9.66C Vancouver 9.66C VancouverFeb 20, 2020 10:20 PM -
ਜਰਮਨੀ 'ਚ ਹੋਏ ਨਫਰਤੀ ਮਾਮਲੇ ਨਾਲ ਜੁੜੇ ਸ਼ੂਟਆਊਟ ਨੂੰ ਲੈਕੇ, ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਦੁਖ ਜ਼ਾਹਿਰ ਕੀਤਾ ਹੈ।
ਕੱਲ ਹੋਈ ਗੋਲੀਬਾਰੀ 'ਚ 9 ਲੋਕਾਂ ਦੀ ਜਾਨ ਜਾਂਦੀ ਰਹੀ। ਅਜਿਹਾ ਉਸ ਵੇਲੇ ਹੋਇਆ ਜਦ ਇੱਕ ਹਥਿਆਰਬੰਦ ਵਿਅਕਤੀ ਨੇ, 2 bars 'ਚ ਅੰਨ੍ਹੇਵਾਹ ਗੋਲੀਆਂ ਚਲਾ ਦਿੱਤੀਆਂ।
ਪੂਰਾ ਮਾਮਲਾ ਨਸਲੀ ਨਫਰਤ ਨਾਲ ਜੁੜਿਆ ਦੱਸਿਆ ਜਾ ਰਿਹਾ ਹੈ।
ਪੂਰੀ ਘਟਨਾ ਤੋਂ ਬਾਅਦ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਵੀਰਵਾਰ ਨੂੰ ਇੱਕ ਟਵੀਟ ਕੀਤਾ, ਅਤੇ ਆਪਣੇ ਵਿਚਾਰ ਸਾਂਝੇ ਕੀਤੇ।
ਉਨ੍ਹਾਂ ਲਿਖਿਆ, 'ਬੀਤੀ ਰਾਤ ਜਰਮਨੀ 'ਚ ਹੋਏ ਹਮਲੇ ਦੀ ਕੈਨੇਡਾ ਨਿੰਦਾ ਕਰਦਾ ਹੈ। ਸਾਨੂੰ ਨਸਲਵਾਦ ਅਤੇ ਨਫਰਤ ਦੇ ਖਿਲਾਫ ਇੱਕਜੁਟ ਹੋਣ ਦੀ ਲੋੜ ਹੈ। ਹਮਲੇ ਦੇ ਪੀੜਤ ਅਤੇ ਉਨ੍ਹਾਂ ਦਾ ਪਰਿਵਾਰ ਸਾਡੀ ਸੋਚ ਵਿੱਚ ਹਨ। ਅਸੀਂ ਤੁਹਾਡੇ ਦੁਖ 'ਚ ਤੁਹਾਡੇ ਨਾਲ ਹਾਂ।'
ਫਰੈਂਕਫਰਟ ਦੇ ਕੋਲ ਹਾਨਾਉ ਇਲਾਕੇ 'ਚ ਇਸ ਵਾਰਦਾਤ ਨੂੰ ਅੰਜਾਮ ਦਿੱਤਾ ਗਿਆ।
ਹਮਲਾਵਰ ਦੀ ਪਛਾਣ, 43 ਸਾਲਾ, ਟੋਬੀਆਸ ਰਾਥੇਨ ਵਜੋਂ ਹੋਈ ਹੈ।
ਵਿਦੇਸ਼ ਮੰਤਰੀ ਫ੍ਰਾਂਸੂਆ ਫਿਲਿਪ ਸ਼ੈਂਪੇਨ ਨੇ ਵੀ ਘਟਨਾ ਦੀ ਸਖਤ ਨਿੰਦਾ ਕੀਤੀ ਹੈ।
