15.43C Vancouver 15.43C VancouverJan 11, 2022 1:25 AM - Connect News
ਵੈਨਕੂਵਰ ਜਨਰਲ ਹਸਪਤਾਲ ਦੇ ਕੋਲ ਇੱਕ ਵਿਅਕਤੀ 'ਤੇ ਇੱਕ ਔਰਤ ਵੱਲੋਂ ਕਥਿਤ ਤੌਰ 'ਤੇ ਹਮਲਾ ਕਰਨ ਦੀ ਵਾਰਦਾਤ ਵਾਪਰੀ ਹੈ।
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਘਟਨਾ ਸ਼ਨੀਵਾਰ ਦੁਪਹਿਰ ਦੇ ਸਮੇਂ ਵਾਪਰੀ।
ਵੈਨਕੂਵਰ ਜਨਰਲ ਹਸਪਤਾਲ ਦੇ ਕੋਲ ਇੱਕ ਪੈਦਲ ਯਾਤਰੀ ਸੜਕ 'ਤੇ ਅਚਾਨਕ ਸਾਹਮਣੇ ਆ ਗਈ ਜਿਸ ਕਾਰਨ ਇੱਕ ਆਦਮੀ ਨੂੰ ਗੱਡੀ ਦੇ ਬ੍ਰੇਕ ਲਗਾਉਣੇ ਪਏ।
ਕਥਿਤ ਤੌਰ 'ਤੇ ਪੈਦਲ ਜਾਂਦੀ ਔਰਤ ਭੜਕ ਗਈ ਅਤੇ ਉਸ ਨੇ ਵਾਹਨ ਨੂੰ ਨੁਕਸਾਨ ਪਹੁੰਚਾਉਣ ਦੀ ਕੋਸ਼ਿਸ਼ ਕੀਤੀ।
ਉਸ ਨੇ ਵਾਹਨ ਚਾਲਕ ਦੇ ਵੀ ਮੁੱਕਾ ਮਾਰਿਆ ਅਤੇ ਉਸ ਦੇ ਚਿਹਰੇ 'ਤੇ ਕੋਈ ਪਦਾਰਥ ਛਿੜਕ ਦਿੱਤਾ।
ਮਾਰਪੋਲ ਇਲਾਕੇ ਦੇ 36 ਸਾਲਾ ਵਾਹਨ ਚਾਲਕ ਨੇ ਪੁਲਿਸ ਨੂੰ ਸੱਦਿਆ।
ਹਾਲਾਂਕਿ ਸ਼ੱਕੀ ਔਰਤ ਪੁਲਿਸ ਦੇ ਪਹੁੰਚਣ ਤੋਂ ਪਹਿਲਾਂ ਮੌਕੇ ਤੋਂ ਨਿਕਲ ਗਈ ਸੀ।
ਸ਼ੱਕੀ ਔਰਤ ਨੂੰ ਸਿਆਹ ਰੰਗ ਦੀ ਔਰਤ ਦੱਸਿਆ ਗਿਆ ਹੈ ਅਤੇ ਉਸ ਦੀ ਉਮਰ 40 ਤੋਂ 50 ਸਾਲ ਦਰਮਿਆਨ ਮੰਨੀ ਜਾ ਰਹੀ ਹੈ।
