20.61C Vancouver 20.61C VancouverJul 20, 2021 9:22 PM -
ਬੀ.ਸੀ. 'ਚ ਓਸੁਯਸ ਦੇ ਇਲਾਕੇ 'ਚ ਵਾਈਲਡਫਾਇਰ ਕਾਰਨ ਘਰ ਅਤੇ ਪ੍ਰਾਪਰਟੀਆਂ ਖਾਲੀ ਕਰਨ ਦੇ ਨਿਰਦੇਸ਼ ਜਾਰੀ ਕੀਤੇ ਗਏ ਹਨ।
ਇਹ ਵਾਈਲਡਫਾਇਰ ਓਸੁਯਸ ਤੋਂ ਕਰੀਬ 10km ਦੀ ਦੂਰੀ 'ਤੇ ਬਲ ਰਹੀ ਹੈ।
ਇਸ ਤੋਂ ਲੋਕਾਂ ਦੀ ਸੁਰੱਖਿਆ ਲਈ ਖਤਰਾ ਖੜਾ ਹੋ ਗਿਆ ਹੈ।
ਇਸ ਇਲਾਕੇ 'ਚ 200 ਦੇ ਕਰੀਬ ਘਰਾਂ ਨੂੰ ਖਾਲੀ ਕਰਵਾਇਆ ਗਿਆ ਹੈ।
ਇਸ ਦੇ ਚਲਦਿਆਂ ਔਲਿਵਰ ਦੇ ਸ਼ਹਿਰ ਲਈ ਵੀ ਇਵੈਕੂਏਅਸ਼ਨ ਐਲਰਟ ਜਾਰੀ ਕੀਤੇ ਗਏ ਹਨ।
ਸੈਂਕੜੇ ਘਰਾਂ ਨੂੰ ਇਵੈਕੂਏਅਸ਼ਨ ਐਲਰਟ ਹੇਠ ਰੱਖਿਆ ਗਿਆ ਹੈ।
ਇੰਕਾਨੀਪ ਕਰੀਕ ਦੀ ਵਾਈਲਡਫਾਇਰ ਸੋਮਵਾਰ ਦੁਪਹਿਰ ਸ਼ੁਰੂ ਹੋਈ ਸੀ ਅਤੇ ਇਹ 700 ਹੈਕਟੇਅਰ ਇਲਾਕੇ 'ਚ ਫੈਲ ਚੁੱਕੀ ਹੈ।
ਰੀਜਨਲ ਡਿਸਟ੍ਰਿਕਟ ਆਫ ਓਕਾਨਾਗਨ-ਸਿਮਿਲਕਮੀਨ (Regional District of Okanagan-Similkameen) ਦਾ ਕਹਿਣਾ ਹੈ ਕਿ ਓਸੁਯਸ ਇੰਡੀਅਨ ਬੈਂਡ ਨੇ ਸਟੇਟ ਆਫ ਲੋਕਲ ਐਮਰਜੈਂਸੀ ਐਲਾਨ ਦਿੱਤੀ ਹੈ।
