ਐਨ.ਡੀ.ਪੀ. 'ਚ ਬਦਲਾਅ ਲਿਆਉਣ ਲਈ ਸਾਬਕਾ ਵਿਧਾਇਕਾਂ ਨੇ ਸ਼ੁਰੂ ਕੀਤਾ ਪ੍ਰਾਜੈਕਟ

ਐਨ.ਡੀ.ਪੀ. ਦੇ ਦੋ ਸਾਬਕਾ ਵਿਧਾਇਕ ਪੀਟਰ ਜੂਲੀਅਨ ਅਤੇ ਮੈਥਿਊ ਗ੍ਰੀਨ ਨੇ ਅਪ੍ਰੈਲ ਵਿੱਚ ਚੋਣਾਂ ਹਾਰਨ ਤੋਂ ਬਾਅਦ ਹੁਣ ਲੀਡਰਸ਼ਿਪ ਦੀ ਦੌੜ ਤੋਂ ਪਹਿਲਾਂ ਪਾਰਟੀ ਨੂੰ ਰੀਨਿਊ ਕਰਨ ਲਈ ਯਤਨ ਸ਼ੁਰੂ ਕਰ ਦਿੱਤੇ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਪਾਰਟੀ ਦੀ ਹਾਰ ਤੋਂ ਬਾਅਦ ਉਹ ਸਵੈ-ਇੱਛਾ ਨਾਲ ਦੇਸ਼ ਭਰ ਦੇ ਪਾਰਟੀ ਮੈਂਬਰਾਂ ਨਾਲ ਜੁੜਨ ਲਈ ਕੋਸ਼ਿਸ਼ ਕਰਨਗੇ।

ਐਨ.ਡੀ.ਪੀ. ਨੇ ਅਪ੍ਰੈਲ ਵਿੱਚ ਸਿਰਫ ਸੱਤ ਸੀਟਾਂ ਜਿੱਤੀਆਂ ਸਨ, ਇਸ ਹਾਰ ਤੋਂ ਬਾਅਦ ਜਗਮੀਤ ਸਿੰਘ ਵੱਲੋਂ ਵੀ ਅਸਤੀਫਾ ਦੇ ਦਿੱਤਾ ਗਿਆ ਸੀ। ਹੁਣ ਪਾਰਟੀ ਵਿਨੀਪੈੱਗ ਵਿੱਚ ਹੋਣ ਵਾਲੇ ਸੰਮੇਲਨ ਵਿੱਚ ਆਪਣਾ ਅਗਲਾ ਨੇਤਾ ਚੁਣਨ ਲਈ ਤਿਆਰ ਹੈ ।

ਦੋਵੇਂ ਮੈਂਬਰਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਪਾਰਟੀ ਆਪਣੇ ਮੈਂਬਰਾਂ ਨੂੰ ਫਿਰ ਤੋਂ ਜੋੜਨ ਲਈ ਛੇ ਮਹੀਨੇ ਹੋਰ ਇੰਤਜ਼ਾਰ ਨਹੀਂ ਕਰ ਸਕਦੀ । ਉਹ ਪਾਰਟੀ ਦੇ ਭਵਿੱਖ ਨੂੰ ਚਾਰਟ ਕਰਨ ਲਈ ਯਤਨਸ਼ੀਲ ਹਨ। ਪੀਟਰ ਜੂਲੀਅਨ ਦਾ ਕਹਿਣਾ ਹੈ ਕਿ ਚੋਣਾਂ ਤੋਂ ਬਾਅਦ ਉਨ੍ਹਾਂ ਨੇ ਨਿਊ ਡੈਮੋਕ੍ਰੇਟਿਕਸ ਤੋਂ ਸੁਣਿਆ ਸੀ ਕਿ ਵੋਟਰ ਲਿਬਰਲਜ਼ ਨੂੰ ਸਮਰਥਨ ਦੇ ਕੇ ਪਛਤਾਵਾ ਮਹਿਸੂਸ ਕਰ ਰਹੇ ਹਨ ।