11.54C Vancouver 11.54C VancouverOct 26, 2022 9:11 PM - Connect News
ਬੀ.ਸੀ. ਦੇ ਸਮਿਦਰਸ ਇਲਾਕੇ ਵਿੱਚ ਇੱਕ ਪਾਰਕਿੰਗ ਲੌਟ ਵਿੱਚ ਵਾਪਰੀ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਘਟਨਾ ਦੌਰਾਨ ਇੱਕ ਹੋਟਲ ਦੇ ਪਾਰਕਿੰਗ ਲੌਟ 'ਚ ਕਈ ਗੱਡੀਆਂ ਨੂੰ ਅੱਗ ਲੱਗੀ ਵੇਖੀ ਜਾ ਸਕਦੀ ਸੀ।
ਪੂਰਾ ਮਾਮਲਾ ਅੱਜ ਤੜਕੇ ਕਰੀਬ 4.30 ਵਜੇ ਦਾ ਦੱਸਿਆ ਗਿਆ ਹੈ।
ਘਟਨਾ ਦਾ ਇੱਕ ਵੀਡੀਓ ਵੀ ਵਾਇਰਲ ਹੋ ਰਿਹਾ ਹੈ।
ਸੋਸ਼ਲ ਮੀਡੀਆ 'ਤੇ ਉਜਾਗਰ ਹੋਏ ਵੀਡੀਓ 'ਚ ਪੁਲਿਸ ਕਰੂਜਰਸ ਅਤੇ ਸਰਕਾਰੀ ਵਾਹਨਾਂ ਸਮੇਤ ਕੁਝ ਵਾਹਨਾਂ ਨੂੰ ਅੱਗ ਲੱਗੀ ਵੇਖੀ ਜਾ ਸਕਦੀ ਸੀ।
ਘਟਨਾ ਸੰਨਸ਼ਾਈਨ ਇੰਨ ਕੋਲ ਵਾਪਰੀ ਦੱਸੀ ਗਈ ਹੈ।
ਇਹ ਹੋਟਲ 4 ਐਵੀਨਿਊ ਦੇ 3800 ਬਲੌਕ 'ਚ ਸਥਿਤ ਹੈ।
ਅੱਗ 'ਤੇ ਜਲਦੀ ਹੀ ਕਾਬੂ ਪਾ ਲਿਆ ਗਿਆ ਸੀ।
ਇਲਾਕੇ ਦੇ ਮੇਅਰ ਗਲੇਡੀਸ ਐਟਰਿਲ ਨੇ ਵੀ ਮਾਮਲੇ ਸੰਬੰਧੀ ਇੱਕ ਟਵੀਟ ਕੀਤਾ ਅਤੇ ਕਿਹਾ ਕਿ ਕਈ ਵਾਹਨ ਝੁਲਸ ਗਏ ਹਨ।
ਉਨ੍ਹਾਂ ਕਿਹਾ ਕਿ ਚੰਗੀ ਗੱਲ ਸੀ ਕਿ ਕਿਸੇ ਦੇ ਜਖਮੀ ਹੋਣ ਤੋਂ ਬਚਾਅ ਰਿਹਾ।
