ਪੀ.ਐਮ.ਕਾਰਨੀ ਨੇ ਮਹਿੰਗਾਈ ਦੇ ਦਬਾਅ ਵਿਚਕਾਰ ਜੀਐਸਟੀ ਕ੍ਰੈਡਿਟ 'ਚ ਅਸਥਾਈ ਵਾਧੇ ਦਾ ਕੀਤਾ ਐਲਾਨ

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਗ੍ਰੋਸਰੀ ਦੀਆਂ ਅਸਮਾਨ ਛੂਹ ਰਹੀਆਂ ਕੀਮਤਾਂ ਨਾਲ ਨਜਿੱਠਣ ਲਈ ਅੱਜ ਇੱਕ ਕਿਫਾਇਤੀ ਯੋਜਨਾ ਤਹਿਤ ਜੀ.ਐਸ.ਟੀ. ਕ੍ਰੈਡਿਟ ਵਿਚ ਵਾਧੇ ਦਾ ਐਲਾਨ ਕੀਤਾ ਹੈ। ਇਸ ਨਾਲ ਲਗਭਗ 12 ਮਿਲੀਅਨ ਕੈਨੇਡੀਅਨਜ਼ ਨੂੰ ਸਿੱਧਾ ਫਾਇਦਾ ਮਿਲੇਗਾ।

ਇਸ ਯੋਜਨਾ ਤਹਿਤ ਅਗਲੇ ਪੰਜ ਸਾਲਾਂ ਲਈ ਤਿਮਾਹੀ ਜੀ.ਐਸ.ਟੀ. ਵਿਚ 25 ਫੀਸਦੀ ਦਾ ਵਾਧਾ ਕੀਤਾ ਜਾ ਰਿਹਾ ਹੈ, ਨਾਲ ਹੀ ਇਸ ਜੂਨ ਵਿਚ ਪਰਿਵਾਰਾਂ ਨੂੰ 50 ਫੀਸਦੀ ਦਾ ਵਾਧੂ ਵਨ-ਟਾਈਮ-ਟੋਪ ਅੱਪ-ਵੀ ਮਿਲੇਗਾ।

ਸਰਕਾਰ ਨੇ ਇਸ ਪ੍ਰੋਗਰਾਮ ਨੂੰ ਕੈਨੇਡਾ ਗ੍ਰੋਸਰੀ ਐਂਡ ਅਸੈਂਸ਼ਲ ਬੈਨੀਫਿਟ ਦਾ ਨਾਮ ਦਿੱਤਾ ਹੈ। ਫੈਡਰਲ ਸਰਕਾਰ ਦੇ ਅਨੁਮਾਨਾਂ ਅਨੁਸਾਰ, ਜੀ.ਐਸ.ਟੀ. ਪੇਮੈਂਟ ਵਿਚ ਇਸ "ਵਨ-ਟਾਈਮ ਟੌਪ-ਅੱਪ" ਅਤੇ ਤਿਮਾਹੀ 25 ਫੀਸਦੀ ਵਾਧੇ ਨਾਲ ​ਘੱਟ ਆਮਦਨ ਵਾਲੇ ਸਿੰਗਲ ਕੈਨੇਡੀਅਨਜ਼ ਨੂੰ ਸਾਲ ਵਿਚ ਲਗਭਗ $400 ਦੀ ਵਾਧੂ ਰਾਹਤ ਮਿਲੇਗੀ। ​ਦੋ ਬੱਚਿਆਂ ਵਾਲੇ ਕਪਲ ਲਈ ਇਹ ਰਾਹਤ ਰਾਸ਼ੀ $800 ਤੱਕ ਹੋਵੇਗੀ।

ਫੈਡਰਲ ਸਰਕਾਰ ਅਨੁਸਾਰ, ਚਾਰ ਜੀਆਂ ਦੇ ਪਰਿਵਾਰ ਨੂੰ ਇਸ ਸਾਲ ਵਾਧੇ ਦੇ ਨਾਲ ਜੀ.ਐਸ.ਟੀ ਕ੍ਰੈਡਿਟ ਵਿਚ $1,890 ਤੱਕ ਪ੍ਰਾਪਤ ਹੋਣਗੇ, , ਜੋ ਪਹਿਲਾਂ $1,100 ਮਿਲਣੇ ਸਨ। ਉਥੇ ਹੀ, ਸਿੰਗਲ ਪਰਸਨ ਲਈ ਇਹ ਰਾਸ਼ੀ ਇਸ ਸਾਲ $540 ਤੋਂ ਵਧਾ ਕੇ $950 ਕਰ ਦਿੱਤੀ ਗਈ ਹੈ।

ਰਾਹਤ ਰਾਸ਼ੀ $800 ਤੱਕ ਹੋ ਸਕਦੀ ਹੈ।

ਸੋਮਵਾਰ ਨੂੰ ਹੋਣ ਵਾਲੇ ਇਸ ਐਲਾਨ ਵਿਚ ਸਿਰਫ਼ ਮਾਲੀ ਮਦਦ ਹੀ ਨਹੀਂ ਬਲਕਿ ਕੈਨੇਡਾ ਦੀ ਫੂਡ ਸਪਲਾਈ ਚੇਨ ਦੀਆਂ ਕਮੀਆਂ ਨੂੰ ਦੂਰ ਕਰਨ ਅਤੇ ਬਾਜ਼ਾਰ ਵਿਚ ਮੁਕਾਬਲਾ ਵਧਾਉਣ ਲਈ ਵੀ ਠੋਸ ਕਦਮ ਸ਼ਾਮਲ ਹੋਣਗੇ।