11.79C Vancouver 11.79C VancouverFeb 1, 2021 6:32 PM -
ਅਮਰੀਕਾ ਦੇ ਜਾਂਚ ਅਧਿਕਾਰੀਆਂ ਵੱਲੋਂ ਹੁਣ ਵਿਕਟੋਰੀਆ ਦੀ ਰੀਅਲ ਐਸਟੇਟ ਏਜੈਂਟ, ਲਿੰਡਸੇ ਬੂਜ਼ੀਐਕ ਦੇ ਅਣਸੁਲਝੇ ਕਤਲ ਦੇ ਮਾਮਲੇ 'ਚ ਸਹਿਯੋਗ ਪਾਇਆ ਜਾਵੇਗਾ।
ਇਹ ਮਾਮਲਾ 13 ਸਾਲ ਪਹਿਲਾਂ ਦਾ ਹੈ।
ਘਟਨਾ 2 ਫਰਵਰੀ 2008 ਨੂੰ ਵਾਪਰੀ ਸੀ।
24 ਸਾਲਾ ਬੂਜ਼ੀਐਕ ਨੂੰ ਉਸ ਵੇਲੇ ਚਾਕੂ ਮਾਰੇ ਗਏ ਸਨ ਜਦ ਉਹ ਸਾਨਿਚ ਵਿੱਚ ਇੱਕ ਪ੍ਰਾਪਰਟੀ ਵਿਖਾਉਣ ਪਹੁੰਚੀ ਸੀ।
ਇੱਕ ਪੁਲਿਸ ਅਧਿਕਾਰੀ ਦਾ ਕਹਿਣਾ ਸੀ ਕਿ ਨਵੀਂ ਟੀਮ ਦੇ ਵਿੱਚ ਫੈਡਰਲ ਬਿਊਰੋ ਆਫ ਇਨਵੈਸਟੀਗੇਸ਼ਨ ਯਾਨੀ ਕਿ ਐਫ.ਬੀ.ਆਈ. ਦੇ ਨੁਮਾਇੰਦੇ ਵੀ ਸ਼ਾਮਿਲ ਹੋਣਗੇ।
ਇਸ ਦੇ ਨਾਲ ਆਰ.ਸੀ.ਐਮ.ਪੀ. ਅਫ਼ਸਰ ਵੀ ਆਪਣਾ ਸਹਿਯੋਗ ਜਾਰੀ ਰੱਖਣਗੇ।
ਜਾਣਕਾਰੀ ਅਨੁਸਾਰ ਇਸ ਮਾਮਲੇ 'ਚ ਨਵੇਂ ਫੌਰੈਂਸਿਕ ਅਤੇ ਹੋਰ ਤੱਥ ਉਜਾਗਰ ਹੋਏ ਹਨ।
ਸਾਨਿਚ ਪੁਲਿਸ ਕਾਂਸਟੇਬਲ ਮਾਰਕੱਸ ਐਨਸਟੈਡੀਐਸ ਨੇ ਦੱਸਿਆ ਕਿ ਸਾਰੇ ਸ਼ੱਕੀਆਂ ਨਾਲ ਫਿਰ ਤੋਂ ਗੱਲਬਾਤ ਕੀਤੀ ਜਾ ਰਹੀ ਹੈ।
ਬੂਜ਼ੀਐਕ ਦੀ ਉਸ ਵੇਲੇ ਮੌਤ ਹੋ ਗਈ ਸੀ ਜਦ ਉਹ ਇੱਕ ਅਣਪਛਾਤੇ ਜੋੜੇ ਨੂੰ ਇੱਕ ਪ੍ਰਾਪਰਟੀ ਵਿਖਾ ਰਹੀ ਸੀ।
ਇਸ ਜੋੜੇ ਨੇ ਖੁਦ ਨੂੰ ਮੈਟਰੋ ਵੈਨਕੂਵਰ ਦਾ ਦੱਸਿਆ ਸੀ।
ਜਿਸ ਨੰਬਰ ਤੋਂ ਸੰਪਰਕ ਕੀਤਾ ਗਿਆ ਸੀ, ਉਹ ਗਲਤ ਪਛਾਣ ਦੇ ਕੇ ਹਾਸਿਲ ਕੀਤਾ ਗਿਆ ਸੀ।
