19.8C Vancouver 19.8C VancouverJun 21, 2024 3:38 PM - The Canadian Press
ਬ੍ਰਿਟਿਸ਼ ਕੋਲੰਬੀਆ ਵਿਚ ਲਗਭਗ 120 ਦਿਨਾਂ ਬਾਅਦ ਚੋਣਾਂ ਹੋਣੀਆਂ ਹਨ ਅਤੇ ਸਾਰੀਆਂ ਪਾਰਟੀਆਂ ਮਜ਼ਬੂਤ ਉਮੀਦਵਾਰ ਚੋਣ ਮੈਦਾਨ ਵਿਚ ਉਤਾਰਨ ਦੀ ਤਿਆਰੀ ਵਿਚ ਹਨ। ਬੀਤੇ ਦਿਨ ਪ੍ਰੀਮੀਅਰ ਡੇਵਿਡ ਈਬੀ ਨੇ ਆਪਣੀ ਐੱਨ.ਡੀ.ਪੀ. ਪਾਰਟੀ ਨੂੰ ਮਜ਼ਬੂਤ ਕਰਨ ਲਈ ਪਹਿਲੀ ਔਫੀਸ਼ੀਅਲ ਮੁਹਿੰਮ ਸ਼ੁਰੂ ਕੀਤੀ।
ਉਨ੍ਹਾਂ ਕਿਹਾ ਕਿ 19 ਅਕਤੂਬਰ ਨੂੰ ਚੋਣਾਂ ਹੋਣੀਆਂ ਹਨ ਅਤੇ ਹੁਣ ਥੋੜ੍ਹਾ ਹੀ ਸਮਾਂ ਬਚਿਆ ਹੈ। ਇਸ ਦੌਰਾਨ ਉਨ੍ਹਾਂ ਇਹ ਵੀ ਦੱਸਿਆ ਕਿ ਉਨ੍ਹਾਂ ਦੇ ਘਰ ਇਕ ਬੱਚੀ ਜਨਮ ਲੈਣ ਵਾਲੀ ਹੈ ਅਤੇ ਉਹ ਤੀਜੀ ਵਾਰ ਪਿਤਾ ਬਣਨ ਵਾਲੇ ਹਨ।
ਬੀ.ਸੀ. ਯੂਨਾਈਟਿਡ ਦੇ ਲੀਡਰ ਕੇਵਿਨ ਫਾਲਕਨ ਨੇ ਵੀ ਨਿਊਜ਼ ਕਾਨਫਰੰਸ ਕਰਕੇ ਵਾਅਦਾ ਕੀਤਾ ਕਿ ਜੇਕਰ ਉਹ ਜਿੱਤਦੇ ਹਨ ਤਾਂ ਉਹ ਬਜਟ ਨੂੰ ਸੰਤੁਲਿਤ ਕਰਨ ਨੌਜਵਾਨ ਵੋਟਰਜ਼ ਲਈ ਖਾਸ ਯੋਜਨਾਵਾਂ ਲੈ ਕੇ ਆਉਣਗੇ।
ਉੱਥੇ ਹੀ, ਕੰਜ਼ਰਵੇਟਿਵ ਆਗੂ ਜੌਨ ਰੁਸਟੈਡ ਨੇ ਆਪਣੇ ਨਵੇਂ ਸ਼ਾਮਿਲ ਹੋਏ ਮਸ਼ਹੂਰ ਉਮੀਦਵਾਰ ਸਰੀ ਦੇ ਸਾਬਕਾ ਮੇਅਰ ਲਿੰਡਾ ਹੈਪਨਰ ਨੂੰ ਲੋਕਾਂ ਨਾਲ ਰੂ-ਬ-ਰੂ ਕਰਵਾਇਆ। ਉਨ੍ਹਾਂ ਕਿਹਾ ਕਿ ਦੋ ਵਿਚੋਂ ਇਕ ਬੱਚਾ ਸੂਬਾ ਛੱਡਣ ਦਾ ਵਿਚਾਰ ਕਰ ਰਿਹਾ ਹੈ।
ਹਾਲਾਂਕਿ ਬੀ.ਸੀ. ਗ੍ਰੀਨਜ਼ ਵਲੋਂ ਕੋਈ ਇਵੈਂਟ ਨਹੀਂ ਕੀਤਾ ਗਿਆ। ਹਾਲਾਂਕਿ ਸਾਰੀਆਂ ਪਾਰਟੀਆਂ ਵੋਟ ਬੈਂਕ ਵਧਾਉਣ ਲਈ ਦੌੜ-ਭੱਜ ਕਰਦੀਆਂ ਨਜ਼ਰ ਆ ਰਹੀਆਂ ਹਨ।
