13.96C Vancouver 13.96C VancouverMar 28, 2024 2:38 PM - The Canadian Press
ਓਨਟਾਰੀਓ ਦੇ 4 ਸਕੂਲ ਬੋਰਡ ਨੇ ਫੇਸਬੁੱਕ, ਇੰਸਟਾਗ੍ਰਾਮ, ਸਨੈਪਚੈੱਟ ਅਤੇ ਟਿਕ-ਟਾਕ ’ਤੇ ਸਟੂਡੈਂਟਸ ਦੇ ਪੜ੍ਹਾਈ ਵਿਚ ਵਿਘਨ ਪਾਉਣ ਦਾ ਦੋਸ਼ ਲਗਾਉਂਦੇ ਹੋਏ $4.5 ਬਿਲੀਅਨ ਹਰਜਾਨੇ ਦੀ ਮੰਗ ਲਈ ਕਾਨੂੰਨੀ ਕਾਰਵਾਈ ਸ਼ੁਰੂ ਕੀਤੀ ਹੈ।
ਟੋਰਾਂਟੋ ਡਿਸਟ੍ਰਿਕਟ ਸਕੂਲ ਬੋਰਡ ਦੇ ਮੁਖੀ ਰਾਚੇਲ ਚੈਰਨੋਸ ਨੇ ਕਿਹਾ ਕਿ ਸੋਸ਼ਲ ਮੀਡੀਆ ਕੰਪਨੀਆਂ ਨੇ ਜਾਣਬੁੱਝ ਕੇ ਅਜਿਹੇ ਉਤਪਾਦ ਬਣਾਏ ਹਨ ਜਿਸ ਦੇ ਬੱਚੇ ਆਦੀ ਹੋ ਰਹੇ ਹਨ। ਇਸ ਲਈ ਉਹਨਾਂ ਨੂੰ ਜਵਾਬਦੇਹ ਠਹਿਰਾਉਣ ਦੀ ਲੋੜ ਹੈ।
ਸਕੂਲਜ਼ ਫੌਰ ਸੋਸ਼ਲ ਮੀਡੀਆ ਚੇਂਜ ਨਾਮ ਨਾਲ ਬਣੇ ਨਵੇਂ ਗਰੁੱਪ ਨੇ ਕਿਹਾ ਕਿ ਸਟੂਡੈਂਟਸ ਵਿਚ ਸੋਸ਼ਲ ਮੀਡੀਆ ਦੀ ਜ਼ਿਆਦਾ ਵਰਤੋਂ ਸਕੂਲ ਬੋਰਡ ਦੇ ਸੀਮਿਤ ਸਰੋਤਾਂ ’ਤੇ ਭਾਰੀ ਦਬਾਅ ਪੈਦਾ ਕਰ ਰਹੀ ਹੈ, ਬੱਚੇ ਮਾਨਸਿਕ ਸਿਹਤ ਸੰਕਟ ਦਾ ਸ਼ਿਕਾਰ ਹੋ ਰਹੇ ਹਨ ਅਤੇ ਸਕੂਲਾਂ ਨੂੰ ਵਧੇਰੇ ਸਟਾਫ ਦੀ ਲੋੜ ਪੈ ਰਹੀ ਹੈ ਜਿਸ ਨਾਲ ਖ਼ਰਚ ਵੱਧ ਰਹੇ ਹਨ। ਇਹਨਾਂ ਭਾਰੀ ਖਰਚਿਆਂ ਦੇ ਮੱਦੇਨਜ਼ਰ ਸਕੂਲ ਬੋਰਡਜ਼ ਨੇ ਸੋਸ਼ਲ ਮੀਡੀਆ ਦਿੱਗਜਾਂ ਤੋਂ ਹਰਜ਼ਾਨੇ ਲਈ ਕਾਨੂੰਨੀ ਕਾਰਵਾਈ ਆਰੰਭੀ ਹੈ।
