ਸਵੋਨਾ ਨੇੜੇ ਵਾਹਨ ਪਲਟਣ ਦੀ ਦਰਦਨਾਕ ਘਟਨਾ ਵਿਚ ਇਕ ਦੀ ਮੌਤ

ਸਵੋਨਾ ਨੇੜੇ ਬੀਤੇ ਐਤਵਾਰ ਇਕ ਵਾਹਨ ਪਲਟਣ ਦੀ ਦਰਦਨਾਕ ਘਟਨਾ ਵਿਚ ਇਕ ਔਰਤ ਦੀ ਮੌਤ ਹੋ ਗਈ ਜਦਕਿ ਇਕ ਹੋਰ ਔਰਤ ਗੰਭੀਰ ਰੂਪ ਵਿਚ ਜ਼ਖਮੀ ਹੋ ਗਈ। ਦੋਵੇਂ ਔਰਤਾਂ ਪੋਰਟ ਕੋਕੁਇਟਲਮ ਦੀਆਂ ਦੱਸੀਆਂ ਜਾਂਦੀਆਂ ਹਨ। ਇਸ ਹਾਦਸੇ ਤੋਂ ਬਾਅਦ ਰੂਰਲ ਆਰ.ਸੀ.ਐੱਮ.ਪੀ. ਅਤੇ ਬੀ.ਸੀ. ਹਾਈਵੇਅ ਪੈਟਰੋਲ ਨੇ ਤੁਰੰਤ ਕਾਰਵਾਈ ਕੀਤੀ।

ਪ੍ਰਾਪਤ ਜਾਕਾਰੀ ਅਨੁਸਾਰ ਮੁੱਢਲੀ ਜਾਂਚ ਵਿਚ ਇਹ ਸਾਹਮਣੇ ਆਇਆ ਹੈ ਕਿ ਇਹ ਦੋਹਵੇਂ ਔਰਤਾਂ ਵਿਚ ਪਿਕਅਪ ਟਰੱਕ ਵਿਚ ਜਾ ਰਹੀਆਂ ਸਨ ਜੋ ਇਕ ਖੱਡ ਨਾਲ ਟਕਰਾ ਗਿਆ ਸੀ। ਬਾਅਦ ਵਿਚ ਇਹ ਟਰੱਕ ਪਲਟੀਆਂ ਖਾਂਦਾ ਹੋਇਆ ਖੱਡ ਦੇ ਪੱਛਮ ਵੱਲ ਡਿੱਗ ਗਿਆ ਸੀ।

ਸੰਚਾਰ ਸੇਵਾਵਾਂ ਦੇ ਦੱਖਣ-ਪੂਰਬੀ ਜ਼ਿਲ੍ਹੇ ਦੇ ਜ਼ਿਲ੍ਹਾ ਸਲਾਹਕਾਰ ਐਨ.ਸੀ.ਓ.ਕਾਰਪੋਰਲ ਜੇਮਜ਼ ਗ੍ਰੈਂਡੀ ਨੇ ਦੱਸਿਆ ਕਿ ਦੋਵੇਂ ਔਰਤਾਂ ਟਰੱਕ ਵਿਚ ਫਸੀਆਂ ਹੋਈਆਂ ਸਨ ਅਤੇ ਸਥਾਨਕ ਫਾਇਰ ਡਿਪਾਰਟਮੈਂਟ ਨੂੰ ਇਨ੍ਹਾਂ ਨੂੰ ਕੱਢਣ ਵਿਚ ਮਦਦ ਕਰਨੀ ਪਈ।

ਪੁਲਿਸ ਮੁਤਾਬਿਕ ਇਸ ਹਾਦਸੇ ਵਿਚ ਇਕ ਔਰਤ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ ਜਦਕਿ ਇਕ ਮਹਿਲਾ ਡਰਾਇਵਰ ਨੂੰ ਜਾਨਲੇਵਾ ਸੱਟਾਂ ਨਾਲ ਹਸਪਤਾਲ ਪਹੁੰਚਾਇਆ ਗਿਆ। ਇਸ ਹਾਦਸੇ ਕਾਰਨ ਹਾਈਵੇ ਨੂੰ ਕਈ ਘੰਟਿਆਂ ਲਈ ਬੰਦ ਰੱਖਿਆ ਗਿਆ ਸੀ।