11.71C Vancouver 11.71C VancouverJul 16, 2021 8:45 PM -
ਫੋਰਡ ਮੋਟਰ ਕੰਪਨੀ ਵੱਲੋਂ 3 ਸੇਫਟੀ ਰੀਕਾਲਸ ਜਾਰੀ ਕੀਤੀਆਂ ਹਨ ਜਿਸ ਨਾਲ ਨੌਰਥ ਅਮਰੀਕਾ ਦੇ ਕਰੀਬ 850,000 ਵਾਹਨ ਪ੍ਰਭਾਵਿਤ ਹੋਏ ਹਨ।
ਇਸ 'ਚ ਕੈਨੇਡਾ ਦੇ ਕਰੀਬ 42,000 ਵਾਹਨ ਸ਼ਾਮਿਲ ਹਨ।
ਇਸ 'ਚ ਸਭ ਤੋਂ ਵੱਧ ਪ੍ਰਭਾਵਿਤ ਹੋਣ ਵਾਲੀਆਂ ਗੱਡੀਆਂ ਫੋਰਡ ਐਕਸਪਲੋਰਰ ਹਨ।
ਨੌਰਥ ਅਮਰੀਕਾ ਦੀਆਂ ਕੁੱਲ 775,000 ਦੇ ਕਰੀਬ ਐਕਸਪਲੋਰਰ ਗੱਡੀਆਂ ਰੀਕਾਲ ਨਾਲ ਪ੍ਰਭਾਵਿਤ ਹੋ ਰਹੀਆਂ ਹਨ।
ਇਸ 'ਚ ਕੈਨੇਡਾ ਦੀਆਂ 33,000 ਦੇ ਕਰੀਬ ਐਕਸਪਲੋਰਰ ਗੱਡੀਆਂ ਸ਼ਾਮਿਲ ਹਨ।
ਇਸ 'ਚ 2013 ਤੋਂ 2017 ਦੇ ਮਾਡਲ ਦੀਆਂ ਗੱਡੀਆਂ ਸ਼ਾਮਿਲ ਹਨ।
ਜਾਣਕਾਰੀ ਦਿੱਤੀ ਗਈ ਹੈ ਕਿ ਐਸ.ਯੂ.ਵੀ. ਗੱਡੀਆਂ 'ਚ 'ਸੀਜ਼ਡ ਕਰਾਸ-ਐਕਸਿਸ ਬਾਲ ਜਾਇੰਟ' ਦੀ ਪ੍ਰੇਸ਼ਾਨੀ ਆ ਸਕਦੀ ਹੈ।
ਇਸ ਦੇ ਨਾਲ ਸਟੇਅਰਿੰਗ ਕੰਟਰੋਲ 'ਤੇ ਅਸਰ ਪੈ ਸਕਦਾ ਹੈ ਜੋ ਕਿ ਕਰੈਸ਼ ਦਾ ਕਾਰਨ ਬਣ ਸਕਦਾ ਹੈ।
ਇਸ ਤੋਂ ਇਲਾਵਾ ਐਫ-350 ਸੁਪਰ ਡਿਊਟੀ ਵਾਹਨ ਸੰਬੰਧੀ ਵੀ ਰੀਕਾਲ ਕੀਤੀ ਗਈ ਹੈ ਜਿਸ ਤੋਂ ਕੈਨੇਡਾ ਦੇ 2020 ਅਤੇ 2021 ਮਾਡਲ ਦੇ 7,300 ਵਾਹਨ ਪ੍ਰਭਾਵਿਤ ਹੋਣਗੇ।
ਇਸ ਤੋਂ ਇਲਾਵਾ 2020 ਅਤੇ 2021 ਮਾਡਲ ਦੀਆਂ ਲਿੰਕਨ ਐਵੀਏਟਰ ਗੱਡੀਆਂ ਦੀ ਰੀਕਾਲ ਕੀਤੀ ਗਈ ਹੈ ਜਿਸ ਨਾਲ ਕੈਨੇਡਾ 'ਚ 2,600 ਦੇ ਕਰੀਬ ਵਾਹਨ ਸ਼ਾਮਿਲ ਹੋਣਗੇ।
