17.09C Vancouver 17.09C VancouverAug 2, 2024 6:20 PM - The Canadian Press
ਲੋਅਰ ਮੇਨਲੈਂਡ ਵਿੱਚ ਕਥਿਤ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਦੇ ਮਾਮਲੇ ਵਿਚ 8 ਵਿਅਕਤੀਆਂ ’ਤੇ ਦੋਸ਼ ਲਗਾਏ ਗਏ ਹਨ। ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਮਾਮਲੇ ਵਿਚ 5 ਵਿਅਕਤੀਆਂ ਅਤੇ 3 ਔਰਤਾਂ ’ਤੇ ਕੁਲ 31 ਦੋਸ਼ ਲਗਾਏ ਗਏ ਹਨ। ਇਹ ਦੋਸ਼ ਲੈਂਗਲੇ ਆਰ.ਸੀ.ਐੱਮ.ਪੀ. ਅਤੇ ਸੂਬੇ ਦੀ ਐਂਟੀ-ਗੈਂਗ ਏਜੰਸੀ ਕੰਬਾਈਡ ਫੋਰਸਿਜ਼ ਸਪੈਸ਼ਲ ਇਨਫੋਰਸਮੈਂਟ ਯੂਨਿਟ ਦੀ ਸਾਂਝੀ ਕਾਰਵਾਈ ਤੋਂ ਬਾਅਦ ਲਗਾੲ ਗਏ ਹਨ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਦਸੰਬਰ 2022 ਤੋਂ ਦੋਵਾਂ ਏਜੰਸੀਆਂ ਨੇ ਸਾਂਝੀ ਜਾਂਚ ਸ਼ੁਰੂ ਕੀਤੀ ਸੀ ਜਿਸ ਦੇ ਨਤੀਜੇ ਵਜੋਂ ਅਪ੍ਰੈਲ ਅਤੇ ਮਈ 2023 ਦੇ ਵਿਚਕਾਰ ਰਿਚਮੰਡ, ਕੋਕਿਟਲਮ, ਸਰੀ ਅਤੇ ਲੈਂਗਲੇ ਵਿੱਚ ਕਈ ਛਾਪੇਮਾਰੀਆਂ ਕੀਤੀਆਂ ਗਈਆਂ। ਇਨ੍ਹਾਂ ਛਾਪੇਮਾਰੀਆਂ ਦੌਰਾਨ 8 ਗ੍ਰਿਫਤਾਰੀਆਂ ਸਮੇਤ ਪੈਸਾ, ਹਥਿਆਰ, ਵਾਹਨ ਅਤੇ ਨਸ਼ੀਲੀਆਂ ਦਵਾਈਆਂ ਬਣਾਉਣ ਵਾਲੀਆਂ ਸਪਲਾਈਆਂ ਬਰਾਮਦ ਕੀਤੀਆਂ ਗਈਆਂ ਸਨ।
ਇਸ ਦੌਰਾਨ ਪੁਲਿਸ ਵਲੋਂ 3.47 ਮਿਲੀਅਨ ਡਾਲਰ ਦੀ ਕੀਮਤ ਵਾਲੀ ਫੈਂਟਾਨਾਇਲ ਅਤੇ 2.96 ਮਿਲੀਅਨ ਡਾਲਰ ਦੀ ਐੱਮ.ਡੀ.ਐੱਮ.ਏ ਸਮੇਤ ਕਈ ਨਸ਼ੀਲੇ ਪਦਾਰਥ ਜ਼ਬਤ ਕੀਤੇ ਗਏ।
ਜ਼ਿਕਰਯੋਗ ਹੈ ਕਿ ਗ੍ਰਿਫਤਾਰ ਕੀਤੇ ਗਏ ਲੋਕਾਂ ਵਿਚੋਂ ਇਕ ਨੂੰ ਛੱਡ ਕੇ ਬਾਕੀ ਸਾਰਿਆਂ ਨੂੰ 14 ਅਗਸਤ ਨੂੰ ਅਦਾਲਤ ਦੀ ਨਿਰਧਾਰਤ ਮਿਤੀ ਤੱਕ ਰਿਹਾਅ ਕਰ ਦਿੱਤਾ ਗਿਆ ਹੈ। ਇਸ ਸਮੇਂ ਸਿਰਫ ਇਕ 31 ਸਾਲਾ ਵਿਅਕਤੀ ਹੀ ਹਿਰਾਸਤ ’ਚ ਹੈ।
