ਦੋ ਕੈਨੇਡੀਅਨ ਮਰੀਜ਼ਾਂ ਨੂੰ ਮਿਲੇ ਈਲੋਨ ਮਸਕ ਦੀ ਨਿਊਰਲਿੰਕ ਬ੍ਰੇਨ ਚਿੱਪ ਦੇ ਇੰਪਲਾਂਟ

ਕੈਨੇਡਾ ਵਿਚ ਰੀੜ੍ਹ ਦੀ ਹੱਡੀ ਦੀਆਂ ਸੱਟਾਂ ਵਾਲੇ ਦੋ ਮਰੀਜ਼ਾਂ ਵਿਚ ਈਲੋਨ ਮਸਕ ਦੀ ਨਿਊਰਲਿੰਕ ਬ੍ਰੇਨ ਚਿੱਪ ਇੰਪਲਾਂਟ ਕੀਤੀ ਗਈ ਹੈ, ਜਿਸ ਨਾਲ ਉਹ ਹੁਣ ਆਪਣੇ ਵਿਚਾਰਾਂ ਨਾਲ ਕੰਪਿਊਟਰ ਨੂੰ ਕੰਟਰੋਲ ਕਰ ਸਕਦੇ ਹਨ। ਇਹ ਮਸਕ ਦੀ ਨਿਊਰਲਿੰਕ ਵਾਇਰਲੈੱਸ ਬ੍ਰੇਨ ਚਿੱਪ ਦੀ ਸੇਫਟੀ ਅਤੇ ਪ੍ਰਭਾਵਸ਼ੀਲਤਾ ਦੀ ਟੈਸਟਿੰਗ ਲਈ ਅਮਰੀਕਾ ਤੋਂ ਬਾਹਰ ਪਹਿਲੇ ਕਲੀਨਿਕਲ ਟ੍ਰਾਇਲ ਦਾ ਹਿੱਸਾ ਹਨ। ਇਹ ਚਿੱਪ 2020 ਵਿਚ ਜਨਤਾ ਸਾਹਮਣੇ ਪੇਸ਼ ਕੀਤੀ ਗਈ ਸੀ ਅਤੇ ਇਸ ਨੂੰ ਪਹਿਲੀ ਵਾਰ 2024 ਵਿਚ ਇੱਕ ਪੇਰੇਲਾਈਸਡ ਅਮਰੀਕਾ ਵਿਚ ਲਗਾਇਆ ਗਿਆ ਸੀ।

ਉਥੇ ਹੀ, ਜਿਨ੍ਹਾਂ ਦੋ ਕੈਨੇਡੀਅਨਾਂ ਵਿਚ ਨਿਊਰਲਿੰਕ ਬ੍ਰੇਨ ਚਿੱਪ ਲਗਾਈ ਗਈ ਹੈ ਉਹ ਦੋਵੇਂ ਲਗਭਗ 30 ਸਾਲ ਦੇ ਹਨ ਅਤੇ ਉਨ੍ਹਾਂ ਵਿਚੋਂ ਇੱਕ ਓਨਟਾਰੀਓ ਦਾ ਅਤੇ ਦੂਜਾ ਐਲਬਰਟਾ ਤੋਂ ਹੈ, ਇਨ੍ਹਾਂ ਦੋਵਾਂ ਮਰੀਜ਼ਾਂ ਦੇ ਹੱਥਾਂ ਦੀ ਹਿੱਲ-ਜੁਲ ਬਹੁਤ ਘੱਟ ਹੈ ਜਾਂ ਬਿਲਕੁਲ ਹੀ ਨਹੀਂ ਹੈ।

ਟੋਰਾਂਟੋ ਵੈਸਟਰਨ ਹਸਪਤਾਲ ਵਿਚ ਇਨ੍ਹਾਂ ਦੋਵੇਂ ਮਰੀਜ਼ਾਂ ਦੀ ਸਰਜਰੀ ਕਰਨ ਵਾਲੀ ਟੀਮ ਨੂੰ ਲੀਡ ਕਰਨ ਵਾਲੇ ਡਾ. ਐਂਡਰੇਸ ਲੋਜ਼ਾਨੋ ਨੇ ਦੱਸਿਆ ਕਿ ਮਰੀਜ਼ ਸਰਜਰੀ ਤੋਂ ਤੁਰੰਤ ਬਾਅਦ ਹੀ ਕੰਪਿਊਟਰ ਕਰਸਰ ਚਲਾ ਸਕਦੇ ਸਨ, ਉਨ੍ਹਾਂ ਨੂੰ 27 ਅਗਸਤ ਅਤੇ 3 ਸਤੰਬਰ ਨੂੰ ਆਪਣੀ-ਆਪਣੀ ਸਰਜਰੀ ਤੋਂ ਬਾਅਦ ਹਸਪਤਾਲ ਤੋਂ ਛੁੱਟੀ ਮਿਲੀ ਹੈ।