15.87C Vancouver 15.87C VancouverJan 27, 2022 8:26 PM - The Canadian Press
ਵੈਨਕੂਵਰ ਕਨੱਕਸ ਦੇ ਸਾਬਕਾ ਫਾਰਵਰਡ ਖਿਡਾਰੀ ਜੇਕ ਵਰਟਾਨੇਨ 'ਤੇ ਜਿਨਸੀ ਹਮਲੇ ਦੇ ਦੋਸ਼ ਲੱਗੇ ਹਨ।
ਪੁਲਿਸ ਜਾਂਚ ਤੋਂ ਬਾਅਦ ਇਹ ਦੋਸ਼ ਤੈਅ ਕੀਤੇ ਗਏ ਹਨ।
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਬੀ.ਸੀ. ਪ੍ਰਾਸੀਕਿਊਸ਼ਨ ਸਰਵਿਸ ਵੱਲੋਂ ਜਿਨਸੀ ਹਮਲੇ ਦਾ ਇੱਕ ਦੋਸ਼ ਤੈਅ ਕੀਤਾ ਗਿਆ ਹੈ।
26 ਸਿਤੰਬਰ 2017 ਦੀ ਕਥਿਤ ਘਟਨਾ ਦੇ ਮਾਮਲੇ 'ਚ 25 ਸਾਲਾ ਜੇਕ ਵਰਟਾਨੇਨ 'ਤੇ ਦੋਸ਼ ਲੱਗੇ ਹਨ।
ਉਸ ਵੇਲੇ ਜੇਕ ਵਰਟਾਨੇਨ ਕਨੱਕਸ ਦੀ ਟੀਮ ਦਾ ਹਿੱਸਾ ਸਨ।
ਪੁਲਿਸ ਨੇ ਮਾਮਲੇ 'ਚ ਜਾਂਚ ਬੀਤੇ ਸਾਲ ਸ਼ੁਰੂ ਕੀਤੀ ਸੀ ਜਦ ਇੱਕ 23 ਸਾਲਾ ਔਰਤ ਨੇ ਸ਼ਿਕਾਇਤ ਦਰਜ ਕਰਵਾਈ ਸੀ।
ਪੁਲਿਸ ਨੇ ਇਹ ਵੀ ਦੱਸਿਆ ਕਿ ਵਰਟਾਨੇਨ ਫਿਲਹਾਲ ਰੂਸ ਦੀ ਲੀਗ ਕੇ.ਐਚ.ਐਲ. 'ਚ ਸਪਾਰਟੈਕ ਮਾਸਕੋ ਲਈ ਖੇਡ ਰਿਹਾ ਹੈ ਅਤੇ ਫਿਲਹਾਲ ਉਹ ਹਿਰਾਸਤ 'ਚ ਨਹੀਂ ਹੈ।
ਵੈਨਕੂਵਰ ਕਨੱਕਸ ਲਈ 317 ਰੈਗੂਲਰ ਸੀਜਨਸ ਗੇਮਸ ਦੌਰਾਨ ਇਸ ਖਿਡਾਰੀ ਨੇ 55 ਗੋਲ ਅਤੇ 100 ਪਾਇੰਟਸ ਜੁਟਾਏ ਸਨ।
ਕਥਿਤ ਇਲਜਾਮਾਂ ਤੋਂ ਬਾਅਦ ਕਨੱਕਸ ਵੱਲੋਂ ਐਬਟਸਫੋਰਡ ਤੋਂ ਵਾਸਤਾ ਰੱਖਣ ਵਾਲੇ ਇਸ ਖਿਡਾਰੀ ਨੂੰ ਮਈ 2021 'ਚ ਲੀਵ 'ਤੇ ਭੇਜ ਦਿੱਤਾ ਗਿਆ ਸੀ।
ਇਸ ਤੋਂ ਅਗਲੇ ਮਹੀਨੇ ਉਸ ਦਾ ਕੰਟਰੈਕਟ ਖਤਮ ਹੋ ਗਿਆ ਸੀ।
