17.42C Vancouver 17.42C VancouverFeb 10, 2021 6:20 PM -
ਬੀ.ਸੀ. ਦੇ ਕਈ ਹਿੱਸਿਆਂ 'ਚ ਬਰਫਬਾਰੀ ਸੰਬੰਧੀ ਚੇਤਾਵਨੀ ਜਾਰੀ ਕੀਤੀ ਗਈ ਹੈ।
ਐਨਵਾਇਰਨਮੈਂਟ ਕੈਨੇਡਾ ਦਾ ਕਹਿਣਾ ਹੈ ਕਿ ਵੈਨਕੂਵਰ ਆਈਲੈਂਡ ਦੇ ਇਲਾਕੇ 'ਚ ਕੋਰਟਨੀ ਅਤੇ ਕੈਂਪਬੈਲ ਰਿਵਰ ਦੇ ਇਲਾਕਿਆਂ 'ਚ 5cm ਤਕ ਬਰਫਬਾਰੀ ਹੋ ਸਕਦੀ ਹੈ।
ਸਨਸ਼ਾਈਨ ਕੋਸਟ 'ਤੇ ਵੀ ਇਸੇ ਪ੍ਰਕਾਰ ਦੀ ਬਰਫਬਾਰੀ ਦਾ ਅਨੁਮਾਨ ਹੈ।
ਮੌਸਮ ਸੰਬੰਧੀ ਏਜੈਂਸੀ ਦਾ ਕਹਿਣਾ ਹੈ ਕਿ ਤੇਜ਼ੀ ਨਾਲ ਇਕੱਠੀ ਹੁੰਦੀ ਬਰਫ ਕਾਰਨ ਕੁਝ ਇਲਾਕਿਆਂ 'ਚ ਆਵਾਜਾਈ 'ਚ ਦਿੱਕਤਾਂ ਖੜੀਆਂ ਹੋ ਸਕਦੀਆਂ ਹਨ।
ਹਾਲਾਂਕਿ ਜਾਣਕਾਰੀ ਦਿੱਤੀ ਗਈ ਕਿ ਵੀਰਵਾਰ ਤਕ ਇਹਨਾਂ ਪਰਿਸਥਿਤੀਆਂ 'ਚ ਸੁਧਾਰ ਹੋ ਜਾਵੇਗਾ।
ਬੀ.ਸੀ. ਦੇ ਉੱਤਰਪੂਰਬੀ ਇਲਾਕਿਆਂ ਤੋਂ ਦੱਖਣ ਦੇ ਇਲਾਕਿਆਂ 'ਚ ਅਮਰੀਕਾ ਦੇ ਬਾਰਡਰ ਤਕ ਜ਼ਬਰਦਸਤ ਠੰਡ ਸੰਬੰਧੀ ਸਪੈਸ਼ਲ ਵੈਦਰ ਸਟੇਟਮੈਂਟਸ ਵੀ ਜਾਰੀ ਕੀਤੀਆਂ ਗਈਆਂ ਹਨ।
ਵਿਕਟੋਰੀਆ ਅਤੇ ਮੈਟਰੋ ਵੈਨਕੂਵਰ 'ਚ ਕੁਝ ਹਿੱਸਿਆਂ ਬਾਰੇ ਦੱਸਿਆ ਗਿਆ ਹੈ ਕਿ ਠੰਡ ਇੰਨੀ ਵਧ ਸਕਦੀ ਹੈ ਕਿ ਇਹ -25 ਡਿਗਰੀ ਜਿਹੇ ਤਾਪਮਾਨ ਜਿਹੀ ਮਹਿਸੂਸ ਹੋ ਸਕਦੀ ਹੈ।
