27.76C Vancouver 27.76C VancouverJan 27, 2021 1:38 AM -
ਬੀ.ਸੀ. 'ਚ ਮੈਰਿਟ ਇਲਾਕੇ 'ਚ 2 ਸਾਲ ਪਹਿਲਾਂ ਲਾਪਤਾ ਹੋਏ ਇੱਕ ਵਿਅਕਤੀ ਦੀ ਭਾਲ 'ਚ ਮਦਦ ਲਈ ਉਸ ਦੇ ਪਰਿਵਾਰ ਦੇ ਮੈਂਬਰਾਂ ਨੇ ਅਪੀਲ ਕੀਤੀ ਹੈ।
ਲਾਪਤਾ ਵਿਅਕਤੀ ਦਾ ਨਾਮ ਬੈਨ ਟਾਈਨਰ ਹੈ।
ਜਦ ਵਿਅਕਤੀ ਲਾਪਤਾ ਹੋਇਆ ਤਾਂ ਉਸ ਦੀ ਉਮਰ 33 ਸਾਲ ਸੀ।
ਉਹ ਨਿਕੋਲਾ ਰੈਂਚ ਦਾ ਮੈਨੇਜਰ ਸੀ।
ਇੱਕ ਦਿਨ ਉਹ ਘੋੜੇ 'ਤੇ ਸਵਾਰ ਹੋ ਕੇ ਨੇੜ ਦੇ ਇਲਾਕੇ 'ਚ ਗਾਵਾਂ ਨੂੰ ਵੇਖਣ ਲਈ ਨਿਕਲਿਆ ਸੀ ਪਰ ਫਿਰ ਕਦੀ ਨਹੀਂ ਪਰਤਿਆ।
ਉਸ ਦੇ ਪਿਤਾ ਰਿਚਰਡ ਨੇ ਇੱਕ ਵੀਡੀਓ ਸੁਨੇਹੇ 'ਚ ਕਿਹਾ ਕਿ ਬੀਤੇ 24 ਮਹੀਨੇ ਦਾ ਸਮਾਂ ਉਨ੍ਹਾਂ ਲਈ ਬੇਹੱਦ ਪ੍ਰੇਸ਼ਾਨੀ ਅਤੇ ਦੁੱਖ ਭਰਿਆ ਰਿਹਾ ਹੈ।
ਪਰਿਵਾਰ ਨੇ ਲੋਕਾਂ ਨੂੰ ਬੇਨਤੀ ਕੀਤੀ ਹੈ ਕਿ ਕਿਸੇ ਕੋਲ ਉਨ੍ਹਾਂ ਦੇ ਪੁੱਤਰ ਦੀ ਕੋਈ ਜਾਣਕਾਰੀ ਹੋਵੇ ਤਾਂ ਪੁਲਿਸ ਨੂੰ ਦੱਸਿਆ ਜਾਵੇ।
ਟਾਈਨਰ ਪਰਿਵਾਰ ਨੇ ਮਾਮਲੇ 'ਚ ਕੋਈ ਪੁਖਤਾ ਜਾਣਕਾਰੀ ਦੇਣ ਵਾਲੇ ਨੂੰ $15,000 ਦਾ ਇਨਾਮ ਦੇਣ ਦਾ ਵੀ ਐਲਾਨ ਕੀਤਾ ਹੈ।
ਯਾਦ ਰਹੇ ਆਰ.ਸੀ.ਐਮ.ਪੀ. ਦਾ ਮੰਨਣਾ ਹੈ ਕਿ ਟਾਈਨਰ ਦਾ ਕਤਲ ਕਰ ਦਿੱਤਾ ਗਿਆ ਸੀ ਅਤੇ ਮਾਮਲੇ 'ਚ ਜਾਂਚ ਕੀਤੀ ਜਾ ਰਹੀ ਹੈ।
ਹਾਲਾਂਕਿ ਪੁਲਿਸ ਨੇ ਮਾਮਲੇ ਸੰਬੰਧੀ ਕੋਈ ਵੇਰਵੇ ਸਾਂਝੇ ਨਹੀਂ ਕੀਤੇ ਹਨ।
