ਸਾਬਕਾ ਮੁੱਖ ਮੰਤਰੀ ਚਰਨਜੀਤ ਚੰਨੀ ਨੇ ਜਲੰਧਰ ’ਚ ਕੋਠੀ ਕਿਰਾਏ ’ਤੇ ਲਈ

ਚੰਨੀ ਦੀ ਉਮੀਦਵਾਰੀ ਪੱਕੀ, ਐਲਾਨ ਹੋਣਾ ਬਾਕੀ! ਚੋਣ ਪ੍ਰਚਾਰ ਲਈ ਜਲੰਧਰ ’ਚ ਕਿਰਾਏ ’ਤੇ ਲਿਆ ਘਰ ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਜਲੰਧਰ ਵਿਚ ਸਰਗਰਮ ਹੋ ਗਏ ਹਨ, ਜਿੱਥੋਂ ਉਨ੍ਹਾਂ ਨੂੰ ਪਾਰਟੀ ਵਲੋਂ ਲੋਕ ਸਭਾ ਚੋਣਾਂ ਲਈ ਉਮੀਦਵਾਰ ਬਣਾਏ ਜਾਣ ਦੀ ਚਰਚਾ ਹੈ।

ਉਥੇ ਹੀ ਚੰਨੀ ਨੇ ਆਪਣੇ ਚੋਣ ਪ੍ਰਚਾਰ ਲਈ ਜਲੰਧਰ ਦੇ ਮਾਡਲ ਟਾਊਨ ਦੇ ਨਾਲ ਲੱਗਦੇ ਸ੍ਰੀ ਗੁਰੂ ਤੇਗ ਬਹਾਦਰ ਨਗਰ ਵਿਚ ਕਿਰਾਏ ’ਤੇ ਮਕਾਨ ਲਿਆ ਹੈ। ਇਸ ਗੱਲ ਦੀ ਪੁਸ਼ਟੀ ਘਰ ਦੇ ਮਾਲਕ ਨੇ ਕੀਤੀ ਹੈ। ਇਸ ਤੋਂ ਸਾਫ਼ ਹੈ ਕਿ ਚੰਨੀ ਨੂੰ ਟਿਕਟ ਮਿਲਣ ਦਾ ਭਰੋਸਾ ਹੈ।

2023 ਵਿਚ ਜਲੰਧਰ ਤੋਂ ਉਸ ਸਮੇਂ ਦੇ ਸੰਸਦ ਮੈਂਬਰ ਸੰਤੋਖ ਚੌਧਰੀ ਦੇ ਦਿਹਾਂਤ ਤੋਂ ਬਾਅਦ ਵੀ ਚਰਨਜੀਤ ਚੰਨੀ ਨੂੰ ਉੱਪ ਚੋਣ ਲਈ ਟਿਕਟ ਦੇਣ ਦੀ ਚਰਚਾ ਚੱਲੀ ਸੀ ਪਰ ਕਾਂਗਰਸ ਨੇ ਸੰਤੋਖ ਚੌਧਰੀ ਦੀ ਪਤਨੀ ਨੂੰ ਮੈਦਾਨ ਵਿਚ ਉਤਾਰਿਆ ਸੀ ਜੋ ਉਸ ਸਮੇਂ ‘ਆਪ’ ਵਿਚ ਗਏ ਸੁਸ਼ੀਲ ਰਿੰਕੂ ਤੋਂ ਹਾਰ ਗਈ ਸੀ।