18.17C Vancouver 18.17C VancouverOct 1, 2020 10:33 PM -
ਫੈਡਰਲ ਲਿਬਰਲਸ ਨੇ ਇੱਕ ਬਿੱਲ ਨੂੰ ਮੁੜ ਤੋਂ ਪੇਸ਼ ਕੀਤਾ ਹੈ, ਜਿਸ ਦੇ ਆਸਰੇ ਬੱਚਿਆਂ ਅਤੇ ਵੱਡਿਆਂ ਨੂੰ ਅਜਿਹੀ ਥੈਰੇਪੀ ਤੋਂ ਬਚਾਇਆ ਜਾ ਸਕਦਾ ਹੈ, ਜੋ ਕਿ ਉਨ੍ਹਾਂ ਦੀ ਸੈਕਸ਼ੂਅਲ ਓਰੀਐਂਟੇਸ਼ਨ ਜਾਂ ਜੈਂਡਰ ਆਈਡੈਂਟਿਟੀ ਨੂੰ ਬਦਲਣ ਲਈ ਕੀਤੀ ਜਾਂਦੀ ਹੈ।
ਪ੍ਰਧਾਨ ਮੰਤਰੀ ਟਰੂਡੋ ਨੇ ਅੱਜ ਵਿਰੋਧੀ ਪਾਰਟੀਆਂ ਨੂੰ ਇਸ ਕਨੂੰਨ ਨੂੰ ਸਹਿਯੋਗ ਦੇਣ ਦੀ ਮੰਗ ਕੀਤੀ।
ਜਸਟਿਸ ਮੰਤਰੀ ਡੇਵਿਡ ਲਾਮੇਟੀ ਦਾ ਕਹਿਣਾ ਹੈ ਕਿ ਕੰਵਰਜ਼ਨ ਥੈਰੇਪੀ ਇੱਕ ਝੂਠ 'ਤੇ ਆਧਾਰਿਤ ਹੈ ਕਿ, ਗੇਅ ਹੋਣਾ, ਬਾਈਸੈਕਸ਼ੁਅਲ ਹੋਣਾ ਜਾਂ ਟ੍ਰਾਂਸ ਹੋਣਾ ਗਲਤ ਹੈ, ਅਤੇ ਇਹ ਕਨੂੰਨ ਇਸ ਪ੍ਰਕਾਰ ਦੀ ਥੈਰੇਪੀ ਨੂੰ ਰੋਕੇਗਾ।
ਕੰਜ਼ਰਵੇਟਿਵ ਵਿਰੋਧੀਆਂ ਨੇ ਸੰਕੇਤ ਦਿੱਤੇ ਹਨ ਕਿ ਉਹ ਇਸ ਬਿੱਲ ਨੂੰ ਸਹਿਯੋਗ ਦੇਣ ਲਈ ਤਿਆਰ ਹਨ।
ਕਿਊਬੈਕ 'ਚ ਵੱਧਦੇ ਮਾਮਲਿਆਂ ਤੋਂ ਟਰੂਡੋ ਚਿੰਤਤ
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਉਹ ਕਿਊਬੈਕ ਦੇ ਐਮ.ਪੀ. ਵੀ ਹਨ ਅਤੇ ਉਨ੍ਹਾਂ ਨੂੰ ਸੂਬੇ 'ਚ ਵੱਧਦੇ ਕੋਵਿਡ-19 ਮਾਮਲਿਆਂ ਦਾ ਫਿਕਰ ਹੈ।
ਅੱਜ ਇੱਕ ਨਿਊਜ਼ ਕਾਨਫਰੰਸ ਦੌਰਾਨ ਟਰੂਡੋ ਨੇ ਵਾਇਰਸ ਦੀ ਮਾਰ ਝੱਲ ਰਹੇ ਵਧੇਰੇ ਪ੍ਰਭਾਵਿਤ ਇਲਾਕਿਆਂ ਦੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਸਿਹਤ ਸੰਬੰਧੀ ਨਿਰਦੇਸ਼ਾਂ ਦੀ ਪਾਲਣਾ ਕੀਤੀ ਜਾਵੇ।
ਯਾਦ ਰਹੇ ਕਿਊਬੈਕ ਦੇ 3 ਵੱਡੇ ਸ਼ਹਿਰਾਂ 'ਚ ਅੱਜ ਤੋਂ ਨਵੀਆਂ ਪਬੰਦੀਆਂ ਲਾਗੂ ਹੋ ਗਈਆਂ ਹਨ।
