14.05C Vancouver 14.05C VancouverApr 15, 2024 1:05 PM - The Canadian Press
ਕੈਨੇਡੀਅਨਾਂ ਦੇ ਬੈਂਕ ਅਕਾਉਂਟ ਵਿਚ ਅੱਜ ਤੋਂ ਕੈਨੇਡਾ ਕਾਰਬਨ ਰੇਟ 2024 ਦੀ ਪਹਿਲੀ ਕਿਸ਼ਤ ਟਰਾਂਸਫਰ ਕੀਤੀ ਜਾ ਰਹੀ ਹੈ।
ਅਲਬਰਟਾ, ਸਸਕੈਚਵਨ, ਮੈਨੀਟੋਬਾ, ਓਨਟਾਰੀਓ ਅਤੇ ਅਟਲਾਂਟਿਕ ਕੈਨੇਡਾ ਵਿਚ ਰਹਿਣ ਵਾਲੇ ਜਿਨ੍ਹਾਂ ਲੋਕਾਂ ਨੇ 15 ਮਾਰਚ ਤੱਕ 2023 ਦੀ ਰਿਟਰਨ ਫਾਈਲ ਕੀਤੀ ਹੈ ਉਨ੍ਹਾਂ ਨੂੰ ਪਹਿਲੀ ਕਿਸ਼ਤ ਅੱਜ ਮਿਲ ਰਹੀ ਹੈ, ਜਿਨ੍ਹਾਂ ਨੇ 15 ਮਾਰਚ ਤੋਂ ਆਪਣਾ ਟੈਕਸ ਫਾਈਲ ਕੀਤਾ ਹੈ ਉਨ੍ਹਾਂ ਨੂੰ ਆਪਣੀ ਪਹਿਲੀ ਕਿਸ਼ਤ 15 ਮਈ ਨੂੰ ਮਿਲੇਗੀ, ਜੋ ਲੋਕ ਅੱਜ ਤੋਂ ਬਾਅਦ ਟੈਕਸ ਫਾਈਲ ਕਰਨ ਵਾਲੇ ਹਨ ਉਨ੍ਹਾਂ ਨੂੰ ਕਾਰਬਨ ਰੇਟ ਲਈ ਜੂਨ ਜਾਂ ਜੁਲਾਈ ਤੱਕ ਇੰਤਜ਼ਾਰ ਕਰਨਾ ਹੋਵੇਗਾ। ਉਥੇ ਹੀ ਬੀ. ਸੀ. ਦਾ ਖੁਦ ਦਾ ਕਲਾਈਮੇਟ ਐਕਸ਼ਨ ਟੈਕਸ ਕ੍ਰੈਡਿਟ ਪ੍ਰੋਗਰਾਮ ਹੈ, ਜਿਨ੍ਹਾਂ ਨੂੰ ਜੁਲਾਈ ਤੋਂ ਵਧੀ ਹੋਈ ਪੇਮੈਂਟ ਮਿਲੇਗੀ।
ਕਾਰਬਨ ਰੇਟ ਪਰਿਵਾਰ ਦੇ ਸਾਈਜ਼ ਦੇ ਹਿਸਾਬ ਨਾਲ ਦਿੱਤੀ ਜਾਂਦੀ ਹੈ। ਅਲਬਰਟਾ ਦੇ ਇਸ ਪੇਮੈਂਟਸ ਲਈ ਯੋਗ 4 ਮੈਂਬਰ ਵਾਲੇ ਪਰਿਵਾਰਾਂ ਨੂੰ ਪਹਿਲੀ ਕਿਸ਼ਤ ਵਿਚ $450 ਮਿਲਣਗੇ ਅਤੇ ਇਸ ਸਾਲ ਕੁੱਲ 4 ਕਿਸ਼ਤਾਂ ਵਿਚ ਇਹ ਰਕਮ $1800 ਮਿਲੇਗੀ।
ਸੰਸਦੀ ਬਜਟ ਦਫਤਰ ਦਾ ਕਹਿਣਾ ਹੈ ਲਗਭਗ 80 ਫੀਸਦੀ ਕੈਨੇਡੀਅਨ ਰਿਬੇਟ ਵਿਚ ਉਸ ਤੋਂ ਵੱਧ ਰਕਮ ਵਾਪਸ ਪ੍ਰਾਪਤ ਕਰ ਰਹੇ ਹਨ ਜਿਨ੍ਹਾਂ ਉਹ ਕਾਰਬਨ ਟੈਕਸ ਵਿਚ ਭੁਗਤਾਨ ਕਰਦੇ ਹਨ। ਹਾਲਾਂਕਿ, ਆਰਥਿਕ ਪ੍ਰਭਾਵ ਕਾਰਨ ਸਮੇਂ ਦੇ ਨਾਲ ਕੁਝ ਕੈਨੇਡੀਅਨਾਂ ਲਈ ਇਹ ਲਾਭ ਨਾਮਾਤਰ ਸਾਬਤ ਹੋ ਸਕਦਾ ਹੈ।
