13.27C Vancouver 13.27C VancouverJun 1, 2021 8:34 PM -
ਪੋਰਟ ਮੂਡੀ ਦੀ ਇੱਕ ਲਾਪਤਾ ਔਰਤ ਜਿਸ ਦੇ ਅਵਸ਼ੇਸ਼ ਮਿਲੇ ਸਨ ਉਨ੍ਹਾਂ ਦੇ ਪਰਿਵਾਰ ਨੇ ਮਾਮਲੇ 'ਚ ਪੁਖਤਾ ਜਾਣਕਾਰੀ ਸਾਂਝੀ ਕਰਨ ਵਾਲੇ ਲਈ ਵੱਡੇ ਇਨਾਮ ਦਾ ਐਲਾਨ ਕੀਤਾ ਹੈ।
ਪਰਿਵਾਰ ਦਾ ਕਹਿਣਾ ਹੈ ਕਿ ਜੇਕਰ ਕੋਈ ਵਿਅਕਤੀ ਟਰੀਨਾ ਹੰਟ ਬਾਰੇ ਕੋਈ ਪੁਖਤਾ ਜਾਣਕਾਰੀ ਦੇ ਸਕੇ ਤਾਂ ਉਨ੍ਹਾਂ ਨੂੰ $50,000 ਦਾ ਇਨਾਮ ਦਿੱਤਾ ਜਾਵੇਗਾ।
ਯਾਦ ਰਹੇ ਇਸ ਔਰਤ ਦੀ ਭਾਲ ਦਾ ਮਾਮਲਾ ਹੋਮਿਸਾਈਡ ਜਾਂਚ ਦੇ ਵਿੱਚ ਤਬਦੀਲ ਹੋ ਗਿਆ ਹੈ।
1 ਮਈ ਨੂੰ ਆਈ.ਹਿਟ ਵੱਲੋਂ ਜਾਣਕਾਰੀ ਜਾਰੀ ਕੀਤੀ ਗਈ ਸੀ ਕਿ 29 ਮਾਰਚ ਨੂੰ ਹੋਪ ਕੋਲ ਮਿਲੇ ਮਨੁੱਖੀ ਅਵਸ਼ੇਸ਼ ਲਾਪਤਾ ਹੋਈ 48 ਸਾਲਾ ਟਰੀਨਾ ਹੰਟ ਦੇ ਸਨ।
ਮੌਤ ਦੇ ਮਾਮਲੇ ਨੂੰ ਸ਼ੱਕੀ ਦੱਸਿਆ ਗਿਆ ਹੈ।
ਆਈ.ਹਿਟ ਦਾ ਕਹਿਣਾ ਹੈ ਕਿ ਉਹ ਪੋਰਟ ਮੂਡੀ ਪੁਲਿਸ ਡਿਪਾਰਟਮੈਂਟ ਨਾਲ ਮਿਲ ਕੇ ਮਾਮਲੇ ਨੂੰ ਸੁਲਝਾਉਣ 'ਤੇ ਕੰਮ ਕਰ ਰਹੇ ਹਨ।
ਲਾਪਤਾ ਹੋਈ ਔਰਤ ਦੀ ਉਮਰ 48 ਸਾਲ ਸੀ।
ਉਸ ਨੂੰ ਆਖਰੀ ਵਾਰ ਆਪਣੇ ਘਰ 'ਚ 18 ਜਨਵਰੀ ਨੂੰ ਸਵੇਰੇ ਕਰੀਬ 6 ਵਜੇ ਵੇਖਿਆ ਗਿਆ ਸੀ।
ਉਸ ਦੇ ਪਤੀ ਨੇ ਉਸੇ ਦਿਨ ਆਪਣਾ ਘਰ ਖਾਲੀ ਵੇਖਣ ਤੋਂ ਬਾਅਦ ਆਪਣੀ ਪਤਨੀ ਦੇ ਲਾਪਤਾ ਹੋਣ ਦੀ ਰਿਪੋਰਟ ਕੀਤੀ ਸੀ।
