18.99C Vancouver 18.99C VancouverMar 18, 2025 5:36 PM - Connect Newsroom
ਕੈਨੇਡਾ ਦੇ ਮਹਿੰਗਾਈ ਦੇ ਤਾਜ਼ਾ ਅੰਕੜੇ ਨੂੰ ਦੇਖਦੇ ਹੋਏ ਅਰਥ ਸ਼ਾਸਤਰੀ ਅਤੇ ਮਾਰਕਿਟ ਨੇ ਬੈਂਕ ਆਫ਼ ਕੈਨੇਡਾ ਵਲੋਂ ਵਿਆਜ ਦਰਾਂ ਵਿਚ ਅਗਲੇ ਮਹੀਨੇ ਹੋਰ ਕਟੌਤੀ ਨਾ ਕੀਤੇ ਜਾਣ ਦੀ ਸੰਭਾਵਨਾ ਜਤਾਈ ਹੈ। ਮਨੀ ਮਾਰਕਿਟ ਨੇ ਇਸ ਗੱਲ ਦੀ 65 ਫੀਸਦੀ ਸੰਭਾਵਨਾ ਜਤਾਈ ਹੈ ਕਿ ਸੈਂਟਰਲ ਬੈਂਕ 16 ਅਪ੍ਰੈਲ ਦੀ ਆਪਣੀ ਅਗਲੀ ਮੀਟਿੰਗ ਵਿਚ ਵਿਆਜ ਦਰਾਂ ਨੂੰ ਸਥਿਰ ਰੱਖੇਗਾ।
ਡੇਸਜਾਰਡਿਨਜ਼ ਕੈਪੀਟਲ ਮਾਰਕਿਟ ਵਿਚ ਮੈਕਰੋ ਰਣਨੀਤੀ ਦੇ ਹੈੱਡ ਅਤੇ ਪ੍ਰਬੰਧ ਨਿਰਦੇਸ਼ਕ ਰਾਇਸ ਮੈਂਡੇਸ ਨੇ ਕਿਹਾ ਕਿ ਫਰਵਰੀ ਦੇ ਮਹਿੰਗਾਈ ਅੰਕੜੇ ਅਤੇ ਟੈਰਿਫ ਕਾਰਨ ਇਸ ਵਿਚ ਹੋਰ ਵਾਧਾ ਹੋਣ ਦੀ ਸੰਭਾਵਨਾ ਨੂੰ ਦੇਖਦੇ ਹੋਏ ਬੈਂਕ ਆਫ਼ ਕੈਨੇਡਾ -ਅਪ੍ਰੈਲ ਵਿਚ ਆਪਣੇ ਦਰ 'ਚ ਕਟੌਤੀ ਦੇ ਚੱਕਰ ਨੂੰ ਘੱਟੋ-ਘੱਟ ਅਸਥਾਈ ਤੌਰ 'ਤੇ ਰੋਕ ਸਕਦਾ ਹੈ।
ਨੈਸ਼ਨਲ ਬੈਂਕ ਦੇ ਅਰਥਸ਼ਾਸਤਰੀਆਂ ਅਤੇ ਬੀ.ਐਮ.ਓ. ਕੈਪੀਟਲ ਮਾਰਕਿਟ ਦੇ ਅਰਥਸ਼ਾਸਤਰੀ ਬੈਂਜਾਮਿਨ ਰੀਟਜ਼ੇਸ ਨੇ ਵੀ ਇਸੇ ਤਰ੍ਹਾਂ ਦੀ ਉਮੀਦ ਜਤਾਈ ਹੈ। ਰੀਟਜ਼ੇਸ ਨੇ ਕਿਹਾ ਕਿ ਕਾਰਬਨ ਟੈਕਸ ਨੂੰ ਹਟਾਉਣ ਨਾਲ ਅਪ੍ਰੈਲ ਵਿਚ ਮਹਿੰਗਾਈ ਘੱਟ ਸਕਦੀ ਹੈ ਪਰ ਫਰਵਰੀ ਵਿਚ ਟੈਕਸ ਦੀ ਛੁੱਟੀ ਖ਼ਤਮ ਹੋਣ ਦਾ ਪ੍ਰਭਾਵ ਮਾਰਚ ਵਿਚ ਦੇਖਣ ਨੂੰ ਮਿਲ ਸਕਦਾ ਹੈ, ਲਿਹਾਜਾ ਸੈਂਟਰਲ ਬੈਂਕ ਅਗਲੇ ਮਹੀਨੇ ਦੀ ਬੈਠਕ ਵਿਚ ਸਾਵਧਾਨ ਰੁਖ਼ ਅਪਣਾਏਗਾ।
