀ ਹੈ।
ਯਾਦ ਰਹੇ ਪ੍ਰੀਮਿਅਰ ਜੌਨ ਹੌਰਗਨ ਨੇ ਵੀਰਵਾਰ ਨੂੰ ਐਲਾਨ ਕੀਤਾ ਸੀ ਕਿ ਸੂਬਾ ਸਰਕਾਰ ਕਨੂੰਨੀ ਸਲਾਹ ਲੈ ਰਹੀ ਹੈ, ਜਿਸ ਨਾਲ ਬੀ.ਸੀ. 'ਚ ਆਉਣ ਦ ਵਾਲੇ ਗੈਰ-ਜ਼ਰੂਰੀ ਯਾਤਰਾ ਕਰ ਰਹੇ ਲੋਕਾਂ ਲਈ ਰਸਤੇ ਬੰਦ ਕੀਤੇ ਜਾ ਸਕਣ।
