ਭਾਰਤ ਦੇ ਕੈਨੇਡਾ 'ਚ ਡਗਮਗਾਏ ਭਰੋਸੇ ਦੇ ਐਨਵੌਏ ਪਟਨਾਇਕ ਨੇ ਦੱਸੇ ਕਾਰਨ

ਔਟਵਾ 'ਚ ਭਾਰਤ ਸਰਕਾਰ ਦੇ ਹਾਈ ਕਮਿਸ਼ਨਰ ਦਿਨੇਸ਼ ਪਟਨਾਇਕ ਦੇ ਦਿੱਤੇ ਕੁਝ ਬਿਆਨ ਚਰਚਾ ਦਾ ਵਿਸ਼ਾ ਬਣ ਗਏ ਹਨ।

ਨਵੀਂ ਦਿੱਲੀ ਦੇ ਐਨਵੌਏ ਜਾਣੀ ਕਿ ਡਿਪਲੋਮੈਟਿਕ ਨੁਮਾਇੰਦੇ ਦਿਨੇਸ਼ ਪਟਨਾਇਕ ਨੇ ਆਖਿਆ ਕਿ ਕੁਝ ਸਿੱਖ ਵਖਵਾਦੀਆਂ ਦੇ ਹਿੰਸਕ ਬਿਆਨਾਂ ਕਾਰਨ ਭਾਰਤ ਵਿੱਚ ਕੈਨੇਡਾ ਦੀ ਛਵੀ ਦਾ ਨੁਕਸਾਨ ਹੋਇਆ ਹੈ।

ਉਨ੍ਹਾਂ ਆਖਿਆ ਕਿ ਨੁਕਸਾਨ ਅਜਿਹਾ ਹੈ ਕਿ ਭਾਰਤ-ਕੈਨੇਡਾ ਡਿਪਲੋਮੈਟਿਕ ਰਿਸ਼ਤਿਆਂ ਨੂੰ ਰੀਸੈਟ ਕਰਨ 'ਚ ਅੜਿੱਕਾ ਬਣ ਗਿਆ ਹੈ ਅਤੇ ਦੋਵਾਂ ਦੇਸ਼ਾਂ ਦੇ ਟਰੇਡ ਰਿਸ਼ਤਿਆਂ ਨੂੰ ਹੁਲਾਰਾ ਦੇਣ 'ਚ ਵੀ ਵਿਘਨ ਪਿਆ ਹੈ।

ਉਨ੍ਹਾਂ ਆਪਣੇ ਬਿਆਨਾਂ 'ਚ ਸਾਬਕਾ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਬਿਆਨਾਂ 'ਤੇ ਵੀ ਸਵਾਲ ਚੁੱਕੇ ਜਿੱਥੇ ਪਾਰਲੀਅਮੈਂਟ 'ਚ ਟਰੂਡੋ ਨੇ ਹਰਦੀਪ ਸਿੰਘ ਨਿੱਜਰ ਕਤਲ ਮਾਮਲੇ 'ਚ ਭਾਰਤ ਸਰਕਾਰ ਦੇ ਏਜੈਂਟਾਂ ਦਾ ਹੱਥ ਹੋਣ ਸੰਬੰਧੀ ਭਰੋਸੇਯੋਗ ਜਾਣਕਾਰੀ ਹੋਣ ਦੀ ਗੱਲ ਆਖੀ ਸੀ।

ਉਸ ਮੌਕੇ ਤੋਂ ਭਾਰਤ ਅਤੇ ਕੈਨੇਡਾ ਦੇ ਰਿਸ਼ਤਿਆਂ 'ਚ ਤਰੇੜ ਆ ਗਈ ਸੀ ਜਿਸ ਵਿੱਚ ਕਾਰਨੀ ਸਰਕਾਰ ਨੇ ਸੁਧਾਰ ਦੀ ਕੋਸ਼ਿਸ਼ ਕੀਤੀ ਹੈ।

ਪਟਨਾਇਕ ਨੇ ਆਪਣੇ ਬਿਆਨਾਂ 'ਚ ਇਥੇ ਤੱਕ ਆਖ ਦਿੱਤਾ ਕਿ ਭਾਰਤ 'ਚ ਵਸਦੇ ਲੋਕ ਤਾਂ ਅਫਗਾਨਿਸਤਾਨ ਦੇ ਹਾਲਾਤਾਂ ਨੂੰ ਕੈਨੇਡਾ ਤੋਂ ਬਿਹਤਰ ਸਮਝਦੇ ਹਨ।