14C Vancouver 14C VancouverApr 7, 2021 1:40 AM -
ਬੀ.ਸੀ. 'ਚ ਮਨੀ-ਲੌਂਡ੍ਰਿੰਗ ਇੰਕਵਾਇਰੀ 'ਤੇ ਬਿਠਾਏ ਗਏ ਕਮਿਸ਼ਨ ਵੱਲੋਂ ਕਈ ਸਾਬਕਾ ਅਤੇ ਮੌਜੂਦਾ ਕੈਬਿਨੇਟ ਮੰਤਰੀਆਂ ਨੂੰ ਆਪਣੀ ਗਵਾਹਾਂ ਦੀ ਸੂਚੀ 'ਚ ਸ਼ਾਮਿਲ ਕੀਤਾ ਜਾ ਰਿਹਾ ਹੈ।
ਆਪਣੀ ਵੈਬਸਾਈਟ 'ਤੇ ਕੁਲਨ ਕਮਿਸ਼ਨ ਨੇ ਸਾਬਕਾ ਪ੍ਰੀਮਿਅਰ ਕ੍ਰਿਸਟੀ ਕਲਾਰਕ ਨੂੰ ਵੀ ਉਸ ਸੂਚੀ 'ਚ ਸ਼ਾਮਿਲ ਕੀਤਾ ਹੈ, ਜਿੰਨਾ ਦੀ ਗਵਾਹੀ ਇਸੇ ਮਹੀਨੇ ਦੇ ਅੰਤ 'ਚ ਹੋਵੇਗੀ।
ਸਾਬਕਾ ਲਿਬਰਲ ਕੈਬਿਨੇਟ ਮੰਤਰੀ ਰਿਚ ਕੋਲਮੈਨ, ਮਾਈਕਲ ਡੀ ਜੌਂਗ ਅਤੇ ਕੈਸ਼ ਹੀਡ ਨੂੰ ਵੀ ਟੈਸਟੀਫਾਈ ਕਰਨ ਵਾਲਿਆਂ 'ਚ ਸ਼ਾਮਿਲ ਕੀਤਾ ਗਿਆ ਹੈ।
ਲਿਬਰਲ ਪਾਰਟੀ ਦੀ ਮੌਜੂਦਾ ਅੰਤ੍ਰਿਮ ਲੀਡਰ, ਸ਼ਰਲੀ ਬੌਂਡ ਨੂੰ ਵੀ ਟੈਸਟੀਫਾਈ ਕਰਨ ਲਈ ਕਿਹਾ ਗਿਆ ਹੈ।
ਕਮਿਸ਼ਨ ਦਾ ਕਹਿਣਾ ਹੈ ਕਿ ਅਟੌਰਨੀ ਜਨਰਲ ਡੇਵਿਡ ਇਬੀ ਵੀ ਗਵਾਹੀ ਦੇਣਗੇ।
ਇਹਨਾਂ ਦੇ 19 ਅਪ੍ਰੈਲ ਤੋਂ 30 ਅਪ੍ਰੈਲ ਵਿਚਾਲੇ ਟੈਸਟੀਫਾਈ ਕਰਨ ਦੀ ਸੰਭਾਵਨਾ ਹੈ।
ਯਾਦ ਰਹੇ ਬੀ.ਸੀ. ਸਰਕਾਰ ਨੇ ਸਾਲ 2019 'ਚ ਸੁਪ੍ਰੀਮ ਕੋਰਟ ਜਸਟਿਸ ਔਸਟਿਨ ਕੁਲਨ ਨੂੰ ਮਨੀ ਲੌਂਡ੍ਰਿੰਗ ਮਾਮਲੇ 'ਚ ਪਬਲਿਕ ਇੰਕਵਾਇਰੀ ਦੀ ਅਗਵਾਈ ਕਰਨ ਦੀ ਜ਼ਿੰਮੇਵਾਰੀ ਸੌਂਪੀ ਸੀ।
