ਕਿਊਬੈਕ ਵਿਚ ਭਾਰੀ ਬਰਫਬਾਰੀ ਅਤੇ ਤੇਜ਼ ਹਵਾਵਾਂ ਕਾਰਨ ਕਈ ਸਕੂਲਾਂ ’ਚ ਕੀਤੀ ਗਈ ਛੁੱਟੀ

ਕਿਊਬੈਕ ਵਿਚ ਭਾਰੀ ਬਰਫਬਾਰੀ ਅਤੇ ਹਵਾਵਾਂ ਕਾਰਨ ਸੂਬੇ ਦੇ ਪੱਛਮੀ ਹਿੱਸੇ ਵਿਚ ਅੱਜ ਕਈ ਸਕੂਲਾਂ ਵਿਚ ਛੁੱਟੀ ਕਰ ਦਿੱਤੀ ਗਈ, ਉਥੇ ਹੀ ਹਾਈਡਰੋ-ਕਿਊਬੈਕ ਮੁਤਾਬਕ, ਸਵੇਰੇ 8 ਵਜੇ ਲਗਭਗ 280,000 ਘਰਾਂ ਵਿਚ ਬਿਜਲੀ ਬੰਦ ਰਹੀ।

ਖਰਾਬ ਮੌਸਮ ਨਾਲ ਸਭ ਤੋਂ ਵੱਧ ਪ੍ਰਭਾਵਿਤ ਲੌਰੇਂਟਿਅਨ, ਮਾਂਟਰੀਅਲ ਅਤੇ ਮੋਂਟੇਰੇਗੀ ਦੇ ਇਲਾਕੇ ਹੋਏ। ਮੌਸਮ ਵਿਭਾਗ ਵਲੋਂ ਸਵੇਰੇ ਵੀ ਮਾਂਟਰੀਅਲ ਵਿਚ 20 ਸੈਂਟੀਮਟਰ ਤੱਕ ਬਰਫਬਾਰੀ ਹੋਣ ਦੀ ਭਵਿੱਖਬਾਣੀ ਕੀਤੀ ਗਈ ਸੀ।

ਮਾਂਟਰੀਅਲ ਆਮ ਤੌਰ ’ਤੇ ਇਸ ਮਹੀਨੇ ਦੌਰਾਨ ਲਗਭਗ 13 ਸੈਂਟੀਮੀਟਰ ਬਰਫਬਾਰੀ ਦਰਜ ਕਰਦਾ ਹੈ। 9 ਅਪ੍ਰੈਲ 2000 ਨੂੰ ਸ਼ਹਿਰ ਨੇ ਇੱਕ ਦਿਨ ਵਿਚ ਸਭ ਤੋਂ ਵੱਡੀ ਬਰਫਬਾਰੀ ਦਰਜ ਕੀਤੀ ਸੀ ਜੋ 33.9 ਸੈਂਟੀਮੀਟਰ ਰਿਕਾਰਡ ਹੋਈ ਸੀ।