20.39C Vancouver 20.39C VancouverSep 24, 2025 6:01 PM - Connect Newsroom
ਬਰਨਬੀ ਆਰ.ਸੀ.ਐਮ.ਪੀ. ਨੇ ਇੱਕ 55 ਸਾਲਾ ਸ਼ੱਕੀ ਉਤੇ ਘਰਾਂ ਵਿਚ ਘੁਸਪੈਠ ਕਰਨ ਦੀਆਂ ਸਿਲਸਿਲੇਵਾਰ ਘਟਨਾਵਾਂ ਦੇ ਸਬੰਧ ਵਿਚ 18 ਦੋਸ਼ ਲਗਾਏ ਹਨ। ਪੁਲਿਸ ਨੇ ਕਿਹਾ ਕਿ ਉਸ ਦੀ ਸਟ੍ਰਾਈਕ ਫੋਰਸ ਯੂਨਿਟ ਨੇ ਸਤੰਬਰ 2023 ਅਤੇ ਜੂਨ 2024 ਵਿਚਕਾਰ ਹੋਈਆਂ ਇਨ੍ਹਾਂ ਘਟਨਾਵਾਂ ਦੀ ਇਨਵੈਸਟੀਗੇਸ਼ਨ ਕੀਤੀ।
ਇਸ ਜਾਂਚ ਤੋਂ ਬਾਅਦ 21 ਮਈ, 2025 ਨੂੰ ਬੀਸੀ ਪ੍ਰੌਸੀਕਿਊਸ਼ਨ ਸਰਵਿਸ ਨੇ ਸ਼ੇਨ ਕੋਨਰਾਡ ਟਾਕਾਕੇਨਿਊ ਖਿਲਾਫ ਦੋਸ਼ਾਂ ਨੂੰ ਮਨਜ਼ੂਰੀ ਦਿੱਤੀ। 27 ਅਗਸਤ ਨੂੰ ਬਰਨਬੀ ਆਰ.ਸੀ.ਐਮ.ਪੀ. ਦੀ ਸਟ੍ਰਾਈਕ ਫੋਰਸ ਯੂਨਿਟ ਨੇ ਟਾਕਾਕੇਨਿਊ ਨੂੰ 14 ਵਾਰੰਟ 'ਤੇ ਗ੍ਰਿਫਤਾਰ ਕੀਤਾ, ਜੋ ਹੁਣ ਘਰਾਂ ਵਿਚ ਦਾਖਲ ਹੋਣ ਦੇ 7 ਦੋਸ਼, ਚੋਰੀ ਦਾ ਸਾਮਾਨ ਰੱਖਣ ਦੇ ਮਾਮਲੇ ਵਿਚ 9 ਚਾਰਜਿਜ਼ ਅਤੇ ਰਿਹਾਈ ਆਰਡਰ ਦੀ ਉਲੰਘਣਾ ਦੇ 2 ਦੋਸ਼ਾਂ ਦਾ ਸਾਹਮਣਾ ਕਰ ਰਿਹਾ ਹੈ।
ਸਟ੍ਰਾਈਕ ਫੋਰਸ ਯੂਨਿਟ ਦੇ ਅਧਿਕਾਰੀ ਸਾਰਜੈਂਟ ਐਲੀ ਮੋਹਨ ਨੇ ਕਿਹਾ ਕਿ ਇਸ ਜਾਂਚ ਦੇ ਨਤੀਜੇ ਵਜੋਂ 34 ਸਾਲਾ ਬਰਨਬੀ ਨਿਵਾਸੀ ਫੈਬੀਓਲਾ ਡਿਆਜ਼ 'ਤੇ ਵੀ ਚੋਰੀ ਦਾ ਸਾਮਾਨ ਰੱਖਣ ਦੇ 9 ਦੋਸ਼ ਲਗਾਏ ਗਏ ਹਨ।
