ਵੈਸਟਜੈੱਟ ਨੈੱਟਵਰਕ ਸਮੱਸਿਆਵਾਂ ਕਾਰਨ ਉਡਾਣ ਵਿੱਚ ਦੇਰੀ ਦੀ ਕੀਤੀ ਗਈ ਰਿਪੋਰਟ

ਕੈਨੇਡਾ ਦੇ ਕਈ ਹਵਾਈ ਅੱਡਿਆਂ ਨੇ ਅੱਜ ਸਵੇਰ ਵੈਸਟਜੈੱਟ ਨਾਲ ਸਬੰਧਤ ਨੈੱਟਵਰਕ ਸਮੱਸਿਆਵਾਂ ਕਾਰਨ ਉਡਾਣਾਂ ਵਿਚ ਦੇਰੀ ਦਾ ਸਾਹਮਣਾ ਕੀਤਾ। ਪ੍ਰਭਾਵਿਤ ਹੋਣ ਵਾਲੇ ਹਵਾਈ ਅੱਡਿਆਂ ਵਿਚ ਔਟਵਾ ਇੰਟਰਨੈਸ਼ਨਲ ਏਅਰਪੋਰਟ, ਟੋਰਾਂਟੋ ਪੀਅਰਸਨ ਏਅਰਪੋਰਟ ਅਤੇ ਮਾਂਟਰੀਅਲ -ਟਰੂਡੋ ਇੰਟਰਨੈਸ਼ਨਲ ਏਅਰਪੋਰਟ ਵਰਗੇ ਪ੍ਰਮੁੱਖ ਹਵਾਈ ਅੱਡੇ ਵੀ ਸ਼ਾਮਲ ਸਨ।

ਇਸ ਘਟਨਾ ਕਾਰਨ ਆਉਣ ਵਾਲੀਆਂ ਅਤੇ ਜਾਣ ਵਾਲੀਆਂ ਦੋਵੇਂ ਤਰ੍ਹਾਂ ਦੀਆਂ ਉਡਾਣਾਂ ਵਿਚ ਦੇਰੀ ਹੋਈ ਅਤੇ ਕੁਝ ਨੂੰ ਰੱਦ ਵੀ ਕਰਨਾ ਪਿਆ, ਜਿਸ ਕਾਰਨ ਯਾਤਰੀ ਹਵਾਈ ਅੱਡਿਆਂ 'ਤੇ ਫਸ ਗਏ ਅਤੇ ਹਵਾਈ ਅੱਡੇ ਦੇ ਅਧਿਕਾਰੀਆਂ ਤੇ ਏਅਰਲਾਈਨ ਵਲੋਂ ਤੁਰੰਤ ਐਡਵਾਇਜ਼ਰੀ ਜਾਰੀ ਕੀਤੀਆਂ ਗਈਆਂ। ਦੇਰੀ ਤੋਂ ਪ੍ਰਭਾਵਿਤ ਯਾਤਰੀ ਵੈਸਟਜੈੱਟ ਵੈੱਬਸਾਈਟ ਜਾਂ ਕਸਟਮਰ ਸਪੋਰਟ ਲਾਈਨ ਰਾਹੀਂ ਕਲੇਮ ਦਾਇਰ ਕਰ ਸਕਦੇ ਹਨ।