21.24C Vancouver 21.24C VancouverApr 6, 2022 9:36 PM - Connect News
ਫਰੇਜ਼ਰ ਵੈਲੀ ਦੇ ਪਹਿਲੇ 'ਬੈਚਲਰ ਆਫ ਹਾਸਪੀਟੈਲਿਟੀ ਮੈਨੇਜਮੈਂਟ ਡਿਗਰੀ ਪ੍ਰੋਗਰਾਮ' ਦਾ ਐਲਾਨ ਕੀਤਾ ਗਿਆ ਹੈ।
ਬੀ.ਸੀ. ਦੇ ਵੈਸਟਰਨ ਕਮਿਊਨਿਟੀ ਕਾਲਿਜ ਨੇ ਜਾਣਕਾਰੀ ਦਿੱਤੀ ਹੈ ਕਿ ਕਾਲਿਜ ਨੂੰ ਹਾਲ 'ਚ ਇਸ ਪ੍ਰੋਗਰਾਮ ਲਈ 'ਮਿਨਿਸਟਰੀ ਆਫ ਐਡਵਾਂਸਡ ਐਜੂਕੇਸ਼ਨ ਐਂਡ ਸਕਿਲਸ ਟਰੇਨਿੰਗ ਨੇ ਹਾਮੀ ਭਰ ਦਿੱਤੀ ਹੈ।
ਵੈਸਟਰਨ ਕਮਿਊਨਿਟੀ ਕਾਲਿਜ ਦਾ ਕਹਿਣਾ ਹੈ ਕਿ ਬੀਤੇ 10 ਸਾਲ 'ਚ ਆਊਟਕਮ-ਬੇਸਡ ਕਰੀਅਰ ਪ੍ਰੋਗਰਾਮਸ ਤੋਂ 7,000 ਤੋਂ ਵਧੇਰੇ ਵਿਦਿਆਰਥੀ ਗ੍ਰੈਜੂਏਟ ਹੋਏ ਹਨ।
ਇਸ 'ਚ 97% ਤੋਂ ਵਧੇਰੇ ਆਪਣੀ ਚਾਇਸ ਦੇ ਕਰੀਅਰ 'ਚ ਐਂਪਲਾਇਮੈਂਟ ਲੱਭਣ 'ਚ ਕਾਮਯਾਬ ਰਹੇ। ਕਾਲਿਜ ਦਾ ਮੰਨਣਾ ਹੈ ਕਿ ਇਸ ਨਵੇਂ ਪ੍ਰੋਗਰਾਮ ਨੂੰ ਸੂਬੇ ਦੀਆਂ ਸਭ ਤੋਂ ਰਫਤਾਰ ਨਾਲ ਵਧਦੀਆਂ ਇੰਡਸਟਰੀਆਂ ਦੀਆਂ ਲੋੜਾਂ ਅਨੁਸਾਰ ਡਿਜ਼ਾਈਨ ਕੀਤਾ ਗਿਆ ਹੈ।
ਪ੍ਰੋਗਰਾਮ ਬਾਰੇ ਦੱਸਿਆ ਗਿਆ ਕਿ ਇਸ ਨਾਲ ਵਿਦਿਆਰਥੀਆਂ ਨੂੰ ਮੌਕਾ ਮਿਲੇਗਾ ਕਿ ਅੰਡਰਗਰੈਜੂਏਟ ਡਿਗਰੀ ਨੂੰ ਪੂਰਾ ਕੀਤਾ ਜਾ ਸਕੇ ਅਤੇ ਐਪਲੀਕੈਂਟਸ ਨੂੰ ਡਿਗਰੀ ਕੰਪਲੀਸ਼ਨ ਦੇ ਰਸਤੇ 'ਤੇ ਅੱਗੇ ਵਧਾਇਆ ਜਾ ਸਕੇ।
ਸਰੀ ਬੋਰਡ ਆਫ ਟਰੇਡ ਦੀ ਪ੍ਰਧਾਨ ਅਨੀਤਾ ਹੁਬਰਮੈਨ ਨੇ ਕਾਲਿਜ ਦੇ ਇਸ ਪ੍ਰੋਗਰਾਮ ਨੂੰ ਬੀ.ਸੀ. ਸਰਕਾਰ ਦੀ ਮਨਜ਼ੂਰੀ ਮਿਲਣ 'ਤੇ ਵਧਾਈ ਦਿੱਤੀ ਹੈ।
