ਸਾਊਥ ਸਰੀ ਤੋਂ ਵਿਧਾਇਕ ਐਲੇਨੋਰ ਸਟੁਰਕੋ ਨੇ ਕੰਜ਼ਰਵੇਟਿਵ ਪਾਰਟੀ ਦਾ ਫੜਿਆ ਪੱਲਾ

ਸਾਊਥ ਸਰੀ ਤੋਂ ਵਿਧਾਇਕ ਐਲੇਨੋਰ ਸਟੁਰਕੋ ਨੇ ਬੀ.ਸੀ. ਯੂਨਾਈਟਿਡ ਨੂੰ ਛੱਡ ਕੇ ਬੀ. ਸੀ. ਦੀ ਕੰਜ਼ਰਵੇਟਿਵ ਪਾਰਟੀ ਦਾ ਪੱਲਾ ਫੜ ਲ਼ਿਆ ਹੈ। ਸੇਮੀਆਹਮੂ ਪ੍ਰਾਈਦੀਪ ਤੋਂ ਐੱਮ.ਐੱਲ.ਏ. ਅਤੇ ਆਰ.ਸੀ.ਐੱਮ.ਪੀ. ਦੀ ਸਾਬਕਾ ਬੁਲਾਰਾ ਰਹੀ ਸਟਰਕੋ ਅਪਰਾਧੀਕਰਨ ਸਣੇ ਕਈ ਮੁੱਦਿਆਂ ’ਤੇ ਬੋਲਦੀ ਰਹੀ ਹੈ ।

ਉਨ੍ਹਾਂ ਅੱਜ ਕੰਜ਼ਰਵੇਟਿਵ ਪਾਰਟੀ ਵਲੋਂ ਸਟੇਟਮੈਂਟ ਜਾਰੀ ਕਰਦਿਆਂ ਦੱਸਿਆ ਕਿ ਵੋਟਰਜ਼ ਵਲੋਂ ਉਨ੍ਹਾਂ ਨੂੰ ਸੁਣਨ ਨੂੰ ਮਿਲਿਆ ਹੈ ਕਿ ਪ੍ਰੀਮੀਅਰ ਡੇਵਿਡ ਏ.ਬੀ.4 ਤੋਂ ਵੱਧ ਸਾਲਾਂ ਤੋਂ ਸੱਤਾ ਵਿਚ ਹਨ ਪਰ ਅਜੇ ਤਕ ਸੂਬੇ ਵਿਚ ਹਾਊਸਿੰਗ, ਜਨਤਕ ਸੁਰੱਖਿਆ, ਮਹਿੰਗਾਈ, ਹੈਲਥ ਕੇਅਰ ਅਤੇ ਪੜ੍ਹਾਈ ਜਾਂ ਨਸ਼ਾਖੋਰੀ ਵਰਗੀਆਂ ਸਮੱਸਿਆਵਾਂ ਦੇ ਹੱਲ ਲਈ ਕੁਝ ਨਹੀਂ ਕੀਤਾ ਗਿਆ।

ਉਨ੍ਹਾਂ ਦੀ ਰਾਈਡਿੰਗ ਦੇ ਲੋਕਾਂ ਵਾਂਗ ਉਹ ਵੀ ਨਹੀਂ ਮੰਨਦੇ ਹਨ ਕਿ ਐੱਨ.ਡੀ.ਪੀ. ਅਗਲੀਆਂ ਚੋਣਾਂ ਜਿੱਤਣ ਦੀ ਹੱਕਦਾਰ ਹੈ। ਇਸ ਲਈ ਐਨ.ਡੀ.ਪੀ. ਨੂੰ ਹਰਾਉਣ ਲਈ ਅਤੇ ਬੀ. ਸੀ. ਦੀ ਆਰਥਿਕਤਾ ਨੂੰ ਵਧੀਆ ਕਰਨ ਲਈ ਉਹ ਕੰਜ਼ਰਵੇਟਿਵ ਪਾਰਟੀ ਵਿਚ ਸ਼ਾਮਿਲ ਹੋਏ ਹਨ। ਉਨ੍ਹਾਂ ਅੱਗੇ ਕਿਹਾ ਕਿ ਸਾਡਾ ਸੂਬਾ ਅਤੇ ਇਸ ਦੇ ਲੋਕ 7 ਸਾਲ ਪਹਿਲਾਂ ਵਾਲੇ ਹਾਲਾਤ ਨਾਲੋਂ ਵੀ ਮਾੜੀ ਸਥਿਤੀ ਵਿਚ ਹਨ ਜਦ ਐੱਨ.ਡੀ.ਪੀ. ਸੱਤਾ ਵਿਚ ਆਈ ਸੀ।

ਉਨ੍ਹਾਂ ਐੱਨ.ਡੀ.ਪੀ. ਨੂੰ ਨਿਸ਼ਾਨੇ ’ਤੇ ਲੈਂਦਿਆਂ ਦੱਸਿਆ ਕਿ ਇਸ ਪਾਰਟੀ ਨੇ ਵੀ ਬ੍ਰਿਟਿਸ਼ ਕੋਲੰਬੀਅਨਜ਼ ਲਈ ਕੁਝ ਨਹੀਂ ਕੀਤਾ। ਗੌਰਤਲਬ ਹੈ ਕਿ ਫੌਜੀ ਅਨੁਭਵੀ ਰਾਹੀ ਸਟੁਰਕੋ 2022 ਵਿਚ ਜ਼ਿਮਨੀ ਚੋਣ ਵਿਚ 52 ਫੀਸਦੀ ਵੋਟਾਂ ਨਾਲ ਜਿੱਤੀ ਸੀ। ਕਿਹਾ ਜਾ ਰਿਹਾ ਹੈ ਕਿ ਹੁਣ ਉਹ ਸਰੀ ਕਲੋਵਰਲਡ ਤੋਂ ਕੰਜ਼ਰਵੇਟਿਵ ਪਾਰਟੀ ਵਲੋਂ ਚੋਣ ਲੜੇਗੀ।