13.53C Vancouver 13.53C VancouverSep 9, 2024 4:20 PM - The Canadian Press
ਮੈਟਰੋ ਵੈਨਕੂਵਰ ਦੇ ਹੈਂਡੀਡਾਰਟ ਕਰਮਚਾਰੀਆਂ ਦੀ ਹੜਤਾਲ ਦੀ ਸਮੱਸਿਆ ਨੂੰ ਹੱਲ ਕਰਨ ਦੇ ਉਦੇਸ਼ ਨਾਲ ਕੱਲ੍ਹ ਵਿਚੋਲਗੀ ਗੱਲਬਾਤ ਕੀਤੀ ਗਈ। ਹੈਂਡੀਡਾਰਟ ਕਰਮਚਾਰੀਆਂ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਦਾ ਕਹਿਣਾ ਹੈ ਕਿ ਉਸ ਨੂੰ ਘੱਟੋ ਘੱਟ ਵੀਰਵਾਰ ਤੱਕ ਹੜਤਾਲ ਖਤਮ ਕਰਨ ਦਾ ਕੋਈ ਜਵਾਬੀ ਪ੍ਰਸਤਾਵ ਨਹੀਂ ਮਿਲੇਗਾ।
ਏਮਲਗਾਮੇਟਿਡ ਟਰਾਂਜ਼ਿਟ ਯੂਨੀਅਨ ਸਥਾਨਕ 1724 ਦਾ ਕਹਿਣਾ ਹੈ ਕਿ ਰੁਜ਼ਗਾਰਦਾਤਾ ਟਰਾਂਸਦੇਵ ਦੇ ਅਧਿਕਾਰੀ ਐਤਵਾਰ ਨੂੰ ਯੂਨੀਅਨ ਦੇ ਤਾਜ਼ਾ ਪ੍ਰਸਤਾਵ ’ਤੇ ਵਿਚਾਰ ਕਰਨ ਲਈ ਰਾਤ 8 ਵਜੇ ਤੋਂ ਬਾਅਦ ਲੇਬਰ ਬੋਰਡ ਵਿੱਚ ਵਿਚੋਲਗੀ ਗੱਲਬਾਤ ਛੱਡ ਕੇ ਚਲੇ ਗਏ। ਯੂਨੀਅਨ ਦਾ ਕਹਿਣਾ ਹੈ ਕਿ ਉਸ ਨੂੰ ਵਿਚੋਲੇ ਰਾਹੀਂ ਸੂਚਿਤ ਕੀਤਾ ਗਿਆ ਸੀ ਕਿ ਟਰਾਂਸਦੇਵ 12 ਸਤੰਬਰ ਤੱਕ ਮਿਲਣ ਅਤੇ ਜਵਾਬੀ ਪ੍ਰਸਤਾਵ ਪ੍ਰਦਾਨ ਕਰਨ ਦੇ ਯੋਗ ਨਹੀਂ ਹੋਵੇਗਾ। ਅਮਲਗੇਮੇਟਿਡ
ਟਰਾਂਜ਼ਿਟ ਯੂਨੀਅਨ ਦੇ ਪ੍ਰਧਾਨ ਜੋਅ ਮੈਕਕੈਨ ਨੇ ਦੋਸ਼ ਲਗਾਉਂਦੇ ਹੋਏ ਕਿਹਾ ਹੈ ਕਿ ਉਹ ਇਸ ਮਾਮਲੇ ਵਿਚ 24 ਘੰਟੇ ਗੱਲਬਾਤ ਕਰਨ ਲਈ ਤਿਆਰ ਹਨ ਜਦਕਿ ਟਰਾਂਸਦੇਵ ਵਲੋਂ ਕੋਈ ਜਲਦਬਾਜ਼ੀ ਨਹੀਂ ਦਿਖਾਈ ਜਾ ਰਹੀ ਹੈ। ਜ਼ਿਕਰਯੋਗ ਹੈ ਕਿ ਯੂਨੀਅਨ ਵਲੋਂ ਮੰਗਲਵਾਰ ਨੂੰ ਮੈਟਰੋ ਵੈਨਕੂਵਰ ਵਿਚ ਟਰਾਂਸਲਿੰਕ ਦੇ ਦਫਤਰ ਦੇ ਸਾਹਮਣੇ ਇਕ ਰੈਲੀ ਕਰਨ ਦੀ ਯੋਜਨਾ ਬਣਾਈ ਜਾ ਰਹੀ ਹੈ।
