9.37C Vancouver 9.37C VancouverJan 11, 2022 8:07 PM - ANI
ਚੋਣ ਕਮਿਸ਼ਨ ਨੇ ਵੀਰਵਾਰ ਨੂੰ,ਪੰਜ ਰਾਜਾਂ ਦੀਆਂ ਅਹਿਮ ਚੋਣਾਂ ਤੋਂ ਠੀਕ ਪਹਿਲਾਂ, ਉਮੀਦਵਾਰਾਂ ਲਈ ਚੋਣ ਖਰਚ ਦੀ ਸੀਮਾ ਲੋਕ ਸਭਾ ਲਈ 70 ਲੱਖ ਤੋਂ ਵਧਾ ਕੇ 95 ਲੱਖ ਅਤੇ ਵਿਧਾਨ ਸਭਾ ਲਈ 28 ਲੱਖ ਤੋਂ ਵਧਾ ਕੇ 40 ਲੱਖ ਰੁਪਏ ਕਰ ਦਿੱਤੀ। ਇਹ ਫੈਸਲਾ ਚੋਣ ਪੈਨਲ ਦੀਆਂ ਸਿਫਾਰਿਸ਼ 'ਤੇ ਆਧਾਰਿਤ ਹੈ।
ਲੋਕ ਸਭਾ ਚੋਣਾਂ ਲਈ, ਸੋਧੇ ਹੋਏ ਖਰਚੇ ਦੀ ਸੀਮਾ ਹੁਣ ਵੱਡੇ ਰਾਜਾਂ ਲਈ 95 ਲੱਖ ਰੁਪਏ ਅਤੇ ਛੋਟੇ ਰਾਜਾਂ ਲਈ 75 ਲੱਖ ਰੁਪਏ ਹੋਵੇਗੀ, ਜੋ ਕਿ ਪਹਿਲਾਂ ਤਰਤੀਬਵਾਰ70 ਲੱਖ ਅਤੇ 54 ਲੱਖ ਰੁਪਏ ਸੀ।
ਵਿਧਾਨ ਸਭਾ ਚੋਣਾਂ ਲਈ, ਉਮੀਦਵਾਰਾਂ ਵਾਸਤੇ ਚੋਣ ਖਰਚ ਵੱਡੇ ਰਾਜਾਂ ਲਈ 28 ਲੱਖ ਰੁਪਏ ਤੋਂ ਵੱਧ ਕੇ 40 ਲੱਖ ਹੈ ਅਤੇ ਛੋਟੇ ਰਾਜਾਂ ਦੇ ਉਮੀਦਵਾਰ ਹੁਣ 20 ਲੱਖ ਰੁਪਏ ਦੀ ਬਜਾਏ 28 ਲੱਖ ਰੁਪਏ ਖਰਚ ਕਰ ਸਕਣਗੇ। ਚੋਣ ਕਮਿਸ਼ਨ ਨੇ ਕਿਹਾ ਕਿ ਖਰਚ ਦੀ ਨਵੀਂ ਸੀਮਾ ਆਉਣ ਵਾਲੀਆਂ ਸਾਰੀਆਂਚੋਣਾਂ ਵਿੱਚ ਲਾਗੂ ਹੋਵੇਗੀ।
ਉੱਤਰ ਪ੍ਰਦੇਸ਼, ਉੱਤਰਾਖੰਡ, ਪੰਜਾਬ, ਗੋਆ ਅਤੇ ਮਨੀਪੁਰ ਪੰਜ ਰਾਜਾਂ ਵਿੱਚ ਚੋਣਾਂ ਹੋਣੀਆਂ ਹਨ ਅਤੇ ਕਮਿਸ਼ਨ ਵੱਲੋਂ ਅਗਲੇ ਕੁਝ ਦਿਨਾਂ ਵਿੱਚ ਚੋਣਾਂ ਦੀਆਂ ਤਰੀਕਾਂ ਦਾ ਐਲਾਨ ਕਰਨ ਦੀ ਉਮੀਦ ਹੈ।
ਉੱਤਰ ਪ੍ਰਦੇਸ਼, ਪੰਜਾਬ ਅਤੇ ਉੱਤਰਾਖੰਡ ਲਈ ਹੁਣ ਵਿਧਾਨ ਸਭਾ ਚੋਣਾਂ ਲਈ ਖਰਚੇ ਦੀ ਸੀਮਾ 40 ਲੱਖ ਰੁਪਏ ਜਦੋਂ ਕਿ ਨੋਟੀਫਿਕੇਸ਼ਨ ਅਨੁਸਾਰ, ਗੋਆ ਅਤੇ ਮਨੀਪੁਰ ਲਈ 28 ਲੱਖ ਰੁਪਏ ਹੈ। ਸਟਾਰ ਪ੍ਰਚਾਰਕਾਂ ਦੀਆਂ ਰੈਲੀਆਂ ਅਤੇ ਸਮਾਗਮਾਂ ਦਾ ਖਰਚਾ ਪਾਰਟੀਆਂ ਵੱਲੋਂ ਕੀਤਾ ਜਾਂਦਾ ਹੈ।
