9.72C Vancouver 9.72C VancouverDec 5, 2024 6:10 PM - The Canadian Press
ਫਰਾਂਸ ਵਿਚ ਤਿੰਨ ਮਹੀਨੇ ਪਹਿਲਾਂ ਬਣੀ ਪ੍ਰਧਾਨ ਮੰਤਰੀ ਮਿਸ਼ੇਲ ਬਾਰਨੀਅਰ ਦੀ ਸਰਕਾਰ ਬੁੱਧਵਾਰ ਡਿੱਗ ਗਈ। ਫਰਾਂਸ ਦੇ 62 ਸਾਲ ਦੇ ਇਤਿਹਾਸ ਵਿਚ ਇਹ ਪਹਿਲੀ ਵਾਰ ਹੋਇਆ ਹੈ, ਜਦੋਂ ਸੰਸਦ ਵਿਚ ਬੇਭਰੋਸਗੀ ਮਤੇ ਜ਼ਰੀਏ ਕਿਸੇ ਪ੍ਰਧਾਨ ਮੰਤਰੀ ਨੂੰ ਸੱਤਾ ਗੁਆਉਣੀ ਪਈ ਹੈ। ਇਸ ਮਤੇ ਦੇ ਸਮਰਥਨ ਵਿਚ 331 ਵੋਟ ਪਏ, ਜਦੋਂ ਕਿ ਇਸ ਲਈ 288 ਵੋਟ ਹੀ ਕਾਫੀ ਸਨ।
ਬਾਰਨੀਅਰ ਨੂੰ ਫਰਾਂਸ ਦੇ ਇਤਿਹਾਸ ਵਿਚ ਸਭ ਤੋਂ ਘੱਟ ਦਿਨਾਂ ਤੱਕ ਸਰਕਾਰ ਚਲਾਉਣ ਵਾਲੇ ਪ੍ਰਧਾਨ ਮੰਤਰੀ ਮੰਨਿਆ ਜਾਵੇਗਾ। ਉਨ੍ਹਾਂ ਹਾਲ ਹੀ ਵਿਚ ਬਜਟ ਕੀਤਾ ਸੀ, ਜਿਸ ਵਿਚ ਉਨ੍ਹਾਂ ਨੇ ਟੈਕਸ ਵਧਾਉਣ ਦਾ ਫੈਸਲਾ ਲਿਆ ਅਤੇ ਬਿਨਾਂ ਵੋਟਿੰਗ ਦੇ ਹੀ ਇਸ ਨੂੰ ਪਾਸ ਕਰਵਾ ਕੇ ਲਾਗੂ ਕਰ ਦਿੱਤਾ ਸੀ। ਇਸ ਦੇ ਵਿਰੋਧ ਵਿਚ ਨਵਾਂ ਪ੍ਰਸਿੱਧ ਫਰੰਸ ਅਤੇ ਨੈਸ਼ਨਲ ਰੈਲੀ ਪਾਰਟੀ ਇਕਜੁੱਟ ਹੋਏ ਅਤੇ ਬਾਰਨੀਅਰ ਖਿਲਾਫ ਬੇਭਰੋਸਗੀ ਮਤਾ ਲਿਆਂਦਾ ਜੋ ਪਾਸ ਹੋ ਗਿਆ।
ਫਰਾਂਸ ਦੇ ਸੰਵਿਧਾਨ ਅਨੁਸਾਰ, ਬਾਰਨੀਅਰ ਦੇ ਅਸਤੀਫੇ ਤੋਂ ਬਾਅਦ, ਰਾਸ਼ਟਰਪਤੀ ਮੈਕਰੋਨ ਨੂੰ ਨਵਾਂ ਪ੍ਰਧਾਨ ਮੰਤਰੀ ਨਿਯੁਕਤ ਕਰਨਾ ਹੋਵੇਗਾ ਕਿਉਂਕਿ ਫਰਾਂਸ ਵਿਚ ਜੁਲਾਈ ਵਿਚ ਹੀ ਚੋਣਾਂ ਹੋਈਆਂ ਸਨ ਅਤੇ ਜੁਲਾਈ 2025 ਤੋਂ ਪਹਿਲਾਂ ਇਲੈਕਸ਼ਨ ਨਹੀਂ ਹੋ ਸਕਦੇ।
