15.83C Vancouver 15.83C VancouverJul 12, 2021 8:51 PM -
ਸਰੀ ਗੈਂਗ ਐਨਫੋਰਸਮੈਂਟ ਟੀਮ ਵੱਲੋਂ ਇੱਕ ਟਰੈਫਿਕ ਸਟੌਪ ਦੌਰਾਨ ਇੱਕ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਇਸ ਵਿਅਕਤੀ ਦੇ ਗੈਂਗਸ ਨਾਲ ਸੰਬੰਧ ਦੱਸੇ ਜਾ ਰਹੇ ਹਨ ਅਤੇ ਇਸ ਤੋਂ ਇੱਕ ਭਰੀ ਹੋਈ ਬੰਦੂਕ ਬਰਾਮਦ ਹੋਈ ਹੈ।
ਮਾਮਲਾ 29 ਜੂਨ ਦਾ ਦੱਸਿਆ ਗਿਆ ਹੈ।
ਰਾਤ ਕਰੀਬ 10.20 ਮਿੰਟ 'ਤੇ ਅਫ਼ਸਰਾਂ ਨੇ ਬੀ.ਸੀ. ਮੋਟਰ ਵਾਹਨ ਐਕਟ ਤਹਿਤ ਇੱਕ ਰੈਂਟਲ ਵਾਹਨ ਨੂੰ 152 ਸਟ੍ਰੀਟ ਤੇ 6500 ਬਲੌਕ ਕੋਲ ਰੋਕਿਆ ਸੀ।
ਵਾਹਨ ਚਾਲਕ ਨਾਲ ਗੱਲਬਾਤ ਦੌਰਾਨ ਅਫ਼ਸਰਾਂ ਨੂੰ ਸ਼ਰਾਬ ਦੇ ਸੇਵਨ ਦਾ ਸ਼ੱਕ ਹੋਇਆ ਅਤੇ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
ਵਧੇਰੇ ਜਾਂਚ ਦੌਰਾਨ ਇੱਕ ਹੈਂਡਗਨ, ਦਸਤਾਨੇ ਅਤੇ ਇੱਕ ਖਾਲੀ ਜੈਰੀਕੈਨ ਮਿਲਿਆ।
ਵਾਹਨ ਚਾਲਕ ਨੂੰ ਸਰੀ ਨਿਵਾਸੀ ਦੱਸਿਆ ਗਿਆ ਹੈ ਅਤੇ ਉਸ ਦੀ ਉਮਰ 21 ਸਾਲ ਹੈ।
ਉਸ ਨੂੰ ਡਰਾਈਵਰ ਲਾਈਸੈਂਸ ਨਾ ਹੋਣ, ਵਾਹਨ ਦੇ ਮਾਲਿਕ ਦਾ ਨਾਮ ਅਤੇ ਪਤਾ ਨਾ ਦੱਸਣ ਦੇ ਮਾਮਲੇ 'ਚ ਟਿਕਟ ਜਾਰੀ ਕੀਤੇ ਗਏ।
ਰੈਂਟਲ ਵਾਹਨ ਨੂੰ ਸੀਜ਼ ਕੀਤਾ ਗਿਆ ਅਤੇ ਉਸ ਨੂੰ ਰੈਂਟਲ ਕੰਪਨੀ ਨੂੰ ਮੋੜ ਦਿੱਤਾ ਗਿਆ।
ਮਾਮਲੇ 'ਚ ਵਧੇਰੇ ਜਾਂਚ ਜਾਰੀ ਹੈ।
