13.63C Vancouver 13.63C VancouverSep 30, 2020 7:30 PM -
ਕੈਨੇਡਾ ਸਰਕਾਰ ਦੇ ਇੱਕ ਵਕੀਲ ਦਾ ਕਹਿਣਾ ਹੈ ਕਿ ਦੇਸ਼ ਦੇ 15 ਨੌਜਵਾਨਾਂ ਵੱਲੋਂ ਕਲਾਈਮੇਟ ਚੇਂਜ ਦੇ ਨੁਕਸਾਨਾਂ ਬਾਬਤ ਮੁਕੱਦਮੇ ਨੂੰ ਖਾਰਿਜ ਕੀਤੀ ਜਾ ਰਿਹਾ ਹੈ, ਕਿਉਂਕਿ ਇਸ ਵਿਚ ਕੀਤੇ ਜਾਣ ਵਾਲੇ ਦਾਅਵਿਆਂ ਦਾ ਦਾਇਰਾ ਬਹੁਤ ਜ਼ਿਆਦਾ ਵੱਡਾ ਹੈ।
ਜੌਸੇਫ਼ ਚੇਂਗ ਦਾ ਕਹਿਣਾ ਹੈ ਕਿ ਗਰੀਨਹਾਉਸ ਗੈਸ ਐਮੀਸ਼ਨਜ਼ ਵਿਸ਼ਵ ਦੀ ਇੱਕ ਵੱਡੀ ਸਮੱਸਿਆ ਹੈ ਅਤੇ ਸਾਰੇ ਹੀ ਦੇਸ਼ਾਂ ਨੂੰ ਪ੍ਰਭਾਵਿਤ ਕਰਦੀ ਹੈ।
ਸਿਰਫ਼ ਕੈਨੇਡਾ ਦੇ ਕਦਮਾਂ ਨਾਲ ਇਹ ਮੁੱਦਾ ਨਹੀਂ ਸੁਲਝਣ ਵਾਲਾ ਹੈ।
ਜ਼ਿਕਰਯੋਗ ਹੈ ਕਿ ਅਕਤੂਬਰ 2019 ਵਿਚ ਕੁਝ ਨੌਜਵਾਨਾਂ ਵੱਲੋਂ ਲੌਅਸੂਟ ਦਰਜ ਕੀਤਾ ਗਿਆ ਸੀ ਅਤੇ ਕੈਨੇਡਾ ਉੱਤੇ ਜ਼ੋਰ ਪਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਸੀ ਕਿ ਦੇਸ਼, ਉਪਲਭਦ ਵਿਦਿਆਨ ਦੀ ਜਾਣਕਾਰੀ ਦੀ ਵਰਤੋਂ ਕਰ, ਕਲਾਈਮੇਟ ਰਿਕਵਰੀ ਬਾਬਤ ਕੋਈ ਯੋਜਨਾ ਤਿਆਰ ਕਰੇ।
ਹਾਲਾਂਕਿ ਉਨ੍ਹਾਂ ਮੁਕੱਦਮਾ ਦਾਇਰ ਕਰਨ ਵਾਲਿਆਂ ਨਾਲ ਇੱਕ ਗੱਲ 'ਤੇ ਸਹਿਮਤੀ ਜ਼ਾਹਿਰ ਕੀਤੀ ਹੈ ਕਿ ਕੈਨੇਡਾ ਕਈ ਸਮਝੌਤਿਆਂ ਉੱਤੇ ਦਸਤਖਤ ਕਰਨ ਤੋਂ ਬਾਅਦ ਵੀ, ਐਮੀਸ਼ਨਜ਼ ਘਟਨਾਉਣ ਦੀ ਆਪਣੀ ਵਚਨਬੱਧਤਾ ਤੋਂ ਬਹੁਤ ਪਿੱਛੇ ਚੱਲ ਰਿਹਾ ਹੈ।
ਪਲੇਨਟਿਫ਼ਸ ਦਾ ਕਹਿਣਾ ਹੈ ਕਿ ਗਰੀਨਹਾਉਸ ਗੈਸ ਐਮੀਸ਼ਨਜ਼ ਦੇ ਨਤੀਜੇ ਵਜੋਂ ਨੌਜਵਾਨਾਂ ਨੂੰ ਕਈ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਜਿਵੇਂ ਕੀ ਪ੍ਰਦੂਸ਼ਨ ਅਤੇ ਇਸ ਦੇ ਹੋਰ ਨੁਕਸਾਨ ਅਤੇ ਨਾਲ ਹੀ ਉਨ੍ਹਾਂ ਦੇ ਜ਼ਰੂਰੀ ਅੰਗ ਵੀ ਪੂਰੀ ਤਰ੍ਹਾਂ ਵਿਕਸਿਤ ਨਹੀਂ ਹੋ ਰਹੇ ਹਨ।
