21.01C Vancouver 21.01C VancouverApr 6, 2022 10:17 PM - Connect News
ਏਅਰ ਕੈਨੇਡਾ ਨੇ ਟੈਂਪਰੇਰੀ ਤੌਰ 'ਤੇ ਵੈਨਕੂਵਰ ਤੇ ਦਿੱਲੀ ਵਿਚਾਲੇ ਦੀਆਂ ਸਿੱਧੀਆਂ ਫਲਾਈਟਸ ਨੂੰ ਸਸਪੈਂਡ ਕਰ ਦਿੱਤਾ ਹੈ।
ਯੂਕਰੇਨ 'ਤੇ ਰੂਸ ਦੇ ਹਮਲੇ ਵਿਚਾਲੇ ਫਲਾਈਟ ਦੇ ਰਸਤੇ 'ਚ ਪਏ ਅੜਿੱਕੇ ਕਾਰਨ ਇਹ ਫੈਸਲਾ ਲਿਆ ਗਿਆ ਹੈ।
2 ਜੂਨ ਤੋਂ 6 ਸਿਤੰਬਰ ਤਕ ਲਈ ਇਹ ਫੈਸਲਾ ਲਾਗੂ ਰਵੇਗਾ।
ਰੂਸ ਅਤੇ ਯੂਕਰੇਨ ਦੀ ਏਅਰ-ਸਪੇਸ ਤੋਂ ਪਾਸੇ ਰਹਿਣ ਲਈ ਇਹ ਫਲਾਈਟਸ ਡਾਈਵਰਟ ਹੁੰਦੀਆਂ ਰਹੀਆਂ ਸਨ।
ਪਰ ਅਜਿਹਾ ਕਰਦੇ ਹੋਏ ਰਸਤਾ ਲੰਮਾ ਹੋਣ ਦਾ ਅਰਥ ਸੀ ਕਿ ਰੀਫਿਊਲਿੰਗ ਲਈ ਇੱਕ ਸਟੌਪ ਦੀ ਲੋੜ ਪੈਂਦੀ ਸੀ।
ਉਡਾਣ ਸੇਵਾ ਦਾ ਕਹਿਣਾ ਸੀ ਕਿ ਇਸੇ ਕਾਰਨ ਡਾਇਰੈਕਟ ਫਲਾਈਟਸ ਮੁਮਕਿਨ ਨਹੀਂ ਹਨ।
ਇਸ ਤੋਂ ਇਲਾਵਾ ਜਾਣਕਾਰੀ ਦਿੱਤੀ ਗਈ ਕਿ ਦੱਖਣ ਏਸ਼ੀਆ ਦੀ ਯਾਤਰਾ ਵਿਚਾਲੇ ਹਵਾਵਾਂ ਅਤੇ ਵੈਦਰ ਸਿਸਟਮ ਵੀ ਗਰਮੀ ਦੀ ਰੁੱਤ 'ਚ ਮੁਸ਼ਕਿਲ ਹੋ ਜਾਂਦਾ ਹੈ।
ਕੈਰੀਅਰ ਨੇ ਇਸ ਫੈਸਲੇ ਸੰਬੰਧੀ ਅੱਜ ਇੱਕ ਬਿਆਨ ਜਾਰੀ ਕੀਤਾ ਹੈ।
ਯਾਦ ਰਹੇ ਵੈਨਕੂਵਰ ਤੋਂ ਦਿੱਲੀ ਜਾਂਦੀ ਸਿੱਧੀ ਉਡਾਣ ਆਮ ਤੌਰ 'ਤੇ 15 ਕੁ ਘੰਟਿਆਂ 'ਚ ਦਿੱਲੀ ਪਹੁੰਚ ਜਾਂਦੀ ਸੀ।
ਇਸ ਸੇਵਾ ਨੂੰ ਚੀਨ ਜਾਂ ਯੂਰੋਪ ਰਾਹੀਂ ਜਾਂਦੀਆਂ ਫਲਾਈਟਸ ਮੁਕਾਬਲੇ ਕਾਫੀ ਘੱਟ ਸਮੇਂ ਵਾਲੀ ਦੱਸਿਆ ਜਾਂਦਾ ਸੀ।
