18.99C Vancouver 18.99C VancouverApr 7, 2022 9:59 PM - The Canadian Press
ਵੈਨਕੂਵਰ ਦੇ ਡਾਊਨਟਾਊਨ ਈਸਟਸਾਈਡ 'ਚ ਡਰੱਗਸ ਦਾ ਸੇਵਨ ਕਰਨ ਵਾਲੇ ਲੋਕਾਂ ਨੂੰ ਕੋਵਿਡ-19 ਵੈਕਸੀਨ ਪ੍ਰਦਾਨ ਕਰਨ ਸੰਬੰਧੀ ਮੁਹਿੰਮ ਦੇ ਚੰਗੇ ਨਤੀਜੇ ਆਉਣ ਤੋਂ ਬਾਅਦ ਦੇਸ਼ ਦੀਆਂ ਹੋਰ ਕਮਿਊਨਿਟੀਸ ਨੂੰ ਵੀ ਅਜਿਹੇ ਥਾਵਾਂ 'ਤੇ ਟਾਰਗੈਟਿਡ ਅਤੇ ਬਿਹਤਰ ਰਿਸੋਰਸਿਸ ਵਾਲੀ ਪਹੁੰਚ ਰੱਖਣ ਦੀ ਮੰਗ ਕੀਤੀ ਜਾ ਰਹੀ ਹੈ।
ਡਰੱਗਸ ਦੀ ਵਰਤੋਂ ਕਰਨ ਵਾਲਿਆਂ ਸੰਬੰਧੀ ਮਸਲਿਆਂ ਦੀ ਐਡਵੋਕੇਸੀ ਕਰਨ ਵਾਲੇ ਕੈਰਨ ਵਾਰਡ ਦਾ ਕਹਿਣਾ ਹੈ ਕਿ ਇੱਕ ਸਟਡੀ ਦਰਸ਼ਾਉਂਦੀ ਹੈ ਕਿ ਕੋ-ਔਰਡੀਨੇਟਿਡ ਸਟ੍ਰੇਟਜੀ ਨਾਲ ਮਾਰਜੀਨਲਾਈਜਡ ਗਰੁੱਪਸ ਲਈ ਬਿਹਤਰ ਨਤੀਜੇ ਹਾਸਿਲ ਕੀਤੇ ਜਾ ਸਕਦੇ ਹਨ।
ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਗਰੁੱਪਸ ਨੂੰ ਕਈ ਮੌਕਿਆਂ 'ਤੇ ਹੈਲਥ ਕੇਅਰ ਸਿਸਟਮ 'ਚ ਭੇਦਭਾਵ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
ਹਾਲਾਂਕਿ ਵਾਰਡ ਇਸ ਸਟਡੀ 'ਚ ਸਿੱਧੇ ਤੌਰ 'ਤੇ ਸ਼ਾਮਿਲ ਨਹੀਂ ਸਨ।
ਉਨ੍ਹਾਂ ਕਿਹਾ ਕਿ ਡਰੌਪ-ਇਨ ਕਲੀਨਿਕਸ, ਕਮਿਊਨਿਟੀ ਸੈਂਟਰਸ 'ਚ ਚਲਾਏ ਕਲੀਨਿਕਸ, ਮਾਰਕਿਟ ਅਤੇ ਹੋਟਲ ਪਾਰਕਿੰਗਸ 'ਚ ਚਲਾਏ ਕਲੀਨਿਕਸ ਅਤੇ ਡਰੱਗ ਦੇ ਇਸਤੇਮਾਲ ਸੰਬੰਧੀ ਦਫ਼ਤਰ 'ਚ ਚਲਾਏ ਕਲੀਨਿਕ ਨਾਲ ਡਰੱਗ ਦੀ ਵਰਤੋਂ ਕਰਨ ਵਾਲਿਆਂ ਨੂੰ ਵੈਕਸੀਨ ਸ਼ਾਟ ਹਾਸਿਲ ਕਰਨ 'ਚ ਪ੍ਰੇਸ਼ਾਨੀ ਨਹੀਂ ਹੋਈ।
ਉਨ੍ਹਾਂ ਕਿਹਾ ਕਿ ਕਈ ਮੌਕਿਆਂ 'ਤੇ ਨਰਸਾਂ ਨੇ ਗਲੀਆਂ 'ਚ ਘੁੰਮਦੇ ਹੋਏ ਹੋਕੇ ਦਿੱਤੇ ਕਿ ਕਿਸੇ ਨੂੰ ਸ਼ਾਟ ਚਾਹੀਦੇ ਹਨ ਤਾਂ ਹਾਸਿਲ ਕਰ ਲਓ।
ਵਾਰਡ ਨੇ ਕਿਹਾ ਕਿ ਜੇਕਰ ਤੁਸੀਂ ਚੰਗੀ ਕੋਸ਼ਿਸ਼ ਕਰਦੇ ਹੋ ਤਾਂ ਉਸ ਦੇ ਨਤੀਜੇ ਵੀ ਚੰਗੇ ਆਉਂਦੇ ਹਨ।
