16.24C Vancouver 16.24C VancouverSep 29, 2020 10:26 PM -
ਫੈਡਰਲ ਸਰਕਾਰ ਦਾ ਅਮਰੀਕੀ ਕੰਪਨੀ ਐਬੌਟ ਦੇ ਨਾਲ ਕਰਾਰ ਹੋ ਗਿਆ ਹੈ, ਜਿਸ ਦੇ ਤਹਿਤ 7.9 ਮਿਲੀਅਨ ਰੈਪਿਡ ਟੈਸਟ ਡਿਵਾਈਸ ਖਰੀਦੇ ਜਾਣਗੇ।
ਹਾਲਾਂਕਿ ਖਰੀਦ ਤੋਂ ਪਹਿਲਾਂ ਇਨ੍ਹਾਂ ਉਪਕਰਣਾਂ ਨੂੰ ਹੈਲਥ ਕੈਨੇਡਾ ਵੱਲੋਂ ਮਨਜ਼ੂਰੀ ਮਿਲਣੀ ਜ਼ਰੂਰੀ ਹੋਵੇਗੀ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਔਟਵਾ 'ਤੇ ਕੋਵਿਡ-19 ਦੇ ਰੈਪਿਡ ਟੈਸਟ ਨੂੰ ਮਨਜ਼ੂਰੀ ਦੇਣ ਦਾ ਦਬਾਅ ਬਣਾਉਣਾ ਗਲਤ ਹੈ, ਅਤੇ ਇਹ ਫੈਸਲਾ ਫੈਡਰਲ ਸਾਇੰਟਿਸਟਸ ਦੇ ਹੱਥ ਹੈ।
ਦੇਸ਼ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਜੇਕਰ ਕੋਵਿਡ-19 ਟੈਸਟ ਦੇ ਭਰੋਸੇਯੋਗ ਨਤੀਜੇ ਸਾਹਮਣੇ ਨਾ ਆਉਣ, ਤਾਂ ਇਸ ਨਾਲ ਉਲਝਣ ਵੱਧ ਜਾਵੇਗੀ ਅਤੇ ਲੋਕਾਂ ਲਈ ਪ੍ਰੇਸ਼ਾਨੀ ਦਾ ਮਾਹੌਲ ਬਣ ਜਾਵੇਗਾ।
ਪਬਲਿਕ ਪ੍ਰੋਕਯੋਰਮੈਂਟ ਮੰਤਰੀ ਅਨੀਤਾ ਅਨੰਦ ਦਾ ਕਹਿਣਾ ਹੈ ਕਿ ਕੋਵਿਡ-19 ਦੇ ਵਧਦੇ ਮਾਮਲਿਆਂ ਵਿਚਾਲੇ, ਇਸ ਤੋਂ ਬਚਾਅ ਲਈ ਹਰ ਕਿਸੇ ਨੂੰ ਆਪਣੀਆਂ ਕੋਸ਼ਿਸ਼ਾਂ ਨੂੰ ਦੁੱਗਣਾ ਕਰਨ ਦੀ ਲੋੜ ਹੈ।
ਉਨ੍ਹਾਂ ਕਿਹਾ ਕਿ ਟੈਸਟਿੰਗ ਅਤੇ ਟ੍ਰੇਸਿੰਗ ਇਸ ਵਾਇਰਸ ਦੇ ਕਮਿਊਨਿਟੀ ਫੈਲਾਅ ਨੂੰ ਘੱਟ ਰੱਖਣ ਲਈ ਅਹਿਮ ਹਨ।
