12.92C Vancouver 12.92C VancouverJun 8, 2026 6:05 PM - Connect Newsroom - Ramandeep Kaur with files from The Canadian Press
ਨੌਰਥਨ ਬੀ.ਸੀ. ਕੋਸਟ 'ਤੇ ਪ੍ਰਸਤਾਵਿਤ Ksi Lisims LNG ਪ੍ਰੋਜੈਕਟ ਤੋਂ ਗੈਸ ਖਰੀਦਣ ਲਈ ਜਰਮਨੀ ਦੀ ਇੱਕ ਹੋਰ ਕੰਪਨੀ ਨੇ ਦਿਲਚਸਪੀ ਦਿਖਾਈ ਹੈ। ਇਸ ਸਬੰਧ ਵਿਚ Uniper ਅਤੇ Ksi Lisims ਪ੍ਰੋਜੈਕਟ ਦੇ ਭਾਈਵਾਲਾਂ ਵਿਚਕਾਰ ਇੱਕ ਸਹਿਮਤੀ ਪੱਤਰ 'ਤੇ ਹਸਤਾਖਰ ਕੀਤੇ ਗਏ ਹਨ, ਜਿਸ ਤਹਿਤ Uniper ਸਾਲ 2032 ਤੋਂ ਹਰ ਸਾਲ 2 ਮਿਲੀਅਨ ਟਨ ਐਲ.ਐਨ.ਜੀ. ਖਰੀਦ ਸਕਦੀ ਹੈ।
ਪਿਛਲੇ ਮਹੀਨੇ ਹੀ ਜਰਮਨੀ ਦੀ ਇੱਕ ਹੋਰ ਕੰਪਨੀ SEFE ਨੇ ਵੀ ਇਸ ਪ੍ਰੋਜੈਕਟ ਤੋਂ 20 ਸਾਲਾਂ ਲਈ ਸਾਲਾਨਾ 10 ਲੱਖ ਟਨ ਗੈਸ ਖਰੀਦਣ ਦਾ ਸਮਝੌਤਾ ਕੀਤਾ ਸੀ। ਨੌਰਥਨ ਬੀ. ਸੀ. ਕੋਸਟ 'ਤੇ ਬਣਨ ਵਾਲਾ Ksi Lisims floating plant ਲਗਭਗ $10-ਬਿਲੀਅਨ ਦਾ ਵੱਡਾ ਪ੍ਰੋਜੈਕਟ ਹੈ, ਇਸ ਦੀ ਸਾਲਾਨਾ ਸਮਰੱਥਾ 12 ਮਿਲੀਅਨ ਟਨ ਐਲ.ਐਨ.ਜੀ. ਐਕਪੋਰਟ ਕਰਨ ਦੀ ਹੋਵੇਗੀ।
ਹਾਲਾਂਕਿ, ਭੂਗੋਲਿਕ ਤੌਰ 'ਤੇ ਕੈਨੇਡਾ ਤੋਂ ਜਰਮਨੀ ਤੱਕ ਗੈਸ ਪਹੁੰਚਾਉਣਾ ਸੌਖਾ ਨਹੀਂ ਹੈ ਪਰ 2022 ਵਿਚ ਰੂਸ ਵੱਲੋਂ ਯੂਕਰੇਨ 'ਤੇ ਕੀਤੇ ਹਮਲੇ ਤੋਂ ਬਾਅਦ ਯੂਰਪੀ ਦੇਸ਼ ਹੋਰ ਥਾਵਾਂ ਤੋਂ ਗੈਸ ਲੈਣ ਦੀ ਕੋਸ਼ਿਸ਼ ਕਰ ਰਹੇ ਹਨ, ਈਰਾਨ ਜੰਗ ਕਾਰਨ ਮਿਡਲ ਈਸਟ ਤੋਂ ਵੀ ਸਪਲਾਈ ਪ੍ਰਭਾਵਿਤ ਹੋਈ, ਜਿਸ ਕਾਰਨ ਬੀ. ਸੀ. ਤੋਂ ਐਨਰਜੀ ਦੇ ਰਾਹ ਖੁੱਲ੍ਹ ਰਹੇ ਹਨ ਪਰ ਇਸ ਦੇ ਸਹੀ ਮਾਈਨੇ ਵਿਚ ਕਾਮਯਾਬ ਹੋਣ ਲਈ ਅਜੇ ਲੰਮਾਂ ਸਫਰ ਤੈਅ ਹੋਣਾ ਬਾਕੀ ਹੈ।
