ਫੈਡਰਲ ਸਰਕਾਰ ਨੇ ਸੈਨੇਟ ਨਿਯੁਕਤੀਆਂ ਲਈ ਸੁਤੰਤਰ ਸਲਾਹਕਾਰ ਬੋਰਡ ਦੇ ਨਵੇਂ ਮੈਂਬਰਾਂ ਦਾ ਕੀਤਾ ਐਲਾਨ

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਸੰਸਦ ਦੇ ਅੱਪਰ ਹਾਊਸ ਦੀਆਂ ਨਿਯੁਕਤੀਆਂ ਦੀ ਸਿਫ਼ਾਰਸ਼ ਕਰਨ ਵਾਲੇ Independent Advisory Board for Senate Appointments ਦੇ ਨਵੇਂ ਮੈਂਬਰਾਂ ਦਾ ਐਲਾਨ ਕੀਤਾ ਹੈ, ਜਿਸ ਵਿਚ ਦੇਸ਼ ਦੇ ਪ੍ਰਮੁੱਖ ਪੰਜਾਬੀ-ਕੈਨੇਡੀਅਨ ਆਗੂ ਅਤੇ ਸਾਬਕਾ ਸੈਨੇਟਰ ਸਰਬਜੀਤ ਸਿੰਘ ਮਰਵਾਹ ਸਮੇਤ ਦਰਜਨ ਲੋਕਾਂ ਨੂੰ ਸ਼ਾਮਲ ਕੀਤਾ ਗਿਆ ਹੈ।

ਇਸ ਸੁਤੰਤਰ ਸਲਾਹਕਾਰ ਬੋਰਡ ਦੀ ਅਗਵਾਈ ਫਾਂਸਵਾ ਰੋਲੈਂਡ ਨੂੰ ਸੌਂਪੀ ਗਈ ਹੈ, ਜੋ 2018 ਤੋਂ ਇਸ ਬੋਰਡ ਦੇ ਮੈਂਬਰ ਵਜੋਂ ਸੇਵਾ ਨਿਭਾ ਰਹੇ ਹਨ। ਟਰੂਡੋ ਦੀ ਪਿਛਲੀ ਸਰਕਾਰ ਵਾਂਗ ਕਾਰਨੀ ਸਰਕਾਰ ਦੇ ਅਧੀਨ ਵੀ ਇਸ ਬੋਰਡ ਵਿਚ ਤਿੰਨ ਫੈਡਰਲ ਮੈਂਬਰ ਅਤੇ ਹਰੇਕ ਉਸ ਸੂਬੇ ਦੇ ਦੋ ਵਾਧੂ ਮੈਂਬਰ ਸ਼ਾਮਲ ਹੋਣਗੇ ਜਿੱਥੇ ਸੈਨੇਟ ਦੀ ਸੀਟ ਖਾਲੀ ਹੈ। ਨਵੇਂ ਚੁਣੇ ਮੈਂਬਰਾਂ ਵਿਚ ਸਾਬਕਾ ਸੈਨੇਟਰ ਸਰਬਜੀਤ ਸਿੰਘ ਮਰਵਾਹ 2016 ਵਿਚ ਕੈਨੇਡੀਅਨ ਸੈਨੇਟ ਵਿਚ ਨਿਯੁਕਤ ਹੋਣ ਵਾਲੇ ਪਹਿਲੇ ਸਿੱਖ ਬਣੇ ਸਨ।

ਜ਼ਿਕਰਯੋਗ ਹੈ ਕਿ ਬੋਰਡ ਵਿਚ ਨਵੀਆਂ ਨਿਯੁਕਤੀਆਂ ਉਦੋਂ ਕੀਤੀਆਂ ਗਈਆਂ ਹਨ, ਜਦੋਂ ਇਸੇ ਮਹੀਨੇ ਦੇ ਸ਼ੁਰੂ ਵਿਚ ਪ੍ਰਧਾਨ ਮੰਤਰੀ ਨੇ ਆਪਣੇ ਪ੍ਰਿੰਸੀਪਲ ਸਕੱਤਰ ਟੌਮ ਪਿਟਫੀਲਡ ਅਤੇ ਕੰਜ਼ਰਵੇਟਿਵ ਸੰਸਦ ਮੈਂਬਰ ਰਿਚਰਡ ਮਾਰਟੇਲ ਸਮੇਤ 4 ਨਵੇਂ ਸੈਨੇਟਰਾਂ ਨੂੰ ਉੱਪਰਲੇ ਸਦਨ ਲਈ ਨਾਮਜ਼ਦ ਕੀਤਾ ਸੀ ਅਤੇ ਹੁਣ ਇਹ ਨਵਾਂ ਬੋਰਡ ਭਵਿੱਖ ਦੀਆਂ ਨਿਯੁਕਤੀਆਂ ਲਈ ਪ੍ਰਧਾਨ ਮੰਤਰੀ ਨੂੰ non-binding ਸਿਫ਼ਾਰਸ਼ਾਂ ਦੇਵੇਗਾ।