13.38C Vancouver 13.38C VancouverApr 9, 2024 6:18 PM -
ਕੈਨੇਡਾ ਸਰਕਾਰ ਵਲੋਂ ਆਗਾਮੀ ਬਜਟ ਵਿਚ ਅਮੀਰ ਕੈਨੇਡੀਅਨਾਂ ਜਾਂ ਕਾਰਪੋਰੇਟ ’ਤੇ ਨਵੇਂ ਟੈਕਸ ਦੀ ਘੋਸ਼ਣਾ ਕੀਤੀ ਜਾ ਸਕਦੀ ਹੈ। ਵਿੱਤ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਨੇ ਕਿਹਾ ਹੈ ਕਿ ਆਉਣ ਵਾਲੇ ਫੈਡਰਲ ਬਜਟ ਵਿਚ ਮਿਡਲ ਕਲਾਸ ’ਤੇ ਟੈਕਸ ਨਹੀਂ ਵਧਣ ਜਾ ਰਿਹਾ ਪਰ ਉਨ੍ਹਾਂ ਅਮੀਰ ਕੈਨੇਡੀਅਨ ਜਾਂ ਕਾਰਪੋਰੇਟ ਕੈਨੇਡਾ ਲਈ ਨਵੇਂ ਟੈਕਸ ਲਗਾਉਣ ਜਾਂ ਮੌਜੂਦਾ ਟੈਕਸ ਨੂੰ ਵਧਾਏ ਜਾਣ ਤੋਂ ਇਨਕਾਰ ਨਹੀਂ ਕੀਤਾ।
ਪੱਤਰਕਾਰਾਂ ਵਲੋਂ ਉਨ੍ਹਾਂ ਨੂੰ ਪੁੱਛਿਆ ਗਿਆ ਸੀ ਕੀ ਬਜਟ ਵਿਚ ਕੋਈ ਨਵਾਂ ਟੈਕਸ ਲਿਆਂਦਾ ਜਾ ਰਿਹਾ ਹੈ, ਜਿਸ ਦਾ ਫ੍ਰੀਲੈਂਡ ਨੇ ਸਿੱਧਾ ਜਵਾਬ ਨਹੀਂ ਦਿੱਤਾ, ਇਸ ਦੀ ਬਜਾਏ ਉਨ੍ਹਾਂ ਕਿਹਾ ਸਰਕਾਰ ਉਨ੍ਹਾਂ ਚੀਜ਼ਾਂ ਵਿਚ ਨਿਵੇਸ਼ ਕਰਨ ਦੀ ਜ਼ਰੂਰਤ ’ਤੇ ਜ਼ੋਰ ਦੇ ਰਹੀ ਹੈ ਜੋ ਕੈਨੇਡੀਅਨਾਂ ਲਈ ਮਹੱਤਵਪੂਰਨ ਹਨ, ਜਿਵੇਂ ਕਿ ਹਾਊਸਿੰਗ ਅਤੇ ਬਣਾਵਟੀ ਗਿਆਨ।
ਫ੍ਰੀਲੈਂਡ ਦਾ ਕਹਿਣਾ ਸੀ ਕਿ ਸਰਕਾਰ ਉਨ੍ਹਾਂ ਨਿਵੇਸ਼ ਨੂੰ ਬਜਟ ਦੇ ਤੌਰ ’ਤੇ ਜ਼ਿੰਮੇਵਾਰ ਤਰੀਕੇ ਨਾਲ ਕਰੇਗੀ ਅਤੇ ਇਸ ਦਾ ਮਤਲਬ ਮਿਡਲ ਕਲਾਸ ’ਤੇ ਟੈਕਸ ਵਧਾਉਣਾ ਨਹੀਂ। ਗੌਰਤਲਬ ਹੈ ਕਿ ਟਰੂਡੋ ਸਰਕਾਰ ਬਜਟ 2024 ਵਿਚ ਕਾਫੀ ਖ਼ਰਚ ਕਰਨ ਜਾ ਰਹੀ ਹੈ, ਜਿਸ ਦੇ ਮੱਦੇਨਜ਼ਰ ਫਿਸਕਲ ਪੋਜ਼ੀਸ਼ਨ ਨੂੰ ਬੈਲੰਸ ਕਰਨ ਲਈ ਸਰਕਾਰ ਨੂੰ ਟੈਕਸ ਵਧਾਉਣ ਦੀ ਲੋੜ ਹੋ ਸਕਦੀ ਹੈ। ਇਹ ਸਵਾਲ ਪਹਿਲਾਂ ਹੀ ਘੁੰਮ ਰਹੇ ਹਨ ਕਿ ਨੈਸ਼ਨਲ ਸਕੂਲ ਫੂਡ ਪ੍ਰੋਗਰਾਮ ਲਈ ਫੰਡ ਦੀ ਵਿਵਸਥਾ ਸਰਕਾਰ ਕਿਸ ਤਰ੍ਹਾਂ ਨਾਲ ਕਰਨ ਜਾ ਰਹੀ ਹੈ।
