19.61C Vancouver 19.61C VancouverAug 15, 2025 6:51 PM - Connect Newsroom
ਬੀ. ਸੀ. ਦੇ ਸ਼ੀਸ਼ਾਲਹ ਫਰਸਟ ਨੇਸ਼ਨ ਨੇ ਸਾਬਕਾ ਰਿਹਾਇਸ਼ੀ ਸਕੂਲ ਨਾਲ ਸਬੰਧਤ ਜਗ੍ਹਾ 'ਤੇ 41 ਹੋਰ ਬਿਨਾਂ ਨਿਸ਼ਾਨ ਕਬਰਾਂ ਮਿਲਣ ਦਾ ਖੁਲਾਸਾ ਕੀਤਾ ਹੈ। ਇਨ੍ਹਾਂ ਦੀ ਖੋਜ ਪੇਨੇਟ੍ਰੇਟਿੰਗ ਰਾਡਾਰ ਦੀ ਮਦਦ ਨਾਲ ਕੀਤੀ ਗਈ ਹੈ। ਸੂਬੇ ਦੇ ਸਨਸ਼ਾਈਨ ਕੋਸਟ 'ਤੇ ਪੈਂਦੇ ਸ਼ੀਸ਼ਾਲਹ ਫਸਟ ਨੇਸ਼ਨ ਨੇ ਕਿਹਾ ਕਿ archeologists ਵਲੋਂ ਕੀਤੀ ਗਈ ਇਸ ਖੋਜ ਨਾਲ ਰਿਹਾਇਸ਼ੀ ਸਕੂਲਾਂ ਨਾਲ ਜੁੜੀਆਂ ਸ਼ੱਕੀ ਕਬਰਾਂ ਦੀ ਗਿਣਤੀ 81 ਹੋ ਗਈ ਹੈ। ਫਸਟ ਨੇਸ਼ਨ ਨੇ ਕਿਹਾ ਕਿ ਖੋਜਕਰਤਾਵਾਂ ਦੀ ਇੱਕ ਟੀਮ ਪਿਛਲੇ 18 ਮਹੀਨਿਆਂ ਤੋਂ ਸੇਂਟ ਆਗਸਟੀਨ ਰੈਜ਼ੀਡੈਂਸ਼ੀਅਲ ਸਕੂਲ ਸਾਈਟ 'ਤੇ ਜਾਂਚ ਕਰ ਰਹੀ ਹੈ ਅਤੇ survivors ਨਾਲ ਗੱਲਬਾਤ ਰਾਹੀਂ ਪਛਾਣੀਆਂ ਗਈਆਂ ਥਾਵਾਂ 'ਤੇ ਵੀ ਖੋਜ ਚੱਲ ਰਹੀ ਹੈ।
ਸ਼ੀਸ਼ਾਲਹ ਫਰਸਟ ਨੇਸ਼ਨ ਨੇ ਇਸ ਤੋਂ ਪਹਿਲਾਂ ਅਪ੍ਰੈਲ 2023 ਵਿਚ ਉਸ ਖੇਤਰ ਵਿਚ 40 ਕਬਰਾਂ ਮਿਲਣ ਦੀ ਘੋਸ਼ਣਾ ਕੀਤੀ ਸੀ। ਚੀਫ਼ ਲੇਨੋਰਾ ਜੋ ਨੇ ਬਿਆਨ ਵਿਚ ਕਿਹਾ ਕਿ ਸਾਡੇ ਲਈ ਲੇਟਸਟ ਖੋਜ ਹੈਰਾਨੀਜਨਕ ਨਹੀਂ ਹੈ ਕਿਉਂਕਿ ਸਾਡੇ ਕੋਲ ਹਮੇਸ਼ਾ ਕਾਫ਼ੀ ਸਬੂਤ ਸਨ।
ਗੌਰਤਲਬ ਹੈ ਕਿ 150 ਸਾਲਾਂ ਤੋਂ ਵੱਧ ਸਮਾਂ ਪਹਿਲਾਂ ਫਰਸਟ ਨੇਸ਼ਨ ਦੇ ਬੱਚਿਆਂ ਨੂੰ ਉਨ੍ਹਾਂ ਦੇ ਪਰਿਵਾਰਾਂ ਤੋਂ ਦੂਰ Residential ਸਕੂਲਾਂ ਵਿਚ ਪੜ੍ਹਨ ਲਈ ਲਿਜਾਇਆ ਜਾਂਦਾ ਸੀ। ਇਨ੍ਹਾਂ ਵਿਚ ਬਹੁਤ ਸਾਰੇ ਕਦੇ ਵਾਪਸ ਨਹੀਂ ਆਏ। ਇਸ ਲਈ ਉਨ੍ਹਾਂ ਦਾ ਪਤਾ ਲਾਉਣ ਲਈ ਸੰਭਾਵਤ ਕਬਰਾਂ ਦੀ ਖੋਜ ਕੀਤੀ ਜਾ ਰਹੀ ਹੈ।
