31.58C Vancouver 31.58C VancouverDec 16, 2020 2:19 AM -
ਬੀ.ਸੀ. 'ਚ ਅੱਜ ਕੋਵਿਡ-19 ਵੈਕਸੀਨ ਦੀ ਪਹਿਲੀ ਡੋਜ਼ ਪ੍ਰਦਾਨ ਕੀਤੀ ਗਈ ਹੈ।
ਇਹ ਡੋਜ਼ ਹਾਸਿਲ ਕਰਨ ਵਾਲੀ ਹੈਲਥ ਕੇਅਰ ਵਰਕਰ ਦਾ ਨਾਮ ਨਿਸ਼ਾ ਯੂਨਸ ਹੈ।
ਉਨ੍ਹਾਂ ਦੀ ਉਮਰ 64 ਸਾਲ ਹੈ।
ਨਿਸ਼ਾ ਯੂਨਸ 41 ਸਾਲ ਤੋਂ ਵੈਨਕੂਵਰ ਜਨਰਲ ਹਸਪਤਾਲ 'ਚ ਰੈਜ਼ੀਡੈਂਸ਼ੀਅਲ ਕੇਅਰ ਏਡ ਦਾ ਕੰਮ ਕਰਦੀ ਰਹੀ ਹਨ।
ਫਾਈਜ਼ਰ ਵੈਕਸੀਨ ਦੀ ਪਹਿਲੀ ਡੋਜ਼ ਹਾਸਿਲ ਕਰਨ ਤੋਂ ਬਾਅਦ ਉਨ੍ਹਾਂ ਕਿਹਾ ਕਿ ਉਹ ਬੇਹੱਦ ਮਾਣ ਮਹਿਸੂਸ ਕਰ ਰਹੀ ਹਨ।
ਉਨ੍ਹਾਂ ਕਿਹਾ ਕਿ ਸਭ ਤੋਂ ਪਹਿਲਾਂ ਇਹ ਵੈਕਸੀਨ ਹਾਸਿਲ ਕਰਨਾ ਇੱਕ ਸਹੂਲਤ ਅਤੇ ਇੱਕ ਸਨਮਾਨ ਵਾਲੀ ਗੱਲ ਹੈ।
ਵੈਕਸੀਨ ਦੀ ਪਹਿਲੀ ਡੋਜ਼ ਦਿੱਤੇ ਜਾਣ ਮੌਕੇ ਸੂਬੇ ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਵੀ ਮੌਕੇ 'ਤੇ ਮੌਜੂਦ ਰਹੀ।
ਡਾ. ਬੌਨੀ ਹੈਨਰੀ ਨੇ ਪਹਿਲੀ ਵੈਕਸੀਨੇਸ਼ਨ ਤੋਂ ਬਾਅਦ ਕਿਹਾ ਕਿ ਉਹ ਬੇਹੱਦ ਉਤਸ਼ਾਹਿਤ ਮਹਿਸੂਸ ਕਰ ਰਹੀ ਹਨ।
ਫਰੇਜ਼ਰ ਹੈਲਥ ਰਿਜਨ 'ਚ ਸਭ ਤੋਂ ਪਹਿਲਾਂ ਵੈਕਸੀਨ ਹਾਸਿਲ ਕਰਨ ਵਾਲੀ ਹੈਲਥ ਕੇਅਰ ਅਸਿਸਟੈਂਟ ਦਾ ਨਾਮ ਲਿੰਡਾ ਲਟੂਰ ਦੱਸਿਆ ਗਿਆ।
ਯਾਦ ਰਹੇ ਐਤਵਾਰ ਰਾਤ ਬੀ.ਸੀ. 'ਚ ਕੋਵਿਡ-19 ਵੈਕਸੀਨ ਦੇ 4,000 ਡੋਜ਼ ਪਹੁੰਚੇ ਹਨ।
ਬੀ.ਸੀ. 'ਚ ਹੈਲਥ ਕੇਅਰ ਵਰਕਰਾਂ ਅਤੇ ਲੌਂਗ ਟਰਮ ਕੇਅਰ ਹੋਮਸ ਦੇ ਰੈਜ਼ੀਡੈਂਟਸ ਨੂੰ ਪਹਿਲਾਂ ਵੈਕਸੀਨੇਟ ਕੀਤਾ ਜਾ ਰਿਹਾ ਹੈ।
