24.25C Vancouver 24.25C VancouverSep 10, 2021 7:34 PM -
ਕੈਮਲੂਪਸ ਤੋਂ ਇੱਕ ਐਮਰਜੈਂਸੀ ਰੂਮ ਨਰਸ ਦਾ ਕਹਿਣਾ ਹੈ ਕਿ ਉਸ ਨੂੰ ਇੱਕ ਗਰੋਸਰੀ ਸਟੋਰ 'ਤੇ ਸ਼ਬਦੀ ਹਮਲੇ ਦਾ ਨਿਸ਼ਾਨਾ ਬਣਾਇਆ ਗਿਆ।
ਉਸ ਨੇ ਦੱਸਿਆ ਕਿ ਉਹ ਕੰਮ ਤੋਂ ਵਾਪਿਸ ਪਰਤ ਰਹੀ ਸੀ ਜਿਸ ਦੌਰਾਨ ਉਹ ਉਹ ਗਰੋਸਰੀ ਸਟੋਰ 'ਤੇ ਰੁਕੀ ਅਤੇ ਇਸ ਮੌਕੇ ਇੱਕ ਔਰਤ ਨੇ ਉਸ 'ਤੇ ਸ਼ਬਦੀ ਵਾਰ ਕੀਤੇ।
ਨਰਸ ਦਾ ਨਾਮ ਜੇਮੀ ਗੈਲਾਹਾਰ ਦੱਸਿਆ ਗਿਆ ਹੈ।
ਉਸ ਨੇ ਦੱਸਿਆ ਕਿ ਪਹਿਲਾਂ ਉਸ ਨੇ ਐਂਟੀ-ਵੈਕਸੀਨੇਸ਼ਨ ਪ੍ਰਦਰਸ਼ਨ ਵੇਖੇ ਸਨ ਅਤੇ ਉਹ ਭਾਵੁਕ ਮਹਿਸੂਸ ਕਰ ਰਹੀ ਸੀ ਅਤੇ ਉਸੇ ਦਿਨ ਬਾਅਦ 'ਚ ਉਸ ਨੂੰ ਸ਼ਬਦੀ ਹਮਲੇ ਦਾ ਨਿਸ਼ਾਨਾ ਬਣਾਇਆ ਗਿਆ।
ਉਸ ਨੇ ਕਿਹਾ ਕਿ ਉਹ ਮੌਕੇ 'ਤੇ ਰੁਕੀ ਨਹੀਂ ਅਤੇ ਆਪਣੀ ਦੁੱਧ ਦੀ ਕੇਨੀ ਉੱਥੇ ਹੀ ਛੱਡ ਕੇ ਬਾਹਰ ਨਿਕਲ ਗਈ।
ਕੁਝ ਮਾਹਿਰਾਂ ਦਾ ਕਹਿਣਾ ਹੈ ਕਿ ਅਜਿਹੇ ਮਾਹੌਲ ਦੇ ਵਿੱਚ ਹੈਲਥ ਕੇਅਰ ਵਰਕਰਾਂ ਦਾ ਮਨੋਬਲ ਟੁੱਟ ਸਕਦਾ ਹੈ।
ਯਾਦ ਰਹੇ ਕਰੀਬ ਇੱਕ ਹਫ਼ਤਾ ਪਹਿਲਾਂ ਵੈਨਕੂਵਰ ਜਨਰਲ ਹਸਪਤਾਲ ਦੇ ਬਾਹਰ ਕਰੀਬ 5,000 ਲੋਕ ਇਕੱਤਰ ਹੋਏ ਸਨ ਅਤੇ ਵੈਕਸੀਨ ਪਾਸਪੋਰਟਸ ਦਾ ਵਿਰੋਧ ਕੀਤਾ ਸੀ।
