10.49C Vancouver 10.49C VancouverNov 24, 2020 4:38 PM -
ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ ਮੁੱਢਲੇ ਅੰਦਾਜ਼ੇ ਅਨੁਸਾਰ ਅਕਤੂਬਰ ਮਹੀਨੇ ਵਿੱਚ ਉਤਪਾਦਨ ਉਦਯੋਗ ਵਿੱਚ ਵਿਕਰੀ ਵਿੱਚ 0.6 ਫ਼ੀਸਦੀ ਵਾਧਾ ਦੇਖਣ ਨੂੰ ਮਿਲੇਗਾ।
ਏਜੰਸੀ ਦਾ ਕਹਿਣਾ ਹੈ ਕਿ ਇਹ ਵਾਧਾ ਪੈਟਰੋਲੀਅਮ ਅਤੇ ਕੋਲਾ ਉਤਪਾਦਾਂ, ਕਾਗਜ਼, ਪ੍ਰਾਇਮਰੀ ਧਾਤਾਂ ਅਤੇ ਲੱਕੜ ਉਤਪਾਦਾਂ ਦੇ ਉਦਯੋਗਾਂ ਵਿੱਚ ਵੱਧ ਵਿਕਰੀ ਕਾਰਨ ਹੋਇਆ ਹੈ।
ਸਿਤੰਬਰ ਮਹੀਨੇ ਵਿੱਚ $53.8 ਬਿਲੀਅਨ ਦੀ ਵਿਕਰੀ ਨਾਲ 1.5 ਫ਼ੀਸਦੀ ਦਾ ਵਾਧਾ ਦੇਖਣ ਨੂੰ ਮਿਲਿਆ।
ਸਟੈਟਿਸਟਿਕਸ ਕੈਨੇਡਾ ਅਨੁਸਾਰ ਅਕਤੂਬਰ ਦਾ ਡਾਟਾ ਇਕੱਠਾ ਕਰਨ ਦਾ ਸਿਲਸਿਲਾ ਫਿਲਹਾਲ ਜਾਰੀ ਹੈ ਅਤੇ ਮੁੱਢਲੀ ਜਾਣਕਾਰੀ ਵਿੱਚ ਨਿਯਮਤ ਮਾਸਿਕ ਰਿਲੀਜ਼ ਦੇ ਮੁਕਾਬਲੇ ਸੋਧ ਦੀ ਦਰ ਵੱਧ ਹੁੰਦੀ ਹੈ।
ਮੁੱਢਲੇ ਅਨੁਮਾਨ ਦੀ ਗਣਨਾ 57.8 ਫ਼ੀਸਦੀ ਦੇ ਪ੍ਰਤੀਕਰਮ ਦੇ ਅਧਾਰ ‘ਤੇ ਕੀਤੀ ਗਈ।
ਇਸ ਮੁਤਾਬਕ ਪਿੱਛਲੇ 12 ਮਹੀਨਿਆਂ ਦੌਰਾਨ ਸਰਵੇਖਣ ਦੇ ਪ੍ਰਤੀਕਰਮ ਦੀ ਅੰਤਮ ਦਰ 89.8 ਫ਼ੀਸਦੀ ਰਹੀ ਹੈ।
