ਫਰਸਟ ਨੇਸ਼ਨਸ 'ਚ ਜ਼ਹਿਰੀਲੇ ਡਰੱਗਸ ਸੰਬੰਧੀ ਮੌਤਾਂ 'ਚ ਪੈਂਡੈਮਿਕ ਦੌਰਾਨ ਹੋਇਆ ਦੁੱਗਣਾ ਵਾਧਾ

ਬੀ.ਸੀ. ਦੇ ਫਰਸਟ ਨੇਸ਼ਨਸ ਹੈਲਥ ਅਥਾਰਿਟੀ ਦਾ ਕਹਿਣਾ ਹੈ ਕਿ ਸੂਬੇ 'ਚ ਬੀਤੇ ਸਾਲ ਹੋਈਆਂ ਡਰੱਗਸ ਸੰਬੰਧੀ ਮੌਤਾਂ 'ਚ 15% ਦਾ ਅੰਕੜਾ ਇੰਡੀਜਨਸ ਲੋਕਾਂ ਨਾਲ ਸੰਬੰਧਤ ਸੀ।

ਦੱਸਿਆ ਗਿਆ ਕਿ ਇਹ ਅੰਕੜਾ ਚਿੰਤਾ ਵਧਾਉਣ ਵਾਲਾ ਹੈ ਕਿਉਂਕਿ ਇੰਡੀਜਨਸ ਲੋਕ ਸੂਬੇ ਦੀ ਆਬਾਦੀ ਦਾ 3.3% ਹਿੱਸਾ ਹੀ ਦਰਸ਼ਾਉਂਦੇ ਹਨ।

ਡਿਪਟੀ ਚੀਫ਼ ਮੈਡਿਕਲ ਅਫ਼ਸਰ, ਡਾ. ਨੈਲ ਵੀਮਨ ਨੇ ਕਿਹਾ ਕਿ 254 ਇੰਡੀਜਨਸ ਲੋਕਾਂ ਨੇ ਬੀਤੇ ਸਾਲ ਜ਼ਹਿਰੀਲੇ ਡਰੱਗਸ ਕਾਰਨ ਜਾਨ ਗਵਾ ਦਿੱਤੀ।

ਇਸ ਨੂੰ ਸਾਲ 2019 ਦੇ ਮੁਕਾਬਲੇ ਕਰੀਬ 120% ਦਾ ਵਾਧਾ ਦੱਸਿਆ ਗਿਆ ਹੈ।

ਡਾ. ਵੀਮਨ ਨੇ ਕਿਹਾ ਕਿ ਮੌਤਾਂ ਦੀ ਦਰ 'ਚ ਕੋਵਿਡ-19 ਨੂੰ ਪਬਲਿਕ ਹੈਲਥ ਐਮਰਜੈਂਸੀ ਐਲਾਨੇ ਜਾਣ ਤੋਂ ਬਾਅਦ ਵਧੇਰੇ ਵਾਧਾ ਹੋਇਆ।

ਪੈਂਡੈਮਿਕ ਕਾਰਨ ਅਮਰੀਕਾ ਦੇ ਬਾਰਡਰ ਬੰਦ ਹੋ ਗਏ ਸਨ, ਜਿਸ ਕਾਰਨ ਕੁਝ ਅਧਿਕਾਰੀ ਦਸਦੇ ਹਨ ਕਿ ਡਰੱਗਸ ਪਹੁੰਚਣੇ ਬੰਦ ਹੋ ਗਏ ਅਤੇ ਲੋਕਲ ਪੱਧਰ 'ਤੇ ਵਧੇਰੇ ਜ਼ਹਿਰੀਲੇ ਡਰੱਗਸ ਦੀ ਸਪਲਾਈ ਹੋਣ ਲੱਗੀ।

ਫਰਸਟ ਨੇਸ਼ਨਸ ਹੈਲਥ ਅਥਾਰਿਟੀ ਦਾ ਟਵੀਟ:

First Nations Toxic Drug Deaths Doubled During the Pandemic in 2020: https://fnha.ca/about/news-and-events/news/first-nations-toxic-drug-deaths-doubled-during-the-pandemic-in-2020 #BCHC #HarmReduction