21C Vancouver 21C VancouverSep 19, 2022 10:13 PM - The Canadian Press
ਪੁਐਰਟੋ ਰੀਕੋ 'ਚ ਜੋਰਦਾਰ ਚੱਕਰਵਾਤ ਫੂਐਨਾ ਨੇ ਦਸਤਕ ਦਿੱਤੀ ਹੈ।
ਦੇਸ਼ ਦੇ ਕਈ ਇਲਾਕਿਆਂ 'ਚ ਤਬਾਹੀ ਮਚਾਉਣ ਤੋਂ ਬਾਅਦ ਫੀਓਨਾ ਨਾਮ ਦਾ ਇਹ ਚੱਕਰਵਾਤ ਡੌਮਿਨਿਕਨ ਰਿਪਬਲਿਕ ਵਲ ਵਧ ਗਿਆ ਹੈ।
ਪੁਐਰਟੋ ਰੀਕੋ 'ਚ ਇਸ ਜਬਰਦਸਤ ਤੂਫਾਨ ਵਿਚਾਲੇ ਹੋਏ ਨੁਕਸਾਨ ਦੌਰਾਨ ਕੁਝ ਹੈਰਾਨ ਕਰ ਦੇਣ ਵਾਲੇ ਵੀਡੀਓ ਉਜਾਗਰ ਹੋਏ ਹਨ।
ਇਸੇ ਦੌਰਾਨ ਇੱਕ ਪੁਲ ਦੇ ਰੁੜ੍ਹ ਜਾਣ ਦਾ ਵੀਡੀਓ ਵੀ ਉਜਾਗਰ ਹੋਇਆ।
ਇਸ ਦੌਰਾਨ ਬਹੁਤੇ ਇਲਾਕੇ 'ਚ ਬਿਜਲੀ ਗੁੱਲ ਹੋ ਗਈ।
ਗਵਰਨਰ ਨੇ ਇਲਾਕੇ 'ਚ ਹੋਏ ਨੁਕਸਾਨ ਨੂੰ ਭਿਆਨਕ ਦੱਸਿਆ।
ਕਈ ਲੋਕਾਂ ਤਕ ਪਾਣੀ ਸੰਬੰਧੀ ਸੇਵਾ ਤਕ ਨਹੀਂ ਪਹੁੰਚ ਰਹੀ।
ਇਸ ਚੱਕਰਵਾਤ ਕਾਰਨ ਹੋਏ ਨੁਕਸਾਨ ਤੋਂ ਉਭਰਨਾ ਇਸ ਕਾਰਨ ਵੀ ਮੁਸ਼ਕਿਲ ਮੰਨਿਆ ਜਾ ਰਿਹਾ ਹੈ ਕਿ ਸਾਲ 2017 'ਚ ਆਏ ਮਾਰੀਆ ਨਾਮ ਦੇ ਚੱਕਰਵਾਤ ਦੌਰਾਨ ਹੋਏ ਨੁਕਸਾਨ ਤੋਂ ਹੀ ਇਲਾਕਾ ਹੁਣ ਤਕ ਉਭਰਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ।
ਉਸ ਮੌਕੇ 3,000 ਲੋਕਾਂ ਦੀ ਜਾਨ ਚਲੀ ਗਈ ਸੀ।
ਫੀਓਨਾ ਦੀ ਦਸਤਕ ਦੌਰਾਨ 2 ਹਵਾਈ ਅੱਡੇ ਵੀ ਹੜ੍ਹ ਗਏ ਹਨ।
