17.49C Vancouver 17.49C VancouverMay 13, 2021 5:38 PM -
ਕੈਨੇਡਾ ਦੇ ਐਥਿਕਸ ਵਾਚਡੌਗ ਦਾ ਕਹਿਣਾ ਹੈ ਕਿ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ 'ਵੀ ਸਕੈਂਡਲ' ਮਾਮਲੇ 'ਚ 'ਕੰਫਲਿਕਟ ਆਫ ਇੰਟ੍ਰਸਟ' ਦਾ ਉਲੰਘਣ ਨਹੀਂ ਕੀਤਾ ਸੀ।
ਦੱਸਿਆ ਗਿਆ ਕਿ 'ਵੀ ਚੈਰਿਟੀ' ਵੱਲੋਂ ਚਲਾਏ ਜਾਣ ਵਾਲੇ ਫੈਡਰਲ ਸਟੂਡੈਂਟ ਵੋਲੰਟੀਅਰ ਪ੍ਰੋਗਰਾਮ ਦੇ ਲਈ ਹੋਈ ਕੈਬਿਨੇਟ ਗੱਲਬਾਤ ਤੋਂ ਖੁਦ ਨੂੰ ਦੂਰ ਰੱਖਣ 'ਚ ਅਸਫਲ ਰਹਿਣ ਵਾਲੇ ਟਰੂਡੋ ਨੇ ਉਲੰਘਣ ਨਹੀਂ ਕੀਤਾ ਸੀ।
ਇੱਕ ਵੱਖਰੀ ਰਿਪੋਰਟ 'ਚ ਫੈਡਰਲ ਐਥਿਕਸ ਕਮਿਸ਼ਨਰ, ਮਾਰੀਓ ਡਿਓਨ ਨੇ ਪਾਇਆ ਕਿ ਸਾਬਕਾ ਵਿੱਤ ਮੰਤਰੀ, ਬਿਲ ਮੌਰਨਿਊ ਨੇ ਨਿਯਮਾਂ ਦਾ ਉਲੰਘਣ ਕੀਤਾ ਸੀ।
ਉਨ੍ਹਾਂ ਕਿਹਾ ਕਿ ਮਾਰਨਿਊ ਨੇ 'ਵੀ ਚੈਰਿਟੀ' ਨੂੰ ਪ੍ਰੈਫਰੈਂਸ਼ੀਅਲ ਟ੍ਰੀਟਮੈਂਟ ਦਿੱਤਾ ਸੀ ਅਤੇ ਆਪਣੇ ਮਿਨਿਸਟਰੀਅਲ ਸਟਾਫ਼ ਵੱਲੋਂ 'ਵੀ ਚੈਰਿਟੀ' ਨੂੰ ਫੈਡਰਲ ਫੰਡਿੰਗ ਬਾਰੇ ਲੋੜ ਤੋਂ ਵਧੇਰੇ ਅਸਿਸਟੈਂਸ ਪ੍ਰਦਾਨ ਕੀਤੀ ਸੀ।
ਡਿਓਨ ਦਾ ਕਹਿਣਾ ਹੈ ਕਿ ਕੁਝ ਐਮ.ਪੀ.'ਸ ਨੇ ਉਨ੍ਹਾਂ ਨੂੰ ਮੌਰਨਿਊ ਬਾਰੇ ਜਾਂਚ ਕਰਨ ਦੀ ਅਪੀਲ ਕੀਤੀ ਸੀ ਅਤੇ ਮੌਰਨਿਊ ਦੇ ਪਰਿਵਾਰ ਅਤੇ ਚੈਰਿਟੀ ਵਿਚਾਲੇ ਨੇੜਲੇ ਰਿਸ਼ਤੇ ਹੋਣ ਦੀ ਗੱਲ ਆਖੀ ਸੀ।
ਇਸ ਚੈਰਿਟੀ ਨੂੰ ਮਾਰਕ ਕਿਲਬਰਗਰ ਅਤੇ ਕ੍ਰੈਗ ਕਿਲਬਰਗਰ ਵੱਲੋਂ ਚਲਾਇਆ ਜਾ ਰਿਹਾ ਸੀ।
ਡਿਓਨ ਦਾ ਕਹਿਣਾ ਹੈ ਕਿ ਸਟੂਡੈਂਟ ਵੋਲੰਟੀਅਰ ਪ੍ਰੋਗਰਾਮ ਦੇ ਮਾਮਲੇ 'ਚ ਮੌਰਨਿਊ ਨੇ ਖੁਦ ਨੂੰ ਕਈ ਮੌਕਿਆਂ 'ਤੇ 'ਕੰਫਲਿਕਟ ਆਫ ਇੰਟ੍ਰਸਟ' ਜਿਹੇ ਹਾਲਾਤਾਂ 'ਚ ਸਥਾਪਿਤ ਕਰ ਲਿਆ ਸੀ।
