8.72C Vancouver 8.72C VancouverNov 5, 2020 11:12 PM -
ਬੀ.ਸੀ. 'ਚ ਜਾਰੀ ਮਨੀ ਲੌਂਡਰਿੰਗ ਸੰਬੰਧੀ ਇੰਕਵਾਇਰੀ ਨੂੰ ਦੱਸਿਆ ਗਿਆ ਹੈ ਕਿ ਸੂਬੇ ਦੇ ਕਸੀਨੋਸ 'ਚ ਸਾਲ 2017 ਦੌਰਾਨ, ਗੈਰਕਨੂੰਨੀ ਗਤੀਵਿਧੀਆਂ 'ਤੇ ਕਾਬੂ ਪਾਉਣ ਦੀ ਕੋਸ਼ਿਸ਼ ਦੇ ਚਲਦਿਆਂ, ਕੁਝ ਹਫ਼ਤੇ ਲਈ 'ਘੋਸਟ ਟਾਊਨ' ਜਿਹੇ ਹਾਲਾਤ ਯਾਨੀ ਕਿ ਕਿਸੇ ਵੀਰਾਨ ਜਗ੍ਹਾ ਜਿਹੇ ਹਾਲਾਤ ਬਣ ਗਏ ਸਨ।
ਬੀ.ਸੀ. ਲੌਟਰੀ ਕਾਰਪੋਰੇਸ਼ਨ ਦੇ ਐਂਟੀ ਮਨੀ ਲੌਂਡਰਿੰਗ ਪ੍ਰੋਗਰਾਮ ਦੇ ਮੈਨੇਜਰ, ਡੈਰਿਲ ਟੋਟੈਨਹਮ ਨੇ ਅੱਜ ਸਵੇਰੇ ਬਿਆਨ ਦਰਜ ਕਰਾਉਂਦਿਆਂ ਕਿਹਾ ਕਿ ਗੈਰਕਨੂੰਨੀ ਗਤੀਵਿਧੀਆਂ 'ਤੇ ਕ੍ਰੈਕਡਾਊਨ ਦੀ ਕੋਸ਼ਿਸ਼ ਦੌਰਾਨ ਦੋ ਜਾਂ ਤਿੰਨ ਹਫ਼ਤੇ ਲਈ ਸਭ ਠੰਡਾ ਪੈ ਗਿਆ ਸੀ। ਉਨ੍ਹਾਂ ਕਿਹਾ ਕਿ ਸਾਰੇ ਜੁਆਰੀ ਕੁਝ ਦਿਨ ਲਈ ਅਲੋਪ ਹੋ ਗਏ ਸਨ।
ਇਸ ਇੰਕਵਾਇਰੀ ਦੇ ਮੁਖੀ ਕਮਿਸ਼ਨਰ ਔਸਟਿਨ ਕੁਲਨ ਹਨ।
ਬੀ.ਸੀ. ਸਰਕਾਰ ਨੇ ਮਨੀ ਲੌਂਡਰਿੰਗ ਸੰਬੰਧੀ ਜਾਂਚ ਉਸ ਵੇਲੇ ਬਿਠਾਈ ਸੀ, ਜਦ ਗੈਰਕਨੂੰਨੀ ਕੈਸ਼ ਨਾਲ ਸੰਬੰਧਤ ਰੀਅਲ ਐਸਟੇਟ ਡੀਲਸ, ਲਗਜ਼ਰੀ ਗੱਡੀਆਂ ਦੀ ਵਿਕਰੀ ਅਤੇ ਜੂਏ ਦੀਆਂ ਗਤੀਵਿਧੀਆਂ ਰਿਪੋਰਟ ਹੋਈਆਂ ਸਨ।
